|| ஶ்ரீ ராம ஸ்துதி꞉ (நாரத க்ருதம்) ||
ஶ்ரீராமம் முநிவிஶ்ராமம் ஜநஸத்³தா⁴மம் ஹ்ருத³யாராமம்
ஸீதாரஞ்ஜந ஸத்யஸநாதந ராஜாராமம் க⁴நஶ்யாமம் ।
நாரீஸம்ஸ்துத காளிந்தீ³நத நித்³ராப்ரார்தி²த பூ⁴பாலம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 1 ॥
நாநாராக்ஷஸஹந்தாரம் ஶரத⁴ர்தாரம் ஜநதாதா⁴ரம்
வாலீமர்த³ந ஸாக³ரப³ந்த⁴ந நாநாகௌதுககர்தாரம் ।
பௌராநந்த³த³ நாரீதோஷக கஸ்தூரீயுத ஸத்பா²லம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 2 ॥
ஶ்ரீகாந்தம் ஜக³தீகாந்தம் ஸ்துதஸத்³ப⁴க்தம் ப³ஹுஸத்³ப⁴க்தம்
ஸத்³ப⁴க்தஹ்ருத³யேப்ஸிதபூரக பத்³மாக்ஷம் ந்ருபஜாகாந்தம் ।
ப்ருத்²வீஜாபதி விஶ்வாமித்ரஸுவித்³யாத³ர்ஶிதஸச்சீ²லம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 3 ॥
ஸீதாரஞ்ஜிதவிஶ்வேஶம் த⁴ரப்ருத்²வீஶம் ஸுரளோகேஶம்
க்³ராவோத்³தா⁴ரண ராவணமர்த³ந தத்³ப்⁴ராத்ருக்ருதலங்கேஶம் ।
கிஷ்கிந்தா⁴க்ருதஸுக்³ரீவம் ப்லவக³ப்³ருந்தா³தி⁴ப ஸத்பாலம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 4 ॥
ஶ்ரீநாத²ம் ஜக³தாம்நாத²ம் ஜக³தீநாத²ம் ந்ருபதீநாத²ம்
பூ⁴தே³வாஸுரநிர்ஜரபந்நக³-க³ந்த⁴ர்வாதி³கஸந்நாத²ம் ।
கோத³ண்ட³த்⁴ருத தூணீராந்வித ஸங்க்³ராமேக்ருத பூ⁴பாலம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 5 ॥
ராமேஶம் ஜக³தாமீஶம் ஜம்பு³த்³வீபேஶம் நதலோகேஶம்
வால்மீகிக்ருதஸம்ஸ்தவஹர்ஷித ஸீதாலாலித வாகீ³ஶம் ।
ப்ருத்²வீஶம் ஹ்ருதபூ⁴பா⁴ரம் ஸதயோகீ³ந்த்³ரம் ஜக³தீபாலம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 6 ॥
சித்³ரூபம் ஜிதஸத்³பூ⁴பம் நதஸத்³ப⁴க்தம் நதஸத்³பூ⁴பம்
ஸப்தத்³வீபஜவர்ஷஜகாமிநிஸம்நீராஜித ப்ருத்²வீஶம் ।
நாநாபார்தி²வ நாநோபாயந ஸம்யக்தோஷித ஸத்³பூ⁴பம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 7 ॥
ஸம்ஸேவ்யம் முநிபி⁴ர்கே³யம் கவிபி⁴꞉ ஸ்தவ்யம் ஹ்ருதி³ ஸந்த்⁴யாரம்
நாநாபண்டி³ததர்கபுராணஜவாக்யைர்தி⁴க்க்ருதஸத்காவ்யம் ।
ஸாகேதஸ்தி²த கௌஸல்யாஸுத க³ந்தா⁴த்³யங்கித ஸத்பா²லம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 8 ॥
பூ⁴பாலம் க⁴நஸந்நீலம் ந்ருபஸத்³பா³லம் கலிஸங்காலம்
ஸீதாஜாநிம் வரோத்பலலோசந மந்த்ரீமோசித தத்காலம் ।
ஶ்ரீஸீதாக்ருதபத்³மாஸ்வாத³ந ஸம்யக்ஶிக்ஷித தத்காலம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 9 ॥
ஹே ராஜந் நவபி⁴꞉ ஶ்லோகை꞉ பு⁴விபாபஹரம் நவகம் ரம்யம்
மே பு³த்³த்⁴யாக்ருதமுத்தம நூதநமேதத்³ராக⁴வமர்த்யாநம் ।
ஸ்த்ரீபௌத்ராந்நாதி³கக்ஷேமப்ரத³மஸ்மத்ஸத்³வரத³ம் பா³லம்
ராமம் த்வாம் ஶிரஸா ஸததம் ப்ரணமாமி ச்சே²தி³த ஸத்தாலம் ॥ 10 ॥
இதி ஶ்ரீ நாரத³ க்ருத ஶ்ரீராமஸ்துதி꞉ ।
Found a Mistake or Error? Report it Now
