|| श्री गदाधर स्तोत्रम् (वराह पुराणे) – Gadadhara Stotram PDF ||
रैभ्य उवाच ।
गदाधरं विबुधजनैरभिष्टुतं
धृतक्षमं क्षुधित जनार्तिनाशनम् ।
शिवं विशालाऽसुरसैन्यमर्दनं
नमाम्यहं हतसकलाऽशुभं स्मृतौ ॥ १ ॥
पुराणपूर्वं पुरुषं पुरुष्टुतं
पुरातनं विमलमलं नृणां गतिम् ।a
त्रिविक्रमं हृतधरणिं बलोर्जितं
गदाधरं रहसि नमामि केशवम् ॥ २ ॥
विशुद्धभावं विभवैरुपावृतं
श्रियावृतं विगतमलं विचक्षणम् ।
क्षितीश्वरैरपगतकिल्बिषैः स्तुतं
गदाधरं प्रणमति यः सुखं वसेत् ॥ ३ ॥
सुराऽसुरैरर्चितपादपङ्कजं
केयूरहाराङ्गदमौलिधारिणम् ।
अब्धौ शयानं च रथाङ्गपाणिनं
गदाधरं प्रणमति यः सुखं वसेत् ॥ ४ ॥
सितं कृते त्रेतयुगेऽरुणं विभुं
तथा तृतीये पीतवर्णमच्युतम् ।
कलौ घनालिप्रतिमं महेश्वरं
गदाधरं प्रणमति यः सुखं वसेत् ॥ ५ ॥
बीजोद्भवो यः सृजते चतुर्मुखं
तथैव नारायणरूपतो जगत् ।
प्रपालयेद्रुद्रवपुस्तथान्तकृ-
-द्गदाधरो जयतु षडर्धमूर्तिमान् ॥ ६ ॥
सत्त्वं रजश्चैव तमो गुणास्त्रय-
-स्त्वेतेषु नान्यस्य समुद्भवः किल ।
स चैक एव त्रिविधो गदाधरो
दधातु धैर्यं मम धर्ममोक्षयोः ॥ ७ ॥
संसारतोयार्णवदुःखतन्तुभि-
-र्वियोगनक्रक्रमणैः सुभीषणैः ।
मज्जन्तमुच्चैः सुतरां महाप्लवे
गदाधरो मामुदधौ तु पोतवत् ॥ ८ ॥
स्वयं त्रिमूर्तिः स्वमिवात्मनात्मनि
स्वशक्तितश्चाण्डमिदं ससर्ज ह ।
तस्मिञ्जलोत्थासनमार्य तैजसं
ससर्ज यस्तं प्रणतोऽस्मि भूधरम् ॥ ९ ॥
मत्स्यादिनामानि जगत्सु केवलं
सुरादिसंरक्षणतो वृषाकपिः ।
मुख्यस्वरूपेण समन्ततो विभु-
-र्गदाधरो मे विदधातु सद्गतिम् ॥ १० ॥
इति श्रीवराहपुराणे सप्तमोऽध्याये रभ्यकृत गदाधर स्तोत्रम् ।
Read in More Languages:- hindiश्री हरि स्तोत्रम्
- hindiबृहस्पति स्तोत्रम् पाठ की विधि और लाभ
- teluguGovinda Namalu Telugu – శ్రీ గోవింద నామాలు
- sanskritश्री अनंत पद्मनाभ मंगल स्तोत्र
- teluguఅపమార్జన స్తోత్రం
- sanskritअम्बरीषकतं विष्णुस्तोत्रम्
- sanskritतीर्थस्नानफलप्रदम् श्रीविष्णुस्तोत्रं नरसिंहपुराणे
- sanskritश्रीविष्णुपूजास्तोत्रम्
- sanskritमत्स्यस्तोत्रम्
- sanskritविष्णुलहरी (करुणालहरी)
- sanskritप्रहलाद कृत नृसिंह स्तोत्र
- sanskritश्री लक्ष्मी नरसिंह करावलंबा स्तोत्रम
- hindiलक्ष्मी नरसिंह करावलंबा स्तोत्रम लाभ सहित
- malayalamവിഷ്ണു പഞ്ചക സ്തോത്രം
- teluguవిష్ణు పంచక స్తోత్రం
Found a Mistake or Error? Report it Now
