॥ श्री दुर्गा देवि कवचम् ॥
॥ ईश्वर उवाच ॥
श्रृणु देवि प्रवक्ष्यामि कवचं सर्वसिद्धिदम् ।
पठित्वा पाठयित्वा च नरो मुच्येत सङ्कटात् ॥
अज्ञात्वा कवचं देवि दुर्गामन्त्रं च यो जपेत् ।
स नाप्नोति फलं तस्य परं च नरकं व्रजेत् ॥
उमादेवी शिरः पातु ललाटे शूलधारिणी ।
चक्षुषी खेचरी पातु कर्णौ चत्वरवासिनी ॥
सुगन्धा नासिके पातु वदनं सर्वधारिणी ।
जिह्वां च चण्डिकादेवी ग्रीवां सौभद्रिका तथा ॥
अशोकवासिनी चेतो द्वौ बाहू वज्रधारिणी ।
हृदयं ललितादेवी उदरं सिंहवाहिनी ॥
कटिं भगवती देवी द्वावूरू विन्ध्यवासिनी ।
महाबला च जङ्घे द्वे पादौ भूतलवासिनी ॥
एवं स्थिताऽसि देवि त्वं त्रैलोक्ये रक्षणात्मिका ।
रक्ष मां सर्वगात्रेषु दुर्गे देवि नमोऽस्तुते ॥
॥ इति श्री दुर्गा कवचम् सम्पूर्णम् ॥
Read in More Languages:- odiaଶ୍ରୀ ଦୁର୍ଗା ଦେବୀ କାଭାଚ
- englishMaa Durga Kavach
- teluguశ్రీ దుర్గా దేవి కవచ
- punjabiਸ਼੍ਰੀ ਦੁਰਗਾ ਦੇਵੀ ਕਵਚ
- bengaliশ্রী দেবী দুর্গা কবচ
- malayalamശ്രീ ദുർഗാദേവി കവചം
- kannadaಶ್ರೀ ದುರ್ಗಾದೇವಿ ಕವಚ
- gujaratiસંતાન ગોપાલ સ્તોત્રમ્
- teluguDeepa Durga Kavacham Telugu
- sanskritश्री दुर्गा कवच
- englishShri Durga Devi Kavacham
- englishMaa Durga Kavach Path
Found a Mistake or Error? Report it Now
