सिद्धि विनायक स्तोत्र

|| सिद्धि विनायक स्तोत्र (Siddhi Vinayak Stotram PDF) ||

विघ्नेश विघ्नचयखण्डननामधेय
श्रीशङ्करात्मज सुराधिपवन्द्यपाद।

दुर्गामहाव्रतफलाखिलमङ्गलात्मन्
विघ्नं ममापहर सिद्धिविनायक त्वम्।

सत्पद्मरागमणिवर्णशरीरकान्तिः
श्रीसिद्धिबुद्धिपरिचर्चितकुङ्कुमश्रीः।

दक्षस्तने वलियितातिमनोज्ञशुण्डो
विघ्नं ममापहर सिद्धिविनायक त्वम्।

पाशाङ्कुशाब्जपरशूंश्च दधच्चतुर्भि-
र्दोर्भिश्च शोणकुसुमस्रगुमाङ्गजातः।

सिन्दूरशोभितललाटविधुप्रकाशो
विघ्नं ममापहर सिद्धिविनायक त्वम्।

कार्येषु विघ्नचयभीतविरिञ्चिमुख्यैः
संपूजितः सुरवरैरपि मोहकाद्यैः।

सर्वेषु च प्रथममेव सुरेषु पूज्यो
विघ्नं ममापहर सिद्धिविनायक त्वम्।

शीघ्राञ्चनस्खलनतुङ्गरवोर्ध्वकण्ठ-
स्थूलेन्दुरुद्रगणहासितदेवसङ्घः।

शूर्पश्रुतिश्च पृथुवर्त्तुलतुङ्गतुन्दो
विघ्नं ममापहर सिद्धिविनायक त्वम्।

यज्ञोपवीतपदलम्भितनागराजो
मासादिपुण्यददृशीकृत-ऋक्षराजः।

भक्ताभयप्रद दयालय विघ्नराज
विघ्नं ममापहर सिद्धिविनायक त्वम्।

सद्रत्नसारततिराजितसत्किरीटः
कौसुम्भचारुवसनद्वय ऊर्जितश्रीः।

सर्वत्र मङ्गलकरस्मरणप्रतापो
विघ्नं ममापहर सिद्धिविनायक त्वम्।

देवान्तकाद्यसुरभीतसुरार्तिहर्ता
विज्ञानबोधनवरेण तमोऽपहर्ता।

आनन्दितत्रिभुवनेश कुमारबन्धो
विघ्नं ममापहर सिद्धिविनायक त्वम्।

Read in More Languages:

• hindiऋणहर्ता श्री गणेश स्तोत्रम्
• marathiश्री गणपति अथर्वशीर्ष स्तोत्रम
• gujaratiશ્રી ગણપતિ અથર્વશીર્ષ સ્તોત્રમ
• hindiश्री गणपति अथर्वशीर्ष स्तोत्रम हिन्दी पाठ अर्थ सहित (विधि – लाभ)
• sanskritश्री भानुविनायक स्तोत्रम्
• tamilஶ்ரீ பா⁴நுவிநாயக ஸ்தோத்ரம்
• kannadaಶ್ರೀ ಭಾನುವಿನಾಯಕ ಸ್ತೋತ್ರಂ
• teluguశ్రీ భానువినాయక స్తోత్రం
• sanskritश्री अष्टविनायकस्तोत्रम्
• hindiएकदन्त शरणागति स्तोत्रम्
• englishShri Gajanana Stotram
• englishShri Ganeshashtak Stotram
• englishShri Ganadhipat Stotram
• hindiश्री गणाधिपत स्तोत्रम् अर्थ सहित
• hindiश्री गजानन स्तोत्र अर्थ सहित

Found a Mistake or Error? Report it Now