श्री भानुविनायक स्तोत्रम्

|| श्री भानुविनायक स्तोत्रम् (bhanu Vinayaka Stotram PDF) ||

अरुण उवाच ।

नमस्ते गणनाथाय तेजसां पतये नमः ।
अनामयाय देवेश आत्मने ते नमो नमः ॥ १ ॥

ब्रह्मणां पतये तुभ्यं जीवानां पतये नमः ।
आखुवाहनगायैव सप्ताश्वाय नमो नमः ॥ २ ॥

स्वानन्दवासिने तुभ्यं सौरलोकनिवासिने ।
चतुर्भुजधरायैव सहस्रकिरणाय च ॥ ३ ॥

सिद्धिबुद्धिपते तुभ्यं सञ्ज्ञानाथाय ते नमः ।
विघ्नहन्त्रे तमोहन्त्रे हेरम्बाय नमो नमः ॥ ४ ॥

अनन्तविभवायैव नामरूपप्रधारिणे ।
मायाचालक सर्वेश सर्वपूज्याय ते नमः ॥ ५ ॥

ग्रहराजाय दीप्तीनां दीप्तिदाय यशस्विने ।
गणेशाय परेशाय विघ्नेशाय नमो नमः ॥ ६ ॥

विवस्वते भानवे ते रवये ज्योतिषां पते ।
लम्बोदरैकदन्ताय महोत्कटाय ते नमः ॥ ७ ॥

यः सूर्यो विकटः सोऽपि न भेदो दृश्यते कदा ।
भक्तिं देहि गजास्य त्वं त्वदीयां मे नमो नमः ॥ ८ ॥

किं स्तौमि त्वां गणाधीश योगाकारस्वरूपिणम् ।
चतुर्धा भज्य स्वात्मानं खेलसि त्वं न संशयः ॥ ९ ॥

एवं स्वस्य स्तुतिं श्रुत्वा विकटो रूपमादधे ।
वामाङ्गे सञ्ज्ञया युक्तं गजवक्त्रादिचिह्नितम् ॥ १० ॥

तं दृष्ट्वा प्रणनामाथानूरुर्हर्षसमन्वितः ।
तं जगाद गणाधीशो वरं वृणु हृदीप्सितम् ॥ ११ ॥

त्वया कृतमिदं स्तोत्रं सर्वसिद्धिप्रदायकम् ।
भविष्यति न सन्देहश्चिन्तितं स लभेत् परम् ॥ १२ ॥

शृणुयाद्वा जपेद्वाऽपि तस्य किञ्चिन्न दुर्लभम् ।
भविष्यति महापक्षिन् मम सन्तोषकारकम् ॥ १३ ॥

इति श्रीमन्मुद्गले महापुराणे षष्ठे खण्डे अरुण कृत श्री भानुविनायक स्तोत्रम् ॥

Read in More Languages:

• hindiऋणहर्ता श्री गणेश स्तोत्रम्
• marathiश्री गणपति अथर्वशीर्ष स्तोत्रम
• gujaratiશ્રી ગણપતિ અથર્વશીર્ષ સ્તોત્રમ
• hindiश्री गणपति अथर्वशीर्ष स्तोत्रम हिन्दी पाठ अर्थ सहित (विधि – लाभ)
• hindiसिद्धि विनायक स्तोत्र
• tamilஶ்ரீ பா⁴நுவிநாயக ஸ்தோத்ரம்
• kannadaಶ್ರೀ ಭಾನುವಿನಾಯಕ ಸ್ತೋತ್ರಂ
• teluguశ్రీ భానువినాయక స్తోత్రం
• sanskritश्री अष्टविनायकस्तोत्रम्
• hindiएकदन्त शरणागति स्तोत्रम्
• englishShri Gajanana Stotram
• englishShri Ganeshashtak Stotram
• englishShri Ganadhipat Stotram
• hindiश्री गणाधिपत स्तोत्रम् अर्थ सहित
• hindiश्री गजानन स्तोत्र अर्थ सहित

Found a Mistake or Error? Report it Now