|| ശിവ താണ്ഡവ സ്തോത്രം ||
ജടാടവീഗലജ്ജല- പ്രവാഹപാവിതസ്ഥലേ
ഗലേഽവലംബ്യ ലംബിതാം ഭുജംഗതുംഗമാലികാം.
ഡമഡ്ഡമഡ്ഡമഡ്ഡമന്നിനാദ- വഡ്ഡമർവയം
ചകാര ചണ്ഡതാണ്ഡവം തനോതു നഃ ശിവഃ ശിവം.
ജടാകടാഹസംഭ്രമ- ഭ്രമന്നിലിമ്പനിർഝരീ-
വിലോലവീചിവല്ലരീ- വിരാജമാനമൂർധനി.
ധഗദ്ധഗദ്ധഗജ്ജ്വലല്ലലാട- പട്ടപാവകേ
കിശോരചന്ദ്രശേഖരേ രതിഃ പ്രതിക്ഷണം മമ.
ധരാധരേന്ദ്രനന്ദിനീ- വിലാസബന്ധുബന്ധുര-
സ്ഫുരദ്ദിഗന്തസന്തതി- പ്രമോദമാനമാനസേ.
കൃപാകടാക്ഷധോരണീ- നിരുദ്ധദുർധരാപദി
ക്വചിദ്ദിഗംബരേ മനോ വിനോദമേതു വസ്തുനി.
ജടാഭുജംഗപിംഗല- സ്ഫുരത്ഫണാമണിപ്രഭാ-
കദംബകുങ്കുമദ്രവ- പ്രലിപ്തദിഗ്വധൂമുഖേ.
മദാന്ധസിന്ധുര- സ്ഫുരത്ത്വഗുത്തരീയമേദുരേ
മനോ വിനോദമദ്ഭുതം ബിഭർതു ഭൂതഭർതരി.
സഹസ്രലോചനപ്രഭൃത്യശേഷ- ലേഖശേഖര-
പ്രസൂനധൂലിധോരണീ വിധൂസരാംഘ്രിപീഠഭൂഃ.
ഭുജംഗരാജമാലയാ നിബദ്ധജാടജൂടക
ശ്രിയൈ ചിരായ ജായതാം ചകോരബന്ധുശേഖരഃ.
ലലാടചത്വരജ്വലദ്ധനഞ്ജയ- സ്ഫുലിംഗഭാ-
നിപീതപഞ്ചസായകം നമന്നിലിമ്പനായകം.
സുധാമയൂഖലേഖയാ വിരാജമാനശേഖരം
മഹാകപാലിസമ്പദേ ശിരോജടാലമസ്തു നഃ.
കരാലഭാലപട്ടികാ- ധഗദ്ധഗദ്ധഗജ്ജ്വല-
ദ്ധനഞ്ജയാഹുതീകൃത- പ്രചണ്ഡപഞ്ചസായകേ.
ധരാധരേന്ദ്രനന്ദിനീ- കുചാഗ്രചിത്രപത്രക-
പ്രകല്പനൈകശില്പിനി ത്രിലോചനേ രതിർമമ.
നവീനമേഘമണ്ഡലീ- നിരുദ്ധദുർധരസ്ഫുരത്-
കുഹൂനിശീഥിനീതമഃ- പ്രബന്ധബദ്ധകന്ധരഃ.
നിലിമ്പനിർഝരീധരസ്തനോതു കൃത്തിസിന്ധുരഃ
കലാനിധാനബന്ധുരഃ ശ്രിയം ജഗദ്ധുരന്ധരഃ.
പ്രഫുല്ലനീലപങ്കജ- പ്രപഞ്ചകാലിമപ്രഭാ-
വലംബികണ്ഠകന്ദലീരുചിപ്രബദ്ധകന്ധരം.
സ്മരച്ഛിദം പുരച്ഛിദം ഭവച്ഛിദം മഖച്ഛിദം
ഗജച്ഛിദാന്ധകച്ഛിദം തമന്തകച്ഛിദം ഭജേ.
അഖർവസർവമംഗലാ- കലാകദംബമഞ്ജരീ-
രസപ്രവാഹമാധുരീ- വിജൃംഭണാമധുവ്രതം.
സ്മരാന്തകം പുരാന്തകം ഭവാന്തകം മഖാന്തകം
ഗജാന്തകാന്ധകാന്തകം തമന്തകാന്തകം ഭജേ.
ജയത്വദഭ്രവിഭ്രമ- ഭ്രമദ്ഭുജംഗമശ്വസ-
ദ്വിനിർഗമത്ക്രമസ്ഫുരത്കരാലഭാലഹവ്യവാട്.
ധിമിദ്ധിമിദ്ധിമി- ധ്വനന്മൃദംഗതുംഗമംഗല
ധ്വനിക്രമപ്രവർതിതപ്രചണ്ഡ- താണ്ഡവഃ ശിവഃ.
ദൃഷദ്വിചിത്രതല്പയോർഭുജംഗ- മൗക്തികസ്രജോ-
ര്ഗരിഷ്ഠരത്നലോഷ്ഠയോഃ സുഹൃദ്വിപക്ഷപക്ഷയോഃ.
തൃണാരവിന്ദചക്ഷുഷോഃ പ്രജാമഹീമഹേന്ദ്രയോഃ
സമം പ്രവർതയന്മനഃ കദാ സദാശിവം ഭജേ.
കദാ നിലിമ്പനിർഝരീ- നികുഞ്ജകോടരേ വസൻ
വിമുക്തദുർമതിഃ സദാ ശിരഃ സ്ഥമഞ്ജലിം വഹൻ.
വിമുക്തലോലലോചനോ ലലാമഭാലലഗ്നകഃ
ശിവേതി മന്ത്രമുച്ചരൻ കദാ സുഖീ ഭവാമ്യഹം.
നിലിമ്പനാഥനാഗരീകദംബ- മൗലിമല്ലികാ-
നിഗുംഫനിർഭരക്ഷരൻ- മധൂഷ്ണികാമനോഹരഃ.
തനോതു നോ മനോമുദം വിനോദിനീമഹർനിശം
പരശ്രിയഃ പരം പദന്തദംഗജത്വിഷാം ചയഃ.
പ്രചണ്ഡവാഡവാനലപ്രഭാ- ശുഭപ്രചാരണീ
മഹാഷ്ടസിദ്ധികാമിനീ- ജനാവഹൂതജല്പനാ.
വിമുക്തവാമലോചനാവിവാഹ- കാലികധ്വനിഃ
ശിവേതി മന്ത്രഭൂഷണോ ജഗജ്ജയായ ജായതാം.
ഇദം ഹി നിത്യമേവമുക്തമുത്തമോത്തമം സ്തവം
പഠൻസ്മരൻബ്രുവന്നരോ വിശുദ്ധിമേതിസന്തതം.
ഹരേ ഗുരൗ സുഭക്തിമാശു യാതി നാഽന്യഥാ ഗതിം
വിമോഹനം ഹി ദേഹിനാം സുശങ്കരസ്യ ചിന്തനം.
പൂജാവസാനസമയേ ദശവക്ത്രഗീതം
യഃ ശംഭുപൂജനപരം പഠതി പ്രദോഷേ.
തസ്യ സ്ഥിരാം രഥഗജേന്ദ്രതുരംഗയുക്താം
ലക്ഷ്മീം സദൈവ സുമുഖീം പ്രദദാതി ശംഭു:.
- sanskritअर्ध नारीश्वर स्तोत्रम्
- hindiश्री कालभैरवाष्टक स्तोत्रम् अर्थ सहित
- hindiश्री काशी विश्वनाथ मंगल स्तोत्रम्
- marathiशिवलीलामृत – अकरावा अध्याय 11
- malayalamശിവ രക്ഷാ സ്തോത്രം
- teluguశివ రక్షా స్తోత్రం
- tamilசிவ ரக்ஷா ஸ்தோத்திரம்
- hindiश्री शिव तांडव स्तोत्रम्
- kannadaಶಿವ ರಕ್ಷಾ ಸ್ತೋತ್ರ
- hindiशिव रक्षा स्तोत्र
- malayalamശിവ പഞ്ചാക്ഷര നക്ഷത്രമാലാ സ്തോത്രം
- teluguశివ పంచాక్షర నక్షత్రమాలా స్తోత్రం
- tamilசிவா பஞ்சாக்ஷர நக்ஷத்ராமாலா ஸ்தோத்திரம்
- kannadaಶಿವ ಪಂಚಾಕ್ಷರ ನಕ್ಷತ್ರಮಾಲಾ ಸ್ತೋತ್ರ
- hindiशिव पंचाक्षर नक्षत्रमाला स्तोत्र
Found a Mistake or Error? Report it Now
