शम्भु स्तुति

॥ शम्भु स्तुति ॥

नमामि शम्भुं पुरुषं पुराणं
नमामि सर्वज्ञमपारभावम् ।
नमामि रुद्रं प्रभुमक्षयं तं
नमामि शर्वं शिरसा नमामि ॥

नमामि देवं परमव्ययंतं
उमापतिं लोकगुरुं नमामि ।
नमामि दारिद्रविदारणं तं
नमामि रोगापहरं नमामि ॥

नमामि कल्याणमचिन्त्यरूपं
नमामि विश्वोद्ध्वबीजरूपम् ।
नमामि विश्वस्थितिकारणं तं
नमामि संहारकरं नमामि ॥

नमामि गौरीप्रियमव्ययं तं
नमामि नित्यंक्षरमक्षरं तम् ।
नमामि चिद्रूपममेयभावं
त्रिलोचनं तं शिरसा नमामि ॥

नमामि कारुण्यकरं भवस्या
भयंकरं वापि सदा नमामि ।
नमामि दातारमभीप्सितानां
नमामि सोमेशमुमेशमादौ ॥

नमामि वेदत्रयलोचनं तं
नमामि मूर्तित्रयवर्जितं तम् ।
नमामि पुण्यं सदसद्व्यातीतं
नमामि तं पापहरं नमामि ॥

नमामि विश्वस्य हिते रतं तं
नमामि रूपापि बहुनि धत्ते ।
यो विश्वगोप्ता सदसत्प्रणेता
नमामि तं विश्वपतिं नमामि ॥

यज्ञेश्वरं सम्प्रति हव्यकव्यं
तथागतिं लोकसदाशिवो यः ।
आराधितो यश्च ददाति सर्वं
नमामि दानप्रियमिष्टदेवम् ॥

नमामि सोमेश्वरंस्वतन्त्रं
उमापतिं तं विजयं नमामि ।
नमामि विघ्नेश्वरनन्दिनाथं
पुत्रप्रियं तं शिरसा नमामि ॥

नमामि देवं भवदुःखशोक
विनाशनं चन्द्रधरं नमामि ।
नमामि गंगाधरमीशमीड्यं
उमाधवं देववरं नमामि ॥

नमाम्यजादीशपुरन्दरादि
सुरासुरैरर्चितपादपद्मम् ।
नमामि देवीमुखवादनानां
ईक्षार्थमक्षित्रितयं य ऐच्छत् ॥

पंचामृतैर्गन्धसुधूपदीपैः
विचित्रपुष्पैर्विविधैश्च मन्त्रैः ।
अन्नप्रकारैः सकलोपचारैः
सम्पूजितं सोममहं नमामि ॥

॥ इति श्रीब्रह्ममहापुराणे शम्भुस्तुतिः सम्पूर्णा ॥

Read in More Languages:

• bengaliঅর্ধনারীশ্বর স্তুতি
• gujaratiઅર્ધનારીશ્વર સ્તુતિ
• kannadaಅರ್ಧನಾರೀಶ್ವರ ಸ್ತುತಿ
• punjabiਅਰ੍ਧਨਾਰੀਸ਼੍ਵਰ ਸ੍ਤੁਤਿ
• malayalamഅർധനാരീശ്വര സ്തുതി
• sanskritअर्धनारीश्वर स्तुति
• teluguఅర్ధనారీశ్వర స్తుతి
• assameseঅৰ্ধনাৰীশ্ৱৰ স্তুতি
• tamilஅர்த⁴நாரீஶ்வர ஸ்துதி
• odiaଅର୍ଧନାରୀଶ୍ୱର ସ୍ତୁତି
• hindiशिव जी स्तुति
• marathiशिव स्तुती मराठीत
• englishShiva Swarnamala Stuti
• sanskritशिव स्वर्णमाला स्तुति
• sanskritभैरवरूप शिव स्तुति

Found a Mistake or Error? Report it Now