ஶ்ரீ ஹரி நாமமாலா ஸ்தோத்ரம்

|| ஶ்ரீ ஹரி நாமமாலா ஸ்தோத்ரம் ||

கோ³விந்த³ம் கோ³குலாநந்த³ம் கோ³பாலம் கோ³பிவல்லப⁴ம் ।
கோ³வர்த⁴நோத்³த⁴ரம் தீ⁴ரம் தம் வந்தே³ கோ³மதீப்ரியம் ॥ 1 ॥

நாராயணம் நிராகாரம் நரவீரம் நரோத்தமம் ।
ந்ருஸிம்ஹம் நாக³நாத²ம் ச தம் வந்தே³ நரகாந்தகம் ॥ 2 ॥

பீதாம்ப³ரம் பத்³மநாப⁴ம் பத்³மாக்ஷம் புருஷோத்தமம் ।
பவித்ரம் பரமாநந்த³ம் தம் வந்தே³ பரமேஶ்வரம் ॥ 3 ॥

ராக⁴வம் ராமசந்த்³ரம் ச ராவணாரிம் ரமாபதிம் ।
ராஜீவலோசநம் ராமம் தம் வந்தே³ ரகு⁴நந்த³நம் ॥ 4 ॥

வாமநம் விஶ்வரூபம் ச வாஸுதே³வம் ச விட்²ட²லம் ।
விஶ்வேஶ்வரம் விபு⁴ம் வ்யாஸம் தம் வந்தே³ வேத³வல்லப⁴ம் ॥ 5 ॥

தா³மோத³ரம் தி³வ்யஸிம்ஹம் த³யாளும் தீ³நநாயகம் ।
தை³த்யாரிம் தே³வதே³வேஶம் தம் வந்தே³ தே³வகீஸுதம் ॥ 6 ॥

முராரிம் மாத⁴வம் மத்ஸ்யம் முகுந்த³ம் முஷ்டிமர்த³நம் ।
முஞ்ஜகேஶம் மஹாபா³ஹும் தம் வந்தே³ மது⁴ஸூத³நம் ॥ 7 ॥

கேஶவம் கமலாகாந்தம் காமேஶம் கௌஸ்துப⁴ப்ரியம் ।
கௌமோத³கீத⁴ரம் க்ருஷ்ணம் தம் வந்தே³ கௌரவாந்தகம் ॥ 8 ॥

பூ⁴த⁴ரம் பு⁴வநாநந்த³ம் பூ⁴தேஶம் பூ⁴தநாயகம் ।
பா⁴வநைகம் பு⁴ஜங்கே³ஶம் தம் வந்தே³ ப⁴வநாஶநம் ॥ 9 ॥

ஜநார்த³நம் ஜக³ந்நாத²ம் ஜக³ஜ்ஜாட்³யவிநாஶகம் ।
ஜாமத³க்³ந்யம் பரம் ஜ்யோதிஸ்தம் வந்தே³ ஜலஶாயிநம் ॥ 10 ॥

சதுர்பு⁴ஜம் சிதா³நந்த³ம் மல்லசாணூரமர்த³நம் ।
சராசரகு³ரும் தே³வம் தம் வந்தே³ சக்ரபாணிநம் ॥ 11 ॥

ஶ்ரிய꞉கரம் ஶ்ரியோநாத²ம் ஶ்ரீத⁴ரம் ஶ்ரீவரப்ரத³ம் ।
ஶ்ரீவத்ஸலத⁴ரம் ஸௌம்யம் தம் வந்தே³ ஶ்ரீஸுரேஶ்வரம் ॥ 12 ॥

யோகீ³ஶ்வரம் யஜ்ஞபதிம் யஶோதா³நந்த³தா³யகம் ।
யமுநாஜலகல்லோலம் தம் வந்தே³ யது³நாயகம் ॥ 13 ॥

ஸாலக்³ராமஶிலாஶுத்³த⁴ம் ஶங்க²சக்ரோபஶோபி⁴தம் ।
ஸுராஸுரை꞉ ஸதா³ ஸேவ்யம் தம் வந்தே³ ஸாது⁴வல்லப⁴ம் ॥ 14 ॥

த்ரிவிக்ரமம் தபோமூர்திம் த்ரிவிதா⁴கௌ⁴க⁴நாஶநம் ।
த்ரிஸ்த²லம் தீர்த²ராஜேந்த்³ரம் தம் வந்தே³ துலஸீப்ரியம் ॥ 15 ॥

அநந்தமாதி³புருஷமச்யுதம் ச வரப்ரத³ம் ।
ஆநந்த³ம் ச ஸதா³நந்த³ம் தம் வந்தே³ சாக⁴நாஶநம் ॥ 16 ॥

லீலயா த்⁴ருதபூ⁴பா⁴ரம் லோகஸத்த்வைகவந்தி³தம் ।
லோகேஶ்வரம் ச ஶ்ரீகாந்தம் தம் வந்தே³ லக்ஷ்மணப்ரியம் ॥ 17 ॥

ஹரிம் ச ஹரிணாக்ஷம் ச ஹரிநாத²ம் ஹரப்ரியம் ।
ஹலாயுத⁴ஸஹாயம் ச தம் வந்தே³ ஹநுமத்ப்ரியம் ॥ 18 ॥

ஹரிநாமக்ருதா மாலா பவித்ரா பாபநாஶிநீ ।
ப³லிராஜேந்த்³ரேண சோக்தா கண்டே² தா⁴ர்யா ப்ரயத்நத꞉ ॥

இதி ப³லிராஜேந்த்³ரேணோக்தம் ஶ்ரீ ஹரி நாமமாலா ஸ்தோத்ரம் ।

Found a Mistake or Error? Report it Now