ಶ್ರೀ ಸರಸ್ವತೀ ಸ್ತೋತ್ರಂ PDF ಕನ್ನಡ

Download PDF of Saraswati Stotram Kannada

ರವಿರುದ್ರಪಿತಾಮಹವಿಷ್ಣುನುತಂ
ಹರಿಚಂದನಕುಂಕುಮಪಂಕಯುತಂ
ಮುನಿವೃಂದಗಜೇಂದ್ರಸಮಾನಯುತಂ
ತವ ನೌಮಿ ಸರಸ್ವತಿ ಪಾದಯುಗಂ ..

ಶಶಿಶುದ್ಧಸುಧಾಹಿಮಧಾಮಯುತಂ
ಶರದಂಬರಬಿಂಬಸಮಾನಕರಂ .
ಬಹುರತ್ನಮನೋಹರಕಾಂತಿಯುತಂ
ತವ ನೌಮಿ ಸರಸ್ವತಿ ಪಾದಯುಗಂ ..

ಕನಕಾಬ್ಜವಿಭೂಷಿತಭೂತಿಭವಂ
ಭವಭಾವವಿಭಾವಿತಭಿನ್ನಪದಂ .
ಪ್ರಭುಚಿತ್ತಸಮಾಹಿತಸಾಧುಪದಂ
ತವ ನೌಮಿ ಸರಸ್ವತಿ ಪಾದಯುಗಂ ..

ಭವಸಾಗರಮಜ್ಜನಭೀತಿನುತಂ
ಪ್ರತಿಪಾದಿತಸಂತತಿಕಾರಮಿದಂ .
ವಿಮಲಾದಿಕಶುದ್ಧವಿಶುದ್ಧಪದಂ
ತವ ನೌಮಿ ಸರಸ್ವತಿ ಪಾದಯುಗಂ ..

ಮತಿಹೀನಜನಾಶ್ರಯಪಾರಮಿದಂ
ಸಕಲಾಗಮಭಾಷಿತಭಿನ್ನಪದಂ .
ಪರಿಪೂರಿತವಿಶ್ವಮನೇಕಭವಂ
ತವ ನೌಮಿ ಸರಸ್ವತಿ ಪಾದಯುಗಂ ..

ಪರಿಪೂರ್ಣಮನೋರಥಧಾಮನಿಧಿಂ
ಪರಮಾರ್ಥವಿಚಾರವಿವೇಕವಿಧಿಂ .
ಸುರಯೋಷಿತಸೇವಿತಪಾದತಲಂ
ತವ ನೌಮಿ ಸರಸ್ವತಿ ಪಾದಯುಗಂ ..

ಸುರಮೌಲಿಮಣಿದ್ಯುತಿಶುಭ್ರಕರಂ
ವಿಷಯಾದಿಮಹಾಭಯವರ್ಣಹರಂ .
ನಿಜಕಾಂತಿವಿಲೋಮಿತಚಂದ್ರಶಿವಂ
ತವ ನೌಮಿ ಸರಸ್ವತಿ ಪಾದಯುಗಂ ..

ಗುಣನೈಕಕುಲಂ ಸ್ಥಿತಿಭೀತಿಪದಂ
ಗುಣಗೌರವಗರ್ವಿತಸತ್ಯಪದಂ .
ಕಮಲೋದರಕೋಮಲಪಾದತಲಂ
ತವ ನೌಮಿ ಸರಸ್ವತಿ ಪಾದಯುಗಂ ..

ಇದಂ ಸ್ತವಂ ಮಹಾಪುಣ್ಯಂ ಬ್ರಹ್ಮಣಾ ಚ ಪ್ರಕೀರ್ತಿತಂ .
ಯಃ ಪಠೇತ್ ಪ್ರಾತರುತ್ಥಾಯ ತಸ್ಯ ಕಂಠೇ ಸರಸ್ವತೀ ..

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
ಶ್ರೀ ಸರಸ್ವತೀ ಸ್ತೋತ್ರಂ

Download this PDF