|| শ্ৰী গণেশ পঞ্চৰত্ন স্তোত্ৰম্ ||
শ্ৰীগণেশায় নমঃ ॥
মুদাকৰাত্তমোদকং সদাৱিমুক্তিসাধকং
কলাধৰাৱতংসকং ৱিলাসিলোকৰক্ষকম্ ।
অনায়কৈকনায়কং ৱিনাশিতেভদৈত্যকং
নতাশুভাশুনাশকং নমামি তং ৱিনায়কম্ ॥
নতেতৰাতিভীকৰং নৱোদিতাৰ্কভাস্ৱৰং
নমৎসুৰাৰিনিৰ্জৰং নতাধিকাপদুদ্ধৰম্ ।
সুৰেশ্ৱৰং নিধীশ্ৱৰং গজেশ্ৱৰং গণেশ্ৱৰং
মহেশ্ৱৰং তমাশ্ৰয়ে পৰাৎপৰং নিৰন্তৰম্ ॥
সমস্তলোকশঙ্কৰং নিৰস্তদৈত্যকুঞ্জৰং
দৰেতৰোদৰং ৱৰং ৱৰেভৱক্ত্ৰমক্ষৰম্ ।
কৃপাকৰং ক্ষমাকৰং মুদাকৰং যশস্কৰং
মনস্কৰং নমস্কৃতাং নমস্কৰোমি ভাস্ৱৰম্ ॥
অকিঞ্চনাৰ্তিমাৰ্জনং চিৰন্তনোক্তিভাজনং
পুৰাৰিপূৰ্ৱনন্দনং সুৰাৰিগৰ্ৱচৰ্ৱণম্ ।
প্ৰপঞ্চনাশভীষণং ধনঞ্জয়াদিভূষণং
কপোলদানৱাৰণং ভজে পুৰাণৱাৰণম্ ॥
নিতান্তকান্তদন্তকান্তিমন্তকান্তকাত্মজং
অচিন্ত্যৰূপমন্তহীনমন্তৰায়কৃন্তনম্ ।
হৃদন্তৰে নিৰন্তৰং ৱসন্তমেৱ যোগিনাং
তমেকদন্তমেৱ তং ৱিচিন্তয়ামি সন্ততম্ ॥
মহাগণেশপঞ্চৰত্নমাদৰেণ যোঽন্ৱহং
প্ৰজল্পতি প্ৰভাতকে হৃদি স্মৰন্ গণেশ্ৱৰম্ ।
অৰোগতামদোষতাং সুসাহিতীং সুপুত্ৰতাং
সমাহিতায়ুৰষ্টভূতিমভ্যুপৈতি সোঽচিৰাৎ ॥
ইতি শ্ৰীশঙ্কৰভগৱতঃ কৃতৌ শ্ৰীগণেশপঞ্চৰত্নস্তোত্ৰং সম্পূৰ্ণম্ ॥
Read in More Languages:- hindiश्री संकष्टनाशन स्तोत्रम्
- hindiश्री मयूरेश स्तोत्रम् अर्थ सहित
- hindiश्री गणेशाष्टक स्तोत्र
- hindiश्री गजानन स्तोत्र
- hindiएकदंत गणेश स्तोत्रम्
- hindiश्री गणपति अथर्वशीर्ष स्तोत्रम हिन्दी पाठ अर्थ सहित (विधि – लाभ)
- marathiश्री गणपति अथर्वशीर्ष स्तोत्रम
- malayalamശ്രീ ഗണപതി അഥർവശീർഷ സ്തോത്രമ
- gujaratiશ્રી ગણપતિ અથર્વશીર્ષ સ્તોત્રમ
- tamilஶ்ரீ க³ணபதி அத²ர்வஶீர்ஷ ஸ்தோத்ரம
- odiaଶ୍ରୀ ଗଣପତି ଅଥର୍ୱଶୀର୍ଷ ସ୍ତୋତ୍ରମ
- punjabiਸ਼੍ਰੀ ਗਣਪਤਿ ਅਥਰ੍ਵਸ਼ੀਰ੍ਸ਼਼ ਸ੍ਤੋਤ੍ਰਮ
- assameseশ্ৰী গণপতি অথৰ্ৱশীৰ্ষ স্তোত্ৰম
- bengaliশ্রী গণপতি অথর্বশীর্ষ স্তোত্রম
- teluguశ్రీ గణపతి అథర్వశీర్ష స్తోత్రమ
Found a Mistake or Error? Report it Now
