శ్రీ గణేశ సూక్తం

|| Ganesha Suktam Telugu ||

ఆ తూ న॑ ఇంద్ర క్షు॒మంతం᳚ చి॒త్రం గ్రా॒భం సం గృ॑భాయ ।
మ॒హా॒హ॒స్తీ దక్షి॑ణేన ॥ 1 ॥

వి॒ద్మా హి త్వా᳚ తువికూ॒ర్మింతు॒విదే᳚ష్ణం తు॒వీమ॑ఘమ్ ।
తు॒వి॒మా॒త్రమవో᳚భిః ॥ 2 ॥

న॒ హి త్వా᳚ శూర దే॒వా న మర్తా᳚సో॒ దిత్సం᳚తమ్ ।
భీ॒మం న గాం-వాఀ॒రయం᳚తే ॥ 3 ॥

ఏతో॒న్వింద్రం॒ స్తవా॒మేశా᳚నం॒-వఀస్వః॑ స్వ॒రాజం᳚ ।
న రాధ॑సా మర్ధిషన్నః ॥ 4 ॥

ప్ర స్తో᳚ష॒దుప॑ గాసిష॒చ్ఛ్రవ॒త్సామ॑ గీ॒యమా᳚నమ్ ।
అ॒భిరాధ॑సాజుగురత్ ॥ 5 ॥

ఆ నో᳚ భర॒ దక్షి॑ణేనా॒భి స॒వ్యేన॒ ప్ర మృ॑శ ।
ఇంద్ర॒ మానో॒ వసో॒ర్నిర్భా᳚క్ ॥ 6 ॥

ఉప॑క్రమ॒స్వా భ॑ర ధృష॒తా ధృ॑ష్ణో॒ జనా᳚నామ్ ।
అదా᳚శూష్టరస్య॒ వేదః॑ ॥ 7 ॥

ఇంద్ర॒ య ఉ॒ ను తే॒ అస్తి॒ వాజో॒ విప్రే᳚భిః॒ సని॑త్వః ।
అ॒స్మాభిః॒ సుతం స॑నుహి ॥ 8 ॥

స॒ద్యో॒జువ॑స్తే॒ వాజా᳚ అ॒స్మభ్యం᳚-విఀ॒శ్వశ్చం᳚ద్రాః ।
వశై᳚శ్చ మ॒క్షూ జ॑రంతే ॥ 9 ॥

గ॒ణానాం᳚ త్వా గ॒ణప॑తిం హవామహే
క॒విం క॑వీ॒నాము॑ప॒మశ్ర॑వస్తమమ్ ।
జ్యే॒ష్ఠ॒రాజం॒ బ్రహ్మ॑ణాం బ్రహ్మణస్పత॒
ఆ నః॑ శృ॒ణ్వన్నూ॒తిభి॑స్సీద॒ సాద॑నమ్ ॥ 10 ॥

ని షు సీ᳚ద గణపతే గ॒ణేషు॒ త్వామా᳚హు॒ర్విప్ర॑తమం కవీ॒నామ్ ।
న ఋ॒తే త్వత్క్రి॑యతే॒ కిం చ॒నారే మ॒హామ॒ర్కం మ॑ఘవంచి॒త్రమ॑ర్చ ॥ 11 ॥

అ॒భి॒ఖ్యానో᳚ మఘవ॒న్నాధ॑మానాం॒త్సఖే᳚ బో॒ధి వ॑సుపతే॒ సఖీ᳚నామ్ ।
రణం᳚ కృధి రణకృత్సత్యశు॒ష్మాభ॑క్తే చి॒దా భ॑జా రా॒యే అ॒స్మాన్ ॥ 12 ॥

Found a Mistake or Error? Report it Now