ନାରାୟଣ କଵଚମ୍ PDF ଓଡିଆ

ନାରାୟଣ କଵଚମ୍ ଓଡିଆ Lyrics

|| ନାରାୟଣ କଵଚମ୍ ||

ନ୍ୟାସଃ

ଅଂଗନ୍ୟାସଃ
ଓଂ ଓଂ ପାଦୟୋଃ ନମଃ ।
ଓଂ ନଂ ଜାନୁନୋଃ ନମଃ ।
ଓଂ ମୋଂ ଊର୍ଵୋଃ ନମଃ ।
ଓଂ ନାଂ ଉଦରେ ନମଃ ।
ଓଂ ରାଂ ହୃଦି ନମଃ ।
ଓଂ ୟଂ ଉରସି ନମଃ ।
ଓଂ ଣାଂ ମୁଖେ ନମଃ ।
ଓଂ ୟଂ ଶିରସି ନମଃ ।

କରନ୍ୟାସଃ
ଓଂ ଓଂ ଦକ୍ଷିଣତର୍ଜନ୍ୟାଂ ନମଃ ।
ଓଂ ନଂ ଦକ୍ଷିଣମଧ୍ୟମାୟାଂ ନମଃ ।
ଓଂ ମୋଂ ଦକ୍ଷିଣାନାମିକାୟାଂ ନମଃ ।
ଓଂ ଭଂ ଦକ୍ଷିଣକନିଷ୍ଠିକାୟାଂ ନମଃ ।
ଓଂ ଗଂ ଵାମକନିଷ୍ଠିକାୟାଂ ନମଃ ।
ଓଂ ଵଂ ଵାମାନିକାୟାଂ ନମଃ ।
ଓଂ ତେଂ ଵାମମଧ୍ୟମାୟାଂ ନମଃ ।
ଓଂ ଵାଂ ଵାମତର୍ଜନ୍ୟାଂ ନମଃ ।
ଓଂ ସୁଂ ଦକ୍ଷିଣାଂଗୁଷ୍ଠୋର୍ଧ୍ଵପର୍ଵଣି ନମଃ ।
ଓଂ ଦେଂ ଦକ୍ଷିଣାଂଗୁଷ୍ଠାଧଃ ପର୍ଵଣି ନମଃ ।
ଓଂ ଵାଂ ଵାମାଂଗୁଷ୍ଠୋର୍ଧ୍ଵପର୍ଵଣି ନମଃ ।
ଓଂ ୟଂ ଵାମାଂଗୁଷ୍ଠାଧଃ ପର୍ଵଣି ନମଃ ।

ଵିଷ୍ଣୁଷଡକ୍ଷରନ୍ୟାସଃ
ଓଂ ଓଂ ହୃଦୟେ ନମଃ ।
ଓଂ ଵିଂ ମୂର୍ଧ୍ନୈ ନମଃ ।
ଓଂ ଷଂ ଭ୍ରୁର୍ଵୋର୍ମଧ୍ୟେ ନମଃ ।
ଓଂ ଣଂ ଶିଖାୟାଂ ନମଃ ।
ଓଂ ଵେଂ ନେତ୍ରୟୋଃ ନମଃ ।
ଓଂ ନଂ ସର୍ଵସଂଧିଷୁ ନମଃ ।
ଓଂ ମଃ ପ୍ରାଚ୍ୟାଂ ଅସ୍ତ୍ରାୟ ଫଟ୍ ।
ଓଂ ମଃ ଆଗ୍ନେୟ୍ୟାଂ ଅସ୍ତ୍ରାୟ ଫଟ୍ ।
ଓଂ ମଃ ଦକ୍ଷିଣସ୍ୟାଂ ଅସ୍ତ୍ରାୟ ଫଟ୍ ।
ଓଂ ମଃ ନୈଋତ୍ୟେ ଅସ୍ତ୍ରାୟ ଫଟ୍ ।
ଓଂ ମଃ ପ୍ରତୀଚ୍ୟାଂ ଅସ୍ତ୍ରାୟ ଫଟ୍ ।
ଓଂ ମଃ ଵାୟଵ୍ୟେ ଅସ୍ତ୍ରାୟ ଫଟ୍ ।
ଓଂ ମଃ ଉଦୀଚ୍ୟାଂ ଅସ୍ତ୍ରାୟ ଫଟ୍ ।
ଓଂ ମଃ ଐଶାନ୍ୟାଂ ଅସ୍ତ୍ରାୟ ଫଟ୍ ।
ଓଂ ମଃ ଊର୍ଧ୍ଵାୟାଂ ଅସ୍ତ୍ରାୟ ଫଟ୍ ।
ଓଂ ମଃ ଅଧରାୟାଂ ଅସ୍ତ୍ରାୟ ଫଟ୍ ।

ଶ୍ରୀ ହରିଃ

ଅଥ ଶ୍ରୀନାରାୟଣକଵଚ

॥ରାଜୋଵାଚ॥
ୟୟା ଗୁପ୍ତଃ ସହସ୍ତ୍ରାକ୍ଷଃ ସଵାହାନ୍ ରିପୁସୈନିକାନ୍।
କ୍ରୀଡନ୍ନିଵ ଵିନିର୍ଜିତ୍ୟ ତ୍ରିଲୋକ୍ୟା ବୁଭୁଜେ ଶ୍ରିୟମ୍॥1॥

ଭଗଵଂସ୍ତନ୍ମମାଖ୍ୟାହି ଵର୍ମ ନାରାୟଣାତ୍ମକମ୍।
ୟଥାସ୍ସ୍ତତାୟିନଃ ଶତ୍ରୂନ୍ ୟେନ ଗୁପ୍ତୋସ୍ଜୟନ୍ମୃଧେ॥2॥

॥ଶ୍ରୀଶୁକ ଉଵାଚ॥
ଵୃତଃ ପୁରୋହିତୋସ୍ତ୍ଵାଷ୍ଟ୍ରୋ ମହେଂଦ୍ରାୟାନୁପୃଚ୍ଛତେ।
ନାରାୟଣାଖ୍ୟଂ ଵର୍ମାହ ତଦିହୈକମନାଃ ଶୃଣୁ॥3॥

ଵିଶ୍ଵରୂପ ଉଵାଚଧୌତାଂଘ୍ରିପାଣିରାଚମ୍ୟ ସପଵିତ୍ର ଉଦଙ୍ ମୁଖଃ।
କୃତସ୍ଵାଂଗକରନ୍ୟାସୋ ମଂତ୍ରାଭ୍ୟାଂ ଵାଗ୍ୟତଃ ଶୁଚିଃ॥4॥

ନାରାୟଣମୟଂ ଵର୍ମ ସଂନହ୍ୟେଦ୍ ଭୟ ଆଗତେ।
ପାଦୟୋର୍ଜାନୁନୋରୂର୍ଵୋରୂଦରେ ହୃଦ୍ୟଥୋରସି॥5॥

ମୁଖେ ଶିରସ୍ୟାନୁପୂର୍ଵ୍ୟାଦୋଂକାରାଦୀନି ଵିନ୍ୟସେତ୍।
ଓଂ ନମୋ ନାରାୟଣାୟେତି ଵିପର୍ୟୟମଥାପି ଵା॥6॥

କରନ୍ୟାସଂ ତତଃ କୁର୍ୟାଦ୍ ଦ୍ଵାଦଶାକ୍ଷରଵିଦ୍ୟୟା।
ପ୍ରଣଵାଦିୟକାରଂତମଂଗୁଲ୍ୟଂଗୁଷ୍ଠପର୍ଵସୁ॥7॥

ନ୍ୟସେଦ୍ ହୃଦୟ ଓଂକାରଂ ଵିକାରମନୁ ମୂର୍ଧନି।
ଷକାରଂ ତୁ ଭ୍ରୁଵୋର୍ମଧ୍ୟେ ଣକାରଂ ଶିଖୟା ଦିଶେତ୍॥8॥

ଵେକାରଂ ନେତ୍ରୟୋର୍ୟୁଂଜ୍ୟାନ୍ନକାରଂ ସର୍ଵସଂଧିଷୁ।
ମକାରମସ୍ତ୍ରମୁଦ୍ଦିଶ୍ୟ ମଂତ୍ରମୂର୍ତିର୍ଭଵେଦ୍ ବୁଧଃ॥9॥

ସଵିସର୍ଗଂ ଫଡଂତଂ ତତ୍ ସର୍ଵଦିକ୍ଷୁ ଵିନିର୍ଦିଶେତ୍।
ଓଂ ଵିଷ୍ଣଵେ ନମ ଇତି ॥10॥

ଆତ୍ମାନଂ ପରମଂ ଧ୍ୟାୟେଦ ଧ୍ୟେୟଂ ଷଟ୍ଶକ୍ତିଭିର୍ୟୁତମ୍।
ଵିଦ୍ୟାତେଜସ୍ତପୋମୂର୍ତିମିମଂ ମଂତ୍ରମୁଦାହରେତ ॥11॥

ଓଂ ହରିର୍ଵିଦଧ୍ୟାନ୍ମମ ସର୍ଵରକ୍ଷାଂ ନ୍ୟସ୍ତାଂଘ୍ରିପଦ୍ମଃ ପତଗେଂଦ୍ରପୃଷ୍ଠେ।
ଦରାରିଚର୍ମାସିଗଦେଷୁଚାପାଶାନ୍ ଦଧାନୋସ୍ଷ୍ଟଗୁଣୋସ୍ଷ୍ଟବାହୁଃ ॥12॥

ଜଲେଷୁ ମାଂ ରକ୍ଷତୁ ମତ୍ସ୍ୟମୂର୍ତିର୍ୟାଦୋଗଣେଭ୍ୟୋ ଵରୂଣସ୍ୟ ପାଶାତ୍।
ସ୍ଥଲେଷୁ ମାୟାଵଟୁଵାମନୋସ୍ଵ୍ୟାତ୍ ତ୍ରିଵିକ୍ରମଃ ଖେଽଵତୁ ଵିଶ୍ଵରୂପଃ ॥13॥

ଦୁର୍ଗେଷ୍ଵଟଵ୍ୟାଜିମୁଖାଦିଷୁ ପ୍ରଭୁଃ ପାୟାନ୍ନୃସିଂହୋଽସୁରୟୁଥପାରିଃ।
ଵିମୁଂଚତୋ ୟସ୍ୟ ମହାଟ୍ଟହାସଂ ଦିଶୋ ଵିନେଦୁର୍ନ୍ୟପତଂଶ୍ଚ ଗର୍ଭାଃ ॥14॥

ରକ୍ଷତ୍ଵସୌ ମାଧ୍ଵନି ୟଜ୍ଞକଲ୍ପଃ ସ୍ଵଦଂଷ୍ଟ୍ରୟୋନ୍ନୀତଧରୋ ଵରାହଃ।
ରାମୋଽଦ୍ରିକୂଟେଷ୍ଵଥ ଵିପ୍ରଵାସେ ସଲକ୍ଷ୍ମଣୋସ୍ଵ୍ୟାଦ୍ ଭରତାଗ୍ରଜୋସ୍ସ୍ମାନ୍ ॥15॥

ମାମୁଗ୍ରଧର୍ମାଦଖିଲାତ୍ ପ୍ରମାଦାନ୍ନାରାୟଣଃ ପାତୁ ନରଶ୍ଚ ହାସାତ୍।
ଦତ୍ତସ୍ତ୍ଵୟୋଗାଦଥ ୟୋଗନାଥଃ ପାୟାଦ୍ ଗୁଣେଶଃ କପିଲଃ କର୍ମବଂଧାତ୍ ॥16॥

ସନତ୍କୁମାରୋ ଵତୁ କାମଦେଵାଦ୍ଧୟଶୀର୍ଷା ମାଂ ପଥି ଦେଵହେଲନାତ୍।
ଦେଵର୍ଷିଵର୍ୟଃ ପୁରୂଷାର୍ଚନାଂତରାତ୍ କୂର୍ମୋ ହରିର୍ମାଂ ନିରୟାଦଶେଷାତ୍ ॥17॥

ଧନ୍ଵଂତରିର୍ଭଗଵାନ୍ ପାତ୍ଵପଥ୍ୟାଦ୍ ଦ୍ଵଂଦ୍ଵାଦ୍ ଭୟାଦୃଷଭୋ ନିର୍ଜିତାତ୍ମା।
ୟଜ୍ଞଶ୍ଚ ଲୋକାଦଵତାଜ୍ଜନାଂତାଦ୍ ବଲୋ ଗଣାତ୍ କ୍ରୋଧଵଶାଦହୀଂଦ୍ରଃ ॥18॥

ଦ୍ଵୈପାୟନୋ ଭଗଵାନପ୍ରବୋଧାଦ୍ ବୁଦ୍ଧସ୍ତୁ ପାଖଂଡଗଣାତ୍ ପ୍ରମାଦାତ୍।
କଲ୍କିଃ କଲେ କାଲମଲାତ୍ ପ୍ରପାତୁ ଧର୍ମାଵନାୟୋରୂକୃତାଵତାରଃ ॥19॥

ମାଂ କେଶଵୋ ଗଦୟା ପ୍ରାତରଵ୍ୟାଦ୍ ଗୋଵିଂଦ ଆସଂଗଵମାତ୍ତଵେଣୁଃ।
ନାରାୟଣ ପ୍ରାହ୍ଣ ଉଦାତ୍ତଶକ୍ତିର୍ମଧ୍ୟଂଦିନେ ଵିଷ୍ଣୁରରୀଂଦ୍ରପାଣିଃ ॥20॥

ଦେଵୋସ୍ପରାହ୍ଣେ ମଧୁହୋଗ୍ରଧନ୍ଵା ସାୟଂ ତ୍ରିଧାମାଵତୁ ମାଧଵୋ ମାମ୍।
ଦୋଷେ ହୃଷୀକେଶ ଉତାର୍ଧରାତ୍ରେ ନିଶୀଥ ଏକୋସ୍ଵତୁ ପଦ୍ମନାଭଃ ॥21॥

ଶ୍ରୀଵତ୍ସଧାମାପରରାତ୍ର ଈଶଃ ପ୍ରତ୍ୟୂଷ ଈଶୋଽସିଧରୋ ଜନାର୍ଦନଃ।
ଦାମୋଦରୋଽଵ୍ୟାଦନୁସଂଧ୍ୟଂ ପ୍ରଭାତେ ଵିଶ୍ଵେଶ୍ଵରୋ ଭଗଵାନ୍ କାଲମୂର୍ତିଃ ॥22॥

ଚକ୍ରଂ ୟୁଗାଂତାନଲତିଗ୍ମନେମି ଭ୍ରମତ୍ ସମଂତାଦ୍ ଭଗଵତ୍ପ୍ରୟୁକ୍ତମ୍।
ଦଂଦଗ୍ଧି ଦଂଦଗ୍ଧ୍ୟରିସୈନ୍ୟମାସୁ କକ୍ଷଂ ୟଥା ଵାତସଖୋ ହୁତାଶଃ ॥23॥

ଗଦେଽଶନିସ୍ପର୍ଶନଵିସ୍ଫୁଲିଂଗେ ନିଷ୍ପିଂଢି ନିଷ୍ପିଂଢ୍ୟଜିତପ୍ରିୟାସି।
କୂଷ୍ମାଂଡଵୈନାୟକୟକ୍ଷରକ୍ଷୋଭୂତଗ୍ରହାଂଶ୍ଚୂର୍ଣୟ ଚୂର୍ଣୟାରୀନ୍ ॥24॥

ତ୍ଵଂ ୟାତୁଧାନପ୍ରମଥପ୍ରେତମାତୃପିଶାଚଵିପ୍ରଗ୍ରହଘୋରଦୃଷ୍ଟୀନ୍।
ଦରେଂଦ୍ର ଵିଦ୍ରାଵୟ କୃଷ୍ଣପୂରିତୋ ଭୀମସ୍ଵନୋଽରେର୍ହୃଦୟାନି କଂପୟନ୍ ॥25॥

ତ୍ଵଂ ତିଗ୍ମଧାରାସିଵରାରିସୈନ୍ୟମୀଶପ୍ରୟୁକ୍ତୋ ମମ ଛିଂଧି ଛିଂଧି।
ଚର୍ମଂଛତଚଂଦ୍ର ଛାଦୟ ଦ୍ଵିଷାମଘୋନାଂ ହର ପାପଚକ୍ଷୁଷାମ୍ ॥26॥

ୟନ୍ନୋ ଭୟଂ ଗ୍ରହେଭ୍ୟୋ ଭୂତ୍ କେତୁଭ୍ୟୋ ନୃଭ୍ୟ ଏଵ ଚ।
ସରୀସୃପେଭ୍ୟୋ ଦଂଷ୍ଟ୍ରିଭ୍ୟୋ ଭୂତେଭ୍ୟୋଂଽହୋଭ୍ୟ ଏଵ ଵା ॥27॥

ସର୍ଵାଣ୍ୟେତାନି ଭଗନ୍ନାମରୂପାସ୍ତ୍ରକୀର୍ତନାତ୍।
ପ୍ରୟାଂତୁ ସଂକ୍ଷୟଂ ସଦ୍ୟୋ ୟେ ନଃ ଶ୍ରେୟଃ ପ୍ରତୀପକାଃ ॥28॥

ଗରୂଡ୍କ୍ଷୋ ଭଗଵାନ୍ ସ୍ତୋତ୍ରସ୍ତୋଭଶ୍ଛଂଦୋମୟଃ ପ୍ରଭୁଃ।
ରକ୍ଷତ୍ଵଶେଷକୃଚ୍ଛ୍ରେଭ୍ୟୋ ଵିଷ୍ଵକ୍ସେନଃ ସ୍ଵନାମଭିଃ ॥29॥

ସର୍ଵାପଦ୍ଭ୍ୟୋ ହରେର୍ନାମରୂପୟାନାୟୁଧାନି ନଃ।
ବୁଦ୍ଧିଂଦ୍ରିୟମନଃ ପ୍ରାଣାନ୍ ପାଂତୁ ପାର୍ଷଦଭୂଷଣାଃ ॥30॥

ୟଥା ହି ଭଗଵାନେଵ ଵସ୍ତୁତଃ ସଦ୍ସଚ୍ଚ ୟତ୍।
ସତ୍ୟନାନେନ ନଃ ସର୍ଵେ ୟାଂତୁ ନାଶମୁପାଦ୍ରଵାଃ ॥31॥

ୟଥୈକାତ୍ମ୍ୟାନୁଭାଵାନାଂ ଵିକଲ୍ପରହିତଃ ସ୍ଵୟମ୍।
ଭୂଷଣାୟୁଦ୍ଧଲିଂଗାଖ୍ୟା ଧତ୍ତେ ଶକ୍ତୀଃ ସ୍ଵମାୟୟା ॥32॥

ତେନୈଵ ସତ୍ୟମାନେନ ସର୍ଵଜ୍ଞୋ ଭଗଵାନ୍ ହରିଃ।
ପାତୁ ସର୍ଵୈଃ ସ୍ଵରୂପୈର୍ନଃ ସଦା ସର୍ଵତ୍ର ସର୍ଵଗଃ ॥33

ଵିଦିକ୍ଷୁ ଦିକ୍ଷୂର୍ଧ୍ଵମଧଃ ସମଂତାଦଂତର୍ବହିର୍ଭଗଵାନ୍ ନାରସିଂହଃ।
ପ୍ରହାପୟ~ଂଲ୍ଲୋକଭୟଂ ସ୍ଵନେନ ଗ୍ରସ୍ତସମସ୍ତତେଜାଃ ॥34॥

ମଘଵନ୍ନିଦମାଖ୍ୟାତଂ ଵର୍ମ ନାରୟଣାତ୍ମକମ୍।
ଵିଜେଷ୍ୟସ୍ୟଂଜସା ୟେନ ଦଂଶିତୋଽସୁରୟୂଥପାନ୍ ॥35॥

ଏତଦ୍ ଧାରୟମାଣସ୍ତୁ ୟଂ ୟଂ ପଶ୍ୟତି ଚକ୍ଷୁଷା।
ପଦା ଵା ସଂସ୍ପୃଶେତ୍ ସଦ୍ୟଃ ସାଧ୍ଵସାତ୍ ସ ଵିମୁଚ୍ୟତେ ॥36॥

ନ କୁତଶ୍ଚିତ ଭୟଂ ତସ୍ୟ ଵିଦ୍ୟାଂ ଧାରୟତୋ ଭଵେତ୍।
ରାଜଦସ୍ୟୁଗ୍ରହାଦିଭ୍ୟୋ ଵ୍ୟାଘ୍ରାଦିଭ୍ୟଶ୍ଚ କର୍ହିଚିତ୍ ॥37॥

ଇମାଂ ଵିଦ୍ୟାଂ ପୁରା କଶ୍ଚିତ୍ କୌଶିକୋ ଧାରୟନ୍ ଦ୍ଵିଜଃ।
ୟୋଗଧାରଣୟା ସ୍ଵାଂଗଂ ଜହୌ ସ ମରୂଧନ୍ଵନି ॥38॥

ତସ୍ୟୋପରି ଵିମାନେନ ଗଂଧର୍ଵପତିରେକଦା।
ୟୟୌ ଚିତ୍ରରଥଃ ସ୍ତ୍ରୀର୍ଭିଵୃତୋ ୟତ୍ର ଦ୍ଵିଜକ୍ଷୟଃ ॥39॥

ଗଗନାନ୍ନ୍ୟପତତ୍ ସଦ୍ୟଃ ସଵିମାନୋ ହ୍ୟଵାକ୍ ଶିରାଃ।
ସ ଵାଲଖିଲ୍ୟଵଚନାଦସ୍ଥୀନ୍ୟାଦାୟ ଵିସ୍ମିତଃ।
ପ୍ରାସ୍ୟ ପ୍ରାଚୀସରସ୍ଵତ୍ୟାଂ ସ୍ନାତ୍ଵା ଧାମ ସ୍ଵମନ୍ଵଗାତ୍ ॥40॥

॥ଶ୍ରୀଶୁକ ଉଵାଚ॥
ୟ ଇଦଂ ଶୃଣୁୟାତ୍ କାଲେ ୟୋ ଧାରୟତି ଚାଦୃତଃ।
ତଂ ନମସ୍ୟଂତି ଭୂତାନି ମୁଚ୍ୟତେ ସର୍ଵତୋ ଭୟାତ୍ ॥41॥

ଏତାଂ ଵିଦ୍ୟାମଧିଗତୋ ଵିଶ୍ଵରୂପାଚ୍ଛତକ୍ରତୁଃ।
ତ୍ରୈଲୋକ୍ୟଲକ୍ଷ୍ମୀଂ ବୁଭୁଜେ ଵିନିର୍ଜିତ୍ୟଽମୃଧେସୁରାନ୍ ॥42॥

॥ଇତି ଶ୍ରୀନାରାୟଣକଵଚଂ ସଂପୂର୍ଣମ୍॥