|| ଶ୍ରୀ ଗଣେଶ ପଞ୍ଚରତ୍ନ ସ୍ତୋତ୍ରମ୍ ||
ଶ୍ରୀଗଣେଶାୟ ନମଃ ॥
ମୁଦାକରାତ୍ତମୋଦକଂ ସଦାବିମୁକ୍ତିସାଧକଂ
କଲାଧରାବତଂସକଂ ବିଲାସିଲୋକରକ୍ଷକମ୍ ।
ଅନାୟକୈକନାୟକଂ ବିନାଶିତେଭଦୈତ୍ୟକଂ
ନତାଶୁଭାଶୁନାଶକଂ ନମାମି ତଂ ବିନାୟକମ୍ ॥
ନତେତରାତିଭୀକରଂ ନବୋଦିତାର୍କଭାସ୍ୱରଂ
ନମତ୍ସୁରାରିନିର୍ଜରଂ ନତାଧିକାପଦୁଦ୍ଧରମ୍ ।
ସୁରେଶ୍ୱରଂ ନିଧୀଶ୍ୱରଂ ଗଜେଶ୍ୱରଂ ଗଣେଶ୍ୱରଂ
ମହେଶ୍ୱରଂ ତମାଶ୍ରୟେ ପରାତ୍ପରଂ ନିରନ୍ତରମ୍ ॥
ସମସ୍ତଲୋକଶଙ୍କରଂ ନିରସ୍ତଦୈତ୍ୟକୁଞ୍ଜରଂ
ଦରେତରୋଦରଂ ବରଂ ବରେଭବକ୍ତ୍ରମକ୍ଷରମ୍ ।
କୃପାକରଂ କ୍ଷମାକରଂ ମୁଦାକରଂ ଯଶସ୍କରଂ
ମନସ୍କରଂ ନମସ୍କୃତାଂ ନମସ୍କରୋମି ଭାସ୍ୱରମ୍ ॥
ଅକିଞ୍ଚନାର୍ତିମାର୍ଜନଂ ଚିରନ୍ତନୋକ୍ତିଭାଜନଂ
ପୁରାରିପୂର୍ୱନନ୍ଦନଂ ସୁରାରିଗର୍ୱଚର୍ୱଣମ୍ ।
ପ୍ରପଞ୍ଚନାଶଭୀଷଣଂ ଧନଞ୍ଜୟାଦିଭୂଷଣଂ
କପୋଲଦାନବାରଣଂ ଭଜେ ପୁରାଣବାରଣମ୍ ॥
ନିତାନ୍ତକାନ୍ତଦନ୍ତକାନ୍ତିମନ୍ତକାନ୍ତକାତ୍ମଜଂ
ଅଚିନ୍ତ୍ୟରୂପମନ୍ତହୀନମନ୍ତରାୟକୃନ୍ତନମ୍ ।
ହୃଦନ୍ତରେ ନିରନ୍ତରଂ ବସନ୍ତମେବ ଯୋଗିନାଂ
ତମେକଦନ୍ତମେବ ତଂ ବିଚିନ୍ତୟାମି ସନ୍ତତମ୍ ॥
ମହାଗଣେଶପଞ୍ଚରତ୍ନମାଦରେଣ ଯୋଽନ୍ୱହଂ
ପ୍ରଜଲ୍ପତି ପ୍ରଭାତକେ ହୃଦି ସ୍ମରନ୍ ଗଣେଶ୍ୱରମ୍ ।
ଅରୋଗତାମଦୋଷତାଂ ସୁସାହିତୀଂ ସୁପୁତ୍ରତାଂ
ସମାହିତାୟୁରଷ୍ଟଭୂତିମଭ୍ୟୁପୈତି ସୋଽଚିରାତ୍ ॥
ଇତି ଶ୍ରୀଶଙ୍କରଭଗବତଃ କୃତୌ ଶ୍ରୀଗଣେଶପଞ୍ଚରତ୍ନସ୍ତୋତ୍ରଂ ସମ୍ପୂର୍ଣମ୍ ॥
Read in More Languages:- hindiएकदंत गणेश स्तोत्रम्
- hindiश्री गणपति अथर्वशीर्ष स्तोत्रम हिन्दी पाठ अर्थ सहित (विधि – लाभ)
- marathiश्री गणपति अथर्वशीर्ष स्तोत्रम
- malayalamശ്രീ ഗണപതി അഥർവശീർഷ സ്തോത്രമ
- gujaratiશ્રી ગણપતિ અથર્વશીર્ષ સ્તોત્રમ
- tamilஶ்ரீ க³ணபதி அத²ர்வஶீர்ஷ ஸ்தோத்ரம
- odiaଶ୍ରୀ ଗଣପତି ଅଥର୍ୱଶୀର୍ଷ ସ୍ତୋତ୍ରମ
- punjabiਸ਼੍ਰੀ ਗਣਪਤਿ ਅਥਰ੍ਵਸ਼ੀਰ੍ਸ਼਼ ਸ੍ਤੋਤ੍ਰਮ
- assameseশ্ৰী গণপতি অথৰ্ৱশীৰ্ষ স্তোত্ৰম
- bengaliশ্রী গণপতি অথর্বশীর্ষ স্তোত্রম
- teluguశ్రీ గణపతి అథర్వశీర్ష స్తోత్రమ
- kannadaಶ್ರೀ ಗಣಪತಿ ಅಥರ್ವಶೀರ್ಷ ಸ್ತೋತ್ರಮ
- hindiसिद्धि विनायक स्तोत्र
- malayalamഗണപതി അപരാധ ക്ഷമാപണ സ്തോത്രം
- tamilகணபதி அபராத க்ஷமாபன ஸ்தோத்திரம்
Found a Mistake or Error? Report it Now
