|| ദുർഗാ പുഷ്പാഞ്ജലി സ്തോത്രം ||
ഭഗവതി ഭഗവത്പദപങ്കജം ഭ്രമരഭൂതസുരാസുരസേവിതം .
സുജനമാനസഹംസപരിസ്തുതം കമലയാഽമലയാ നിഭൃതം ഭജേ ..
തേ ഉഭേ അഭിവന്ദേഽഹം വിഘ്നേശകുലദൈവതേ .
നരനാഗാനനസ്ത്വേകോ നരസിംഹ നമോഽസ്തുതേ ..
ഹരിഗുരുപദപദ്മം ശുദ്ധപദ്മേഽനുരാഗാദ്-
വിഗതപരമഭാഗേ സന്നിധായാദരേണ .
തദനുചരി കരോമി പ്രീതയേ ഭക്തിഭാജാം
ഭഗവതി പദപദ്മേ പദ്യപുഷ്പാഞ്ജലിം തേ ..
കേനൈതേ രചിതാഃ കുതോ ന നിഹിതാഃ ശുംഭാദയോ ദുർമദാഃ
കേനൈതേ തവ പാലിതാ ഇതി ഹി തത് പ്രശ്നേ കിമാചക്ഷ്മഹേ .
ബ്രഹ്മാദ്യാ അപി ശങ്കിതാഃ സ്വവിഷയേ യസ്യാഃ പ്രസാദാവധി
പ്രീതാ സാ മഹിഷാസുരപ്രമഥിനീ ച്ഛിന്ദ്യാദവദ്യാനി മേ ..
പാതു ശ്രീസ്തു ചതുർഭുജാ കിമു ചതുർബാഹോർമഹൗജാൻഭുജാൻ
ധത്തേഽഷ്ടാദശധാ ഹി കാരണഗുണാഃ കാര്യേ ഗുണാരംഭകാഃ .
സത്യം ദിക്പതിദന്തിസംഖ്യഭുജഭൃച്ഛംഭുഃ സ്വയ്മ്ഭൂഃ സ്വയം
ധാമൈകപ്രതിപത്തയേ കിമഥവാ പാതും ദശാഷ്ടൗ ദിശഃ ..
പ്രീത്യാഽഷ്ടാദശസംമിതേഷു യുഗപദ്ദ്വീപേഷു ദാതും വരാൻ
ത്രാതും വാ ഭയതോ ബിഭർഷി ഭഗവത്യഷ്ടാദശൈതാൻ ഭുജാൻ .
യദ്വാഽഷ്ടാദശധാ ഭുജാംസ്തു ബിഭൃതഃ കാലീ സരസ്വത്യുഭേ
മീലിത്വൈകമിഹാനയോഃ പ്രഥയിതും സാ ത്വം രമേ രക്ഷ മാം ..
സ്തുതിമിതസ്തിമിതഃ സുസമാധിനാ നിയമതോഽയമതോഽനുദിനം പഠേത് .
പരമയാ രമയാപി നിഷേവ്യതേ പരിജനോഽരിജനോഽപി ച തം ഭജേത് ..
രമയതി കില കർഷസ്തേഷു ചിത്തം നരാണാമവരജവരയസ്മാദ്രാമകൃഷ്ണഃ കവീനാം .
അകൃതസുകൃതിഗമ്യം രമ്യപദ്യൈകഹർമ്യം സ്തവനമവനഹേതും പ്രീതയേ വിശ്വമാതുഃ ..
ഇന്ദുരമ്യോ മുഹുർബിന്ദുരമ്യോ മുഹുർബിന്ദുരമ്യോ യതഃ സാഽനവദ്യം സ്മൃതഃ .
ശ്രീപതേഃ സൂനൂനാ കാരിതോ യോഽധുനാ വിശ്വമാതുഃ പദേ പദ്യപുഷ്പാഞ്ജലിഃ ..
- malayalamദുർഗാ പഞ്ചരത്ന സ്തോത്രം
- teluguదుర్గా పంచరత్న స్తోత్రం
- tamilதுர்கா பஞ்சரத்ன ஸ்தோத்திரம்
- kannadaದುರ್ಗಾ ಪಂಚರತ್ನ ಸ್ತೋತ್ರ
- hindiदुर्गा पंचरत्न स्तोत्र
- malayalamദുർഗാ അഷ്ടക സ്തോത്രം
- teluguదుర్గా అష్టక స్తోత్రం
- tamilதுர்கா அஷ்டக ஸ்தோத்திரம்
- hindiदुर्गा अष्टक स्तोत्र
- malayalamദുർഗാ നമസ്കാര സ്തോത്രം
- teluguదుర్గా నమస్కార స్తోత్రం
- tamilதுர்கா நமஸ்கார ஸ்தோத்திரம்
- kannadaದುರ್ಗಾ ನಮಸ್ಕಾರ ಸ್ತೋತ್ರ
- hindiदुर्गा नमस्कार स्तोत्र
- teluguదుర్గా పుష్పాంజలి స్తోత్రం
Found a Mistake or Error? Report it Now
