శ్రీ రవి అష్టకం

|| శ్రీ రవి అష్టకం ||

ఉదయాద్రిమస్తకమహామణిం లసత్
కమలాకరైకసుహృదం మహౌజసమ్ |
గదపంకశోషణమఘౌఘనాశనం
శరణం గతోఽస్మి రవిమంశుమాలినమ్ || ౧ ||

తిమిరాపహారనిరతం నిరామయం
నిజరాగరంజితజగత్త్రయం విభుమ్ |
గదపంకశోషణమఘౌఘనాశనం
శరణం గతోఽస్మి రవిమంశుమాలినమ్ || ౨ ||

దినరాత్రిభేదకరమద్భుతం పరం
సురవృందసంస్తుతచరిత్రమవ్యయమ్ |
గదపంకశోషణమఘౌఘనాశనం
శరణం గతోఽస్మి రవిమంశుమాలినమ్ || ౩ ||

శ్రుతిసారపారమజరామయం పరం
రమణీయవిగ్రహముదగ్రరోచిషమ్ |
గదపంకశోషణమఘౌఘనాశనం
శరణం గతోఽస్మి రవిమంశుమాలినమ్ || ౪ ||

శుకపక్షతుండసదృశాశ్వమండలం
అచలావరోహపరిగీతసాహసమ్ |
గదపంకశోషణమఘౌఘనాశనం
శరణం గతోఽస్మి రవిమంశుమాలినమ్ || ౫ ||

శ్రుతితత్త్వగమ్యమఖిలాక్షిగోచరం
జగదేకదీపముదయాస్తరాగిణమ్ |
గదపంకశోషణమఘౌఘనాశనం
శరణం గతోఽస్మి రవిమంశుమాలినమ్ || ౬ ||

శ్రితభక్తవత్సలమశేషకల్మష-
-క్షయహేతుమక్షయఫలప్రదాయినమ్ |
గదపంకశోషణమఘౌఘనాశనం
శరణం గతోఽస్మి రవిమంశుమాలినమ్ || ౭ ||

అహమన్వహం సతురగక్షతాటవీ-
-శతకోటిహాలకమహామహీధనమ్ |
గదపంకశోషణమఘౌఘనాశనం
శరణం గతోఽస్మి రవిమంశుమాలినమ్ || ౮ ||

ఇతి సౌరమష్టకమహర్ముఖే రవిం
ప్రణిపత్య యః పఠతి భక్తితో నరః |
స విముచ్యతే సకలరోగకల్మషైః
సవితుః సమీపమపి సమ్యగాప్నుయాత్ || ౯ ||

ఇతి శ్రీ రవి అష్టకమ్ |

Found a Mistake or Error? Report it Now