ಶ್ರೀ ಭಾನುವಿನಾಯಕ ಸ್ತೋತ್ರಂ

|| ಶ್ರೀ ಭಾನುವಿನಾಯಕ ಸ್ತೋತ್ರಂ (Bhanu Vinayaka Stotram Kannada PDF) ||

ಅರುಣ ಉವಾಚ |

ನಮಸ್ತೇ ಗಣನಾಥಾಯ ತೇಜಸಾಂ ಪತಯೇ ನಮಃ |
ಅನಾಮಯಾಯ ದೇವೇಶ ಆತ್ಮನೇ ತೇ ನಮೋ ನಮಃ || ೧ ||

ಬ್ರಹ್ಮಣಾಂ ಪತಯೇ ತುಭ್ಯಂ ಜೀವಾನಾಂ ಪತಯೇ ನಮಃ |
ಆಖುವಾಹನಗಾಯೈವ ಸಪ್ತಾಶ್ವಾಯ ನಮೋ ನಮಃ || ೨ ||

ಸ್ವಾನಂದವಾಸಿನೇ ತುಭ್ಯಂ ಸೌರಲೋಕನಿವಾಸಿನೇ |
ಚತುರ್ಭುಜಧರಾಯೈವ ಸಹಸ್ರಕಿರಣಾಯ ಚ || ೩ ||

ಸಿದ್ಧಿಬುದ್ಧಿಪತೇ ತುಭ್ಯಂ ಸಂಜ್ಞಾನಾಥಾಯ ತೇ ನಮಃ |
ವಿಘ್ನಹಂತ್ರೇ ತಮೋಹಂತ್ರೇ ಹೇರಂಬಾಯ ನಮೋ ನಮಃ || ೪ ||

ಅನಂತವಿಭವಾಯೈವ ನಾಮರೂಪಪ್ರಧಾರಿಣೇ |
ಮಾಯಾಚಾಲಕ ಸರ್ವೇಶ ಸರ್ವಪೂಜ್ಯಾಯ ತೇ ನಮಃ || ೫ ||

ಗ್ರಹರಾಜಾಯ ದೀಪ್ತೀನಾಂ ದೀಪ್ತಿದಾಯ ಯಶಸ್ವಿನೇ |
ಗಣೇಶಾಯ ಪರೇಶಾಯ ವಿಘ್ನೇಶಾಯ ನಮೋ ನಮಃ || ೬ ||

ವಿವಸ್ವತೇ ಭಾನವೇ ತೇ ರವಯೇ ಜ್ಯೋತಿಷಾಂ ಪತೇ |
ಲಂಬೋದರೈಕದಂತಾಯ ಮಹೋತ್ಕಟಾಯ ತೇ ನಮಃ || ೭ ||

ಯಃ ಸೂರ್ಯೋ ವಿಕಟಃ ಸೋಽಪಿ ನ ಭೇದೋ ದೃಶ್ಯತೇ ಕದಾ |
ಭಕ್ತಿಂ ದೇಹಿ ಗಜಾಸ್ಯ ತ್ವಂ ತ್ವದೀಯಾಂ ಮೇ ನಮೋ ನಮಃ || ೮ ||

ಕಿಂ ಸ್ತೌಮಿ ತ್ವಾಂ ಗಣಾಧೀಶ ಯೋಗಾಕಾರಸ್ವರೂಪಿಣಮ್ |
ಚತುರ್ಧಾ ಭಜ್ಯ ಸ್ವಾತ್ಮಾನಂ ಖೇಲಸಿ ತ್ವಂ ನ ಸಂಶಯಃ || ೯ ||

ಏವಂ ಸ್ವಸ್ಯ ಸ್ತುತಿಂ ಶ್ರುತ್ವಾ ವಿಕಟೋ ರೂಪಮಾದಧೇ |
ವಾಮಾಂಗೇ ಸಂಜ್ಞಯಾ ಯುಕ್ತಂ ಗಜವಕ್ತ್ರಾದಿಚಿಹ್ನಿತಮ್ || ೧೦ ||

ತಂ ದೃಷ್ಟ್ವಾ ಪ್ರಣನಾಮಾಥಾನೂರುರ್ಹರ್ಷಸಮನ್ವಿತಃ |
ತಂ ಜಗಾದ ಗಣಾಧೀಶೋ ವರಂ ವೃಣು ಹೃದೀಪ್ಸಿತಮ್ || ೧೧ ||

ತ್ವಯಾ ಕೃತಮಿದಂ ಸ್ತೋತ್ರಂ ಸರ್ವಸಿದ್ಧಿಪ್ರದಾಯಕಮ್ |
ಭವಿಷ್ಯತಿ ನ ಸಂದೇಹಶ್ಚಿಂತಿತಂ ಸ ಲಭೇತ್ ಪರಮ್ || ೧೨ ||

ಶೃಣುಯಾದ್ವಾ ಜಪೇದ್ವಾಽಪಿ ತಸ್ಯ ಕಿಂಚಿನ್ನ ದುರ್ಲಭಮ್ |
ಭವಿಷ್ಯತಿ ಮಹಾಪಕ್ಷಿನ್ ಮಮ ಸಂತೋಷಕಾರಕಮ್ || ೧೩ ||

ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ಷಷ್ಠೇ ಖಂಡೇ ಅರುಣ ಕೃತ ಶ್ರೀ ಭಾನುವಿನಾಯಕ ಸ್ತೋತ್ರಮ್ ||

Read in More Languages:

• marathiश्री गणपति अथर्वशीर्ष स्तोत्रम
• gujaratiશ્રી ગણપતિ અથર્વશીર્ષ સ્તોત્રમ
• hindiश्री गणपति अथर्वशीर्ष स्तोत्रम हिन्दी पाठ अर्थ सहित (विधि – लाभ)
• sanskritश्री भानुविनायक स्तोत्रम्
• hindiसिद्धि विनायक स्तोत्र
• tamilஶ்ரீ பா⁴நுவிநாயக ஸ்தோத்ரம்
• teluguశ్రీ భానువినాయక స్తోత్రం
• sanskritश्री अष्टविनायकस्तोत्रम्
• hindiएकदन्त शरणागति स्तोत्रम्
• englishShri Gajanana Stotram
• englishShri Ganeshashtak Stotram
• englishShri Ganadhipat Stotram
• hindiश्री गणाधिपत स्तोत्रम् अर्थ सहित
• hindiश्री गजानन स्तोत्र अर्थ सहित
• hindiश्री गणेशाष्टक स्तोत्रम् अर्थ सहित

Found a Mistake or Error? Report it Now