Stotram (स्तोत्र संग्रह)

|| श्री विष्णु पादादिकेशान्तवर्णन स्तोत्रम् || लक्ष्मीभर्तुर्भुजाग्रे कृतवसति सितं यस्य रूपं विशालं नीलाद्रेस्तुङ्गशृङ्गस्थितमिव रजनीनाथबिम्बं विभाति । पायान्नः पाञ्चजन्यः स दितिसुतकुलत्रासनैः पूरयन्स्वै- -र्निध्वानैर्नीरदौघध्वनिपरिभवदैरम्बरं कम्बुराजः ॥ १ ॥ आहुर्यस्य स्वरूपं क्षणमुखमखिलं सूरयः कालमेतं ध्वान्तस्यैकान्तमन्तं यदपि च परमं सर्वधाम्नां च धाम । चक्रं तच्चक्रपाणेर्दितिजतनुगलद्रक्तधाराक्तधारं शश्वन्नो विश्ववन्द्यं वितरतु विपुलं शर्म धर्मांशुशोभम् ॥ २ ॥ अव्यान्निर्घातघोरो हरिभुजपवनामर्शनाध्मातमूर्ते- -रस्मान्विस्मेरनेत्रत्रिदशनुतिवचःसाधुकारैः सुतारः ।…

|| श्री विष्णुपञ्जर स्तोत्रम् || ओं अस्य श्रीविष्णुपञ्जरस्तोत्र महामन्त्रस्य नारद ऋषिः । अनुष्टुप् छन्दः । श्रीविष्णुः परमात्मा देवता । अहं बीजम् । सोहं शक्तिः । ओं ह्रीं कीलकम् । मम सर्वदेहरक्षणार्थं जपे विनियोगः । नारद ऋषये नमः मुखे । श्रीविष्णुपरमात्मदेवतायै नमः हृदये । अहं बीजं गुह्ये । सोहं शक्तिः पादयोः । ओं ह्रीं कीलकं पादाग्रे…

|| श्री विष्णु कवच स्तोत्रम् || अस्य श्रीविष्णुकवचस्तोत्रमहामन्त्रस्य, ब्रह्मा ऋषिः, अनुष्टुप् छन्दः, श्रीमन्नारायणो देवता, श्रीमन्नारायणप्रसादसिद्ध्यर्थे जपे विनियोगः । ओं केशवाय अङ्गुष्ठाभ्यां नमः । ओं नारायणाय तर्जनीभ्यां नमः । ओं माधवाय मध्यमाभ्यां नमः । ओं गोविन्दाय अनामिकाभ्यां नमः । ओं विष्णवे कनिष्ठिकाभ्यां नमः । ओं मधुसूदनाय करतलकरपृष्ठाभ्यां नमः ॥ ओं त्रिविक्रमाय हृदयाय नमः । ओं वामनाय…

|| श्री विष्णुः अष्टाविंशतिनाम स्तोत्रम् || अर्जुन उवाच- किं नु नाम सहस्राणि जपते च पुनः पुनः । यानि नामानि दिव्यानि तानि चाचक्ष्व केशव ॥ १ ॥ श्री भगवानुवाच- मत्स्यं कूर्मं वराहं च वामनं च जनार्दनम् । गोविन्दं पुण्डरीकाक्षं माधवं मधुसूदनम् ॥ २ ॥ पद्मनाभं सहस्राक्षं वनमालिं हलायुधम् । गोवर्धनं हृषीकेशं वैकुण्ठं पुरुषोत्तमम् ॥ ३ ॥…

|| श्री वरदराज स्तोत्रम् || श्रीमद्वरदराजेन्द्रः श्रीवत्साङ्कः शुभप्रदः । तुण्डीरमण्डलोल्लासी तापत्रयनिवारकः ॥ १ ॥ सत्यव्रतक्षेत्रवासी सत्यसज्जनपोषकः । सर्गस्थित्युपसंहारकारी सुगुणवारिधिः ॥ २ ॥ हरिर्हस्तिगिरीशानो हृतप्रणवदुष्कृतः । तत्त्वरूपत्वष्टृकृत काञ्चीपुरवराश्रितः ॥ ३ ॥ ब्रह्मारब्धाश्वमेधाख्यमहामखसुपूजितः । वेदवेद्यो वेगवतीवेगभीतात्मभूस्तुतः ॥ ४ ॥ विश्वसेतुर्वेगवतीसेतुर्विश्वाधिकोऽनघः । यथोक्तकारिनामाढ्यो यज्ञभृद्यज्ञरक्षकः ॥ ५ ॥ ब्रह्मकुण्डोत्पन्नदिव्यपुण्यकोटिविमानगः । वाणीपत्यर्पितहयवपासुरभिलाधरः ॥ ६ ॥ वरदाभयहस्ताब्जो वनमालाविराजितः । शङ्खचक्रलसत्पाणिश्शरणागतरक्षकः ॥…

|| श्री महाविष्णु स्तोत्रम् (गरुडगमन तव) || गरुडगमन तव चरणकमलमिह मनसि लसतु मम नित्यम् । मम तापमपाकुरु देव, मम पापमपाकुरु देव ॥ जलजनयन विधिनमुचिहरणमुख विबुधविनुतपदपद्म । मम तापमपाकुरु देव, मम पापमपाकुरु देव ॥ १ ॥ भुजगशयन भव मदनजनक मम जननमरणभयहारि । मम तापमपाकुरु देव, मम पापमपाकुरु देव ॥ २ ॥ शङ्खचक्रधर दुष्टदैत्यहर सर्वलोकशरण । मम…

|| भगवत्प्रातस्स्मरण स्तोत्रम् || प्रातस्स्मरामि फणिराजतनौ शयानं नागामरासुरनरादिजगन्निदानं । वेदैस्सहागमगणैरुपगीयमानं कां तारकेतनवतां परमं विधानम् ॥ १ ॥ प्रातर्भजामि भवसागरवारिपारं देवर्षिसिद्धनिवहैर्विहितोपहारं । सन्दृप्तदानवकदम्बमदापहारं सौन्दर्यराशि जलराशि सुताविहारम् ॥ २ ॥ प्रातर्नमामि शरदम्बरकान्तिकान्तं पादारविन्दमकरन्दजुषां भवान्तम् । नानावतारहृतभूमिभरं कृतान्तं पाथोजकम्बुरथपादकरं प्रशान्तम् ॥ ३ ॥ श्लोकत्रयमिदं पुण्यं ब्रह्मानन्देन कीर्तितं । यः पठेत्प्रातरुत्थाय सर्वपापैः प्रमुच्यते ॥ ४ ॥ इति श्रीमत्परमहंसस्वामि ब्रह्मानन्दविरचितं…

|| बाल ग्रहरक्षा स्तोत्रम् || आदाय कृष्णं सन्त्रस्ता यशोदापि द्विजोत्तम । गोपुच्छं भ्राम्य हस्तेन बालदोषमपाकरोत् ॥ १ ॥ गोकरीषमुपादाय नन्दगोपोऽपि मस्तके । कृष्णस्य प्रददौ रक्षां कुर्वित्येतदुदीरयन् ॥ २ ॥ नन्दगोप उवच – रक्षतु त्वामशेषाणां भूतानां प्रभवो हरिः । यस्य नाभिसमुद्भूतपङ्कजादभवज्जगत् ॥ ३ ॥ येन दम्ष्ट्राग्रविधृता धारयत्यवनी जगत् । वराहरूपदृग्देवस्सत्त्वां रक्षतु केशवः ॥ ४ ॥ नखाङ्कुरविनिर्भिन्न…

|| श्री पुण्डरीकाक्ष स्तोत्रम् || वराह उवाच । नमस्ते पुण्डरीकाक्ष नमस्ते मधुसूदन । नमस्ते सर्वलोकेश नमस्ते तिग्मचक्रिणे ॥ १ ॥ विश्वमूर्तिं महाबाहुं वरदं सर्वतेजसम् । नमामि पुण्डरीकाक्षं विद्याऽविद्यात्मकं विभुम् ॥ २ ॥ आदिदेवं महादेवं वेदवेदाङ्गपारगम् । गम्भीरं सर्वदेवानां नमस्ये वारिजेक्षणम् ॥ ३ ॥ सहस्रशीर्षिणं देवं सहस्राक्षं महाभुजम् । जगत्संव्याप्य तिष्ठन्तं नमस्ये परमेश्वरम् ॥ ४ ॥…

|| पञ्चायुध स्तोत्रम् || स्फुरत्सहस्रारशिखातितीव्रं सुदर्शनं भास्करकोटितुल्यम् । सुरद्विषां प्राणविनाशि विष्णोः चक्रं सदाऽहं शरणं प्रपद्ये ॥ १ ॥ विष्णोर्मुखोत्थानिलपूरितस्य यस्य ध्वनिर्दानवदर्पहन्ता । तं पाञ्चजन्यं शशिकोटिशुभ्रं शङ्खं सदाऽहं शरणं प्रपद्ये ॥ २ ॥ हिरण्मयीं मेरुसमानसारां कौमोदकीं दैत्यकुलैकहन्त्रीम् । वैकुण्ठवामाग्रकराभिमृष्टां गदां सदाऽहं शरणं प्रपद्ये ॥ ३ ॥ रक्षोऽसुराणां कठिनोग्रकण्ठ- -च्छेदक्षरच्छोणितदिग्धधारम् । तं नन्दकं नाम हरेः प्रदीप्तं खड्गं…

|| नारायण हृदय स्तोत्रम् || अस्य श्रीनारायणहृदयस्तोत्रमन्त्रस्य भार्गव ऋषिः, अनुष्टुप्छन्दः, श्रीलक्ष्मीनारायणो देवता, ओं बीजं, नमश्शक्तिः, नारायणायेति कीलकं, श्रीलक्ष्मीनारायण प्रीत्यर्थे जपे विनियोगः । करन्यासः । ओं नारायणः परं ज्योतिरिति अङ्गुष्ठाभ्यां नमः । नारायणः परं ब्रह्मेति तर्जनीभ्यां नमः । नारायणः परो देव इति मध्यमाभ्यां नमः । नारायणः परं धामेति अनामिकाभ्यां नमः । नारायणः परो धर्म इति कनिष्ठिकाभ्यां…