|| ഗണേശ കവച ||
ഏഷോതി ചപലോ ദൈത്യാന് ബാല്യേപി നാശയത്യഹോ ।
അഗ്രേ കിം കര്മ കര്തേതി ന ജാനേ മുനിസത്തമ ॥ 1 ॥
ദൈത്യാ നാനാവിധാ ദുഷ്ടാസ്സാധു ദേവദ്രുമഃ ഖലാഃ ।
അതോസ്യ കംഠേ കിംചിത്ത്യം രക്ഷാം സംബദ്ധുമര്ഹസി ॥ 2 ॥
ധ്യായേത് സിംഹഗതം വിനായകമമും ദിഗ്ബാഹു മാദ്യേ യുഗേ
ത്രേതായാം തു മയൂര വാഹനമമും ഷഡ്ബാഹുകം സിദ്ധിദമ് ।
ഈ ദ്വാപരേതു ഗജാനനം യുഗഭുജം രക്താംഗരാഗം വിഭും തുര്യേ
തു ദ്വിഭുജം സിതാംഗരുചിരം സര്വാര്ഥദം സര്വദാ ॥ 3 ॥
വിനായക ശ്ശിഖാംപാതു പരമാത്മാ പരാത്പരഃ ।
അതിസുംദര കായസ്തു മസ്തകം സുമഹോത്കടഃ ॥ 4 ॥
ലലാടം കശ്യപഃ പാതു ഭ്രൂയുഗം തു മഹോദരഃ ।
നയനേ ബാലചംദ്രസ്തു ഗജാസ്യസ്ത്യോഷ്ഠ പല്ലവൌ ॥ 5 ॥
ജിഹ്വാം പാതു ഗജക്രീഡശ്ചുബുകം ഗിരിജാസുതഃ ।
വാചം വിനായകഃ പാതു ദംതാന് രക്ഷതു ദുര്മുഖഃ ॥ 6 ॥
ശ്രവണൌ പാശപാണിസ്തു നാസികാം ചിംതിതാര്ഥദഃ ।
ഗണേശസ്തു മുഖം പാതു കംഠം പാതു ഗണാധിപഃ ॥ 7 ॥
സ്കംധൌ പാതു ഗജസ്കംധഃ സ്തനേ വിഘ്നവിനാശനഃ ।
ഹൃദയം ഗണനാഥസ്തു ഹേരംബോ ജഠരം മഹാന് ॥ 8 ॥
ധരാധരഃ പാതു പാര്ശ്വൌ പൃഷ്ഠം വിഘ്നഹരശ്ശുഭഃ ।
ലിംഗം ഗുഹ്യം സദാ പാതു വക്രതുംഡോ മഹാബലഃ ॥ 9 ॥
ഗജക്രീഡോ ജാനു ജംഘോ ഊരൂ മംഗലകീര്തിമാന് ।
ഏകദംതോ മഹാബുദ്ധിഃ പാദൌ ഗുല്ഫൌ സദാവതു ॥ 10 ॥
ക്ഷിപ്ര പ്രസാദനോ ബാഹു പാണീ ആശാപ്രപൂരകഃ ।
അംഗുലീശ്ച നഖാന് പാതു പദ്മഹസ്തോ രിനാശനഃ ॥ 11 ॥
സര്വാംഗാനി മയൂരേശോ വിശ്വവ്യാപീ സദാവതു ।
അനുക്തമപി യത് സ്ഥാനം ധൂമകേതുഃ സദാവതു ॥ 12 ॥
ആമോദസ്ത്വഗ്രതഃ പാതു പ്രമോദഃ പൃഷ്ഠതോവതു ।
പ്രാച്യാം രക്ഷതു ബുദ്ധീശ ആഗ്നേയ്യാം സിദ്ധിദായകഃ ॥ 13 ॥
ദക്ഷിണസ്യാമുമാപുത്രോ നൈഋത്യാം തു ഗണേശ്വരഃ ।
പ്രതീച്യാം വിഘ്നഹര്താ വ്യാദ്വായവ്യാം ഗജകര്ണകഃ ॥ 14 ॥
കൌബേര്യാം നിധിപഃ പായാദീശാന്യാവിശനംദനഃ ।
ദിവാവ്യാദേകദംത സ്തു രാത്രൌ സംധ്യാസു യഃവിഘ്നഹൃത് ॥ 15 ॥
രാക്ഷസാസുര ബേതാല ഗ്രഹ ഭൂത പിശാചതഃ ।
പാശാംകുശധരഃ പാതു രജസ്സത്ത്വതമസ്സ്മൃതീഃ ॥ 16 ॥
ജ്ഞാനം ധര്മം ച ലക്ഷ്മീ ച ലജ്ജാം കീര്തിം തഥാ കുലമ് ।
ഈ വപുര്ധനം ച ധാന്യം ച ഗൃഹം ദാരാസ്സുതാന്സഖീന് ॥ 17 ॥
സര്വായുധ ധരഃ പൌത്രാന് മയൂരേശോ വതാത് സദാ ।
കപിലോ ജാനുകം പാതു ഗജാശ്വാന് വികടോവതു ॥ 18 ॥
ഭൂര്ജപത്രേ ലിഖിത്വേദം യഃ കംഠേ ധാരയേത് സുധീഃ ।
ന ഭയം ജായതേ തസ്യ യക്ഷ രക്ഷഃ പിശാചതഃ ॥ 19 ॥
ത്രിസംധ്യം ജപതേ യസ്തു വജ്രസാര തനുര്ഭവേത് ।
യാത്രാകാലേ പഠേദ്യസ്തു നിര്വിഘ്നേന ഫലം ലഭേത് ॥ 20 ॥
യുദ്ധകാലേ പഠേദ്യസ്തു വിജയം ചാപ്നുയാദ്ധ്രുവമ് ।
മാരണോച്ചാടനാകര്ഷ സ്തംഭ മോഹന കര്മണി ॥ 21 ॥
സപ്തവാരം ജപേദേതദ്ദനാനാമേകവിംശതിഃ ।
തത്തത്ഫലമവാപ്നോതി സാധകോ നാത്ര സംശയഃ ॥ 22 ॥
ഏകവിംശതിവാരം ച പഠേത്താവദ്ദിനാനി യഃ ।
കാരാഗൃഹഗതം സദ്യോ രാജ്ഞാവധ്യം ച മോചയോത് ॥ 23 ॥
രാജദര്ശന വേലായാം പഠേദേതത് ത്രിവാരതഃ ।
സ രാജാനം വശം നീത്വാ പ്രകൃതീശ്ച സഭാം ജയേത് ॥ 24 ॥
ഇദം ഗണേശകവചം കശ്യപേന സവിരിതമ് ।
മുദ്ഗലായ ച തേ നാഥ മാംഡവ്യായ മഹര്ഷയേ ॥ 25 ॥
മഹ്യം സ പ്രാഹ കൃപയാ കവചം സര്വ സിദ്ധിദമ് ।
ന ദേയം ഭക്തിഹീനായ ദേയം ശ്രദ്ധാവതേ ശുഭമ് ॥ 26 ॥
അനേനാസ്യ കൃതാ രക്ഷാ ന ബാധാസ്യ ഭവേത് വ്യാചിത് ।
രാക്ഷസാസുര ബേതാല ദൈത്യ ദാനവ സംഭവാഃ ॥ 27 ॥
॥ ഇതി ശ്രീ ഗണേശപുരാണേ ശ്രീ ഗണേശ കവചം സംപൂര്ണമ് ॥
Read in More Languages:- sanskritगणेश कवचम्
- marathiगणेश कवचम्
- kannadaಗಣಪತಿ ಕವಚಂ
- hindiगणपति कवच
- hindiहरिद्रा गणेश कवचम्
- teluguగణేష్ కవచం
- punjabiਗਣੇਸ਼ ਕਵਚਮ੍
- odiaଗଣେଶ କଵଚମ୍
- kannadaಗಣೇಶ ಕವಚಂ
- bengaliগণেশ কবচম্
- hindiगणेश कवचम्
- sanskritएकाक्षर गणपति कवचम्
- sanskritउच्छिष्ट गणेश कवचम्
- gujaratiગણેશ કવચમ્
- englishShri Ekakshara Ganapati Kavach
Found a Mistake or Error? Report it Now
