Stuti (स्तुति संग्रह)

|| श्रीसुन्दरभक्तस्तुतिः || गौरीशप्रतिबिम्बमद्भुततनुं चाष्टादशाब्दाकृतिं श्रीजम्बूपुरजन्मभाजमनिशं त्यागेशसेवापरम् । गानैर्ग्राहविमुक्तबालजनकानन्दप्रदं वाग्मिनं वन्दे सुन्दरमूर्तिमीशसुहृदं कैलासवासं सदा ॥ १॥ शैवब्राह्मणवंशजः शिवपरब्रह्मानुबिम्बात्मना जातो भूगतशाम्भवस्थलवरानेकानटन् सूक्तिभिः । स्तावं स्तावममर्त्यगीतविभवोऽमर्त्यात्मनैरावतं ह्यारूढो रजताद्रिश‍ृङ्गमगमत् श्रीसुन्दरः सेव्यताम् ॥ २॥ इति श्रीसुन्दरभक्तस्तुतिः समाप्ता ।

|| श्रीसोमसुन्दरस्तुतिः || इन्द्रः एकं ब्रह्माद्वितीयञ्च परिपूर्णं परापरम् । इति यो गीयते वेदैस्तं वन्दे सोमसुन्दरम् ॥ १॥ ज्ञातृज्ञानज्ञेयरूपं विश्वं व्याप्यं व्यवस्थितम् । स्वयं सर्वैरदृश्यो यस्तं वन्दे सोमसुन्दरम् ॥ २॥ अश्वमेधादियज्ञैश्च यस्समाराध्यते द्विजैः । ददाति च फलं तेषां तं वन्दे सोमसुन्दरम् ॥ ३॥ यं विदित्वा बुधास्सर्वे कर्मबन्धविवर्जिताः । लभन्ते परमां मुक्तिं तं वन्दे सोमसुन्दरम् ॥ ४॥…

|| वरदानदीतत्तीरस्थमधुकेश्वरस्तुतिः || वरदानपरा मनोहरा वरदारिद्र्यहरा सदादरा । वरदाख्यनदीविशुद्धये वरदा मेऽस्त्वपि मुक्तिसिद्धये ॥ १॥ कृष्णासखी या तुङ्गभद्रया कृष्णां गता कृष्णातनुं सुभद्रया । सैषा धुनीयं वरदाह्वयाऽभया भयानकाल्पातु रिपोरघाह्वयात् ॥ २॥ यत्तीरे विहिताः सवाश्च मुनिभिः प्राज्ञैर्वसिष्ठादिभि- र्यन्नीरेक्षणतोऽप्यशुद्धमतिभिर्लब्धा गतिः पापिभिः । सेयं सद्गतिदाख्ययापि वरदा श्रेयस्तपोवृद्धिदा मन्दानामपि पारदास्तु वरदा मोदास्पदा नः सदा ॥ ३॥ जयन्त्याख्या शुभा तस्या वरीवर्ति तटे…

|| महाकालकृता महेश्वरतुष्टिकरणस्तुतिः || महाकालः हर हर दुरितानि दीनबन्धो पुरहर पाहि दयाकटाक्षलेशैः । सुरहरशर हारकाकोदरनद्धामरण प्रसीद शम्भो ॥ १॥ तपनदहन पद्मजातमित्र प्रतिकृतिभूतमभूतवर्ग । मधुमथनाक्षिपूज्यपादपद्य प्रमथसनाथ महेश पाहि शम्भो ॥ २॥ मत्तानन्दकरीन्द्रदारणपटुं पञ्चास्यपञ्चाननं गङ्गातुङ्गतरङ्गसङ्गतमहामौली पिशङ्गायितम् । श‍ृङ्गासङ्ग्रहरं कुरङ्गसङ्गविलसत्पाणिप्रभामण्डलं तुङ्गातीरपतङ्गसोदरमहामूलस्थलिङ्गाकृतिम् ॥ ३॥ हिरण्यैकबाहुं हिरण्यैकरूपं हिरण्यैकवर्णं हिरण्यादिदेवम् । हिरण्याख्ययोर्हर्तृहन्तारमीशं हिरण्याचलावासकन्यासमेतम् ॥ ४॥ गम्भीरसागरनिषङ्गपिनाकपाणिं सोमाग्निविष्णुशरकृत्तपुरादिवर्गम् । क्ष्मास्यन्दनान्तरगतं शशिसूर्यचक्रं वेदाश्वसारथिविधिं…

|| श्रीमहालिङ्गस्तुतिः || ‘ अनादिमलसंसार रोगवैद्याय शम्भवे । नमश्शिवाय शान्ताय ब्रह्मणे लिङ्गमूर्तये ॥ १॥ आदिमध्यान्तहीनाय स्वभावानलदीप्तये । नमश्शिवाय शान्ताय ब्रह्मणे लिङ्गमूर्तये ॥ २॥ प्रलयार्णवसंस्थाय प्रलयोत्पत्तिहेतवे । नमश्शिवाय शान्ताय ब्रह्मणे लिङ्गमूर्तये ॥ ३॥ ज्वालामालावृताङ्गाय ज्वलनस्तम्भरूपिणे । नमश्शिवाय शान्ताय ब्रह्मणे लिङ्गमूर्तये ॥ ४॥ महादेवाय महते ज्योतिषेऽनन्ततेजसे । नमश्शिवाय शान्ताय ब्रह्मणे लिङ्गमूर्तये ॥ ५॥ प्रधानपुरुषेशाय व्योमरूपाय वेधसे ।…

|| श्रीमलहानिकरेश्वरस्तुतिः || (श्रीश‍ृङ्गगिरौ – श्रीभवानीमलहानिकरेश्वरकल्याणोत्सवे) स्वग्रामगमनवाच्छा सर्वेषां प्रकृतिसिद्धा हि । काशीयात्रा तस्मात्काशीश तवैव खलु युक्ता ॥ १॥ शीर्षान्मुक्ताहारव्याजात्स्वर्गापगा शम्भोः । गङ्गाधर विस्रस्ता नृत्यं किमु कुर्वतस्तवेशान ॥ २॥ शरदिन्दुसोदरमुखं करनिर्जितपङ्कजं कृपाम्भोधिम् । त्वां पश्यन्तं मामिह क्षुत्तृष्णे नैव बाधेते ॥ ३॥ सर्वाङ्गसुन्दर विभो करुणामृतपूरपूरितापङ्ग । त्वां चक्षुषी ममेमे न त्यजतः किं करोमि वद शम्भो ॥ ४॥…

|| श्रीमलयराजस्तुतिः || यो न धियामधिगम्यस्तस्य कुतः सम्भवो गिरां वृत्तेः । स्तौमि तथापि भवन्तं मनोरथो यात्यभूमिमपि ॥ १॥ यामि मनोवाक्कायैः शरणं करुणाकरं जगन्नाथ । जन्मजरामरणार्णवतरणकरण्डं तवाङ्घ्रियुगम् ॥ २॥ सर्वत एव श्रुतिमान् सर्वगतश्चेति गीयसे सद्भिः । अत इदमर्हसि भगवन् स्थागो कृपणाद्वचः श्रोतुम् ॥ ३॥ शरणमसि संश्रयो ह्यसि गतिरसि नाथोऽसि सर्वभूतानाम् । भूतेश तेन ते मयि विज्ञायातिक्षमा…

|| श्रीमणिवाचकध्यानस्तुतिः || यः श्रीमान्मणिवाचको द्विजभवः पुस्ताक्षमालाधरो भस्मालिप्तकलेवरः शिवपदानन्यान्तरो जैनहा । श्रीमद्वाचकसूक्तिभिः पुरवरे श्रीपुण्डरीकाभिधे नृत्ताधीश्वरमीडयन्परशिवं मुक्तो महान्भातु सः ॥ १॥ मन्त्री पाण्ड्यमहीपतेस्सकलविद्भस्माक्षमालाधरः साक्षादादिमसद्गुरोस्सकरुणं लब्धात्मबोधो द्विजः । विप्राकारसुगोपितेशलिखित श्रीवाचको योगिराट् ध्येयः श्रीमणिवाचकः सुगतहा नन्दीश्वरांशो महान् ॥ २॥ भस्मोद्धूलितविग्रहं परशिवध्यानैकचित्तं मुदा रुद्राक्षाभरणं समन्दहसितानन्दाननाम्भोरुहम् । शम्भुज्ञानरसालयं त्रिजगतां नाथं सुरैस्सन्नुतं श्रीमन्तं मणिवाचकं हृदि सदा ध्यायामि नन्द्यात्मकम् ॥ ३॥ इति…

|| अष्टदिग्गजकृता मणिधामलिङ्गस्तुतिः || (शिवरहस्यान्तर्गते भीमाख्ये) ऐरावतः (उवाच) शान्तं शङ्कमतङ्गकान्तकमुमाकान्तं भजाम्यन्तिक- स्वान्तानन्तमहान्तकोद्भवभयं किं वोपलक्ष्यं मम । विश्वाधीश्वर शाश्वतान्धकहरापारव्यथासंहर घोरापारभवोरुसागरगदापारादि दुःखं हर ॥ ९॥ पुण्डरीकः (उवाच) पाहि त्रिणेत्र सुचरित्र पवित्रगात्रं पाह्यब्जमित्रनयनामलभूतिगात्र । मामीशशङ्खधवलेन्दुकलाललाम पाहीश मामकधिया सकलेषु मित्र ॥ १४॥ वामन: (उवाच) पाहीन्दिरारमणकारण तारणेड्य चक्षुःश्रवाभरण कारणहीन शम्भो । माराङ्गसंहरण पापनिवारणेश पाहीन्दुभूषणमहेश गणाग्रगण्य ॥ १९॥ कुमुदः उवाच ।…

|| शेषकृता नागनाथशिवस्तुतिः || विश्वेश विश्व मदनान्तक विविश्वम्भरा धरणकारण शक्तिदायिन् । भर्गान्तकान्तक महेश्वर कृत्तिवासः पाह्याशु माऽखिलजगत्सनकादिपाल ॥ १॥ पाहीश मामकधिया परिपाहि शम्भो दक्षाश्वमेधविधि शिक्षण कामशत्रो । सुत्रामवज्रकरदारण चण्डिकेश गोत्रात्मजासखसुजात पुरां निहन्तः ॥ २॥ पिनाकविलसत्करं दिवसनायकान्तर्गतम् । विनायकसुतप्रियं भजत नागनाथस्तुतम् ॥ ३॥ यामिनीरमणशोभिमस्तकं भामिनीविधृतसामिविग्रहम् । योगिनीगणकृतस्तुतिप्रियं मोहिनीपतिमुपास्महे शिवम् ॥ ४॥ चारुभूधरशिरोविहारिणं भोगिभोगकृतकण्ठभूषणम् । क्षिप्रदग्धपुरकामवैरिणं चन्द्रचूडचरणं भजेऽन्वहम्…

|| श्रीनन्दिकेशपञ्चरत्नमालिकास्तुतिः || नमज्जनाखिलाशुभाशुशुक्षणिं नगस्थितं नगेन्द्रजापतिप्रियं नराशभङ्गविक्रमम् । नितान्तमीशसन्निधौ च भक्तवर्गसन्नुतं नमामि नन्दिकेश्वरं शिलादजं गणेश्वरम् ॥ १॥ दिगीश्वरार्चिताङ्घ्रि पङ्कजातमद्भुताकृतिं नितान्तशम्भुनर्तनात्तमद्दलं वृषाननम् । दिवाकरक्षपेशवह्नि लोचनत्रयोज्ज्वलं नमामि नन्दिकेश्वरं शिलादजं गणेश्वरम् ॥ २॥ पुरा हि जातु रक्षसामधीश्वरं स्वमाननं हसन्तमीक्ष्य कोपतः शशाप यो वृषेश्वरः । तथैव विष्णुवाहनः प्रशिक्षितश्च लीलया नमामि नन्दिकेश्वरं शिलादजं गणेश्वरम् ॥ ३॥ मुधा परो मुकुन्द एव…

|| श्रीनटेश्वर भुजङ्गस्तुतिः || श्रीज्ञानसम्बन्धकृता लोकानाहूय सर्वान् डमरुकनिनदैर्घोरसंसारमग्नान् दत्वाऽभीतिं दयालुः प्रणतभयहरं कुञ्चितं वामपादम् । उद्धृत्येदं विमुक्तेरयनमिति कराद्दर्शयन् प्रत्ययार्थं बिभ्रद्वह्निं सभायां कलयति नटनं यः स पायान्नटेशः ॥ १॥ दिगीशादिवन्द्यं गिरीशानचापं मुरारातिबाणं पुरत्रासहासम् । करीन्द्रादिचर्माम्बरं वेदवेद्यं महेशं सभेशं भजेऽहं नटेशम् ॥ २॥ समस्तैश्च भूतैस्सदा नम्यमाद्यं समस्तैकबन्धुं मनोदूरमेकम् । अपस्मारनिघ्नं परं निर्विकारं महेशं सभेशं भजेऽहं नटेशम् ॥ ३॥…

|| श्रीनटेशस्तुतिः || श्री भृङ्गिमहर्षिप्रणीता श्रीकैलासे प्रदोषे नटति पुरहरे देवदैत्यादिवन्द्ये पश्यन्त्यां शैलपुत्र्यां नटनमतिमुदा स्वर्वधूसंवृतायाम् । ब्रह्मा तालं च वेणुं कलयति मधवा मद्दलं चक्रपाणिः धित्तान्धितान्धिमित्तां धिमिधिमिधिमितान्धिन्धिमी धिन्धिमीति ॥ १॥ नन्दी मद्दलवाद्यभृद्वितनुते तान्तां तथित्तामिति ब्रह्मा तालरवं तकृत्तकृतत त्तत्तत्तकृत्तामिति । गाने तुम्बुरुनारदौ तनननातानाननातानना शम्भौ नृत्यति स्वर्णसंसदि सदा झञ्झञ्झणञ्झामिति ॥ २॥ चिदम्बरसभायान्तु नृत्तं दृष्ट्वा पिनाकिनः । बहुधाऽऽनम्य भगवान् भृङ्गी…

|| श्रीद्विनेत्रशम्भुस्तुतिः || अवतारेऽस्मिन्कामप्रसक्त्यभावाद्विनेत्रत्वम् । अलमिति तार्तीयं किं नेत्रं शम्भुस्तिरोधत्ते ॥ १॥ समताबोधाय नृणां पदपाथोजप्रणम्राणाम् । गिरिशेनाद्य कृपातस्त्यक्ता वा विषमलोचनता ॥ २॥ अथवा किं बोधयितुं विकारहीनं पदं कृपाम्भोधे । वैरूप्यं मा भूदिति समलोचनतां दधासि मे ब्रूहि ॥ ३॥ द्वे विद्ये श्रुतिमध्ये वेद्ये प्रोक्ते जनानां हि । इममर्थं बोधयितुं नेत्रद्वन्द्वं गुरो धत्से ॥ ४॥ बाह्यं तथान्तरं…

|| दशश्लोकीस्तुती साम्बस्तुतिः अथवा साम्बदशकम् || शिवोत्कर्षदशश्लोकीस्तुतिः साम्बो नः कुलदैवतं पशुपते साम्ब त्वदीया वयं साम्बं स्तौमि सुरासुरोरगगणाः साम्बेन संतारिताः । साम्बायास्तु नमो मया विरचितं साम्बात्परं नो भजे साम्बस्यानुचरोऽस्म्यहं मम रतिः साम्बे परब्रह्मणि ॥ १॥ विष्ण्वाद्याश्च पुरत्रयं सुरगणा जेतुं न शक्ताः स्वयं यं शंभुं भगवन्वयं तु पशवोऽस्माकं त्वमेवेश्वरः । स्वस्वस्थाननियोजिताः सुमनसः स्वस्था बभूवुस्तत स्तस्मिन्मे हृदयं सुखेन…

|| श्रीत्यागेशस्तुतिः || यस्याज्ञया नवच्छिद्रे स्तब्धस्तिष्ठति मारुतः । तं नमामि महादेवं त्यागेशं भक्तवत्सलम् ॥ १॥ शासनात् पावको यस्य सर्वेषामन्तरा स्थितः । तं नमामि महादेवं त्यागेशं भक्तवत्सलम् ॥ २॥ बडबामुखवह्निश्च ज्वलत्यब्धौ यदाज्ञया । तं नमामि महादेवं त्यागेशं भक्तवत्सलम् ॥ ३॥ भूतान्यपि विरुद्धानि मिलितानि यदाज्ञया । तं नमामि महादेवं त्यागेशं भक्तवत्सलम् ॥ ४॥ कलमन्वेति कर्तारं कर्मणां यस्य…

|| श्रीत्यागराजदशकस्तुतिः || नीलकन्धर भाललोचन बालचन्द्रशिरोमणे कालकाल कपालमाल हिमालयाचलजापते । शूलदोर्धर मूलशङ्कर मूलयोगिवरस्तुत त्यागराज दयानिधे कमलापुरीश्वर पाहि माम् ॥ १॥ हारकुण्डलमौलिकङ्कण किङ्किणीकृतपन्नग वीरखड्ग कुबेरमित्र कलत्रपुत्रसमावृत । नारदादि मुनीन्द्रसन्नुत नागचर्मकृताम्बर त्यागराज दयानिधे कमलापुरीश्वर पाहि माम् ॥ २॥ भूतनाथ पुरान्तकातुल भुक्तिमुक्तिसुखप्रद शीतलामृतमन्दमारुत सेव्यदिव्यकलेवर । लोकनायक पाकशासन शोकवारण कारण त्यागराज दयानिधे कमलापुरीश्वर पाहि माम् ॥ ३॥ शुद्धमद्धलतालकाहलशङ्खदिव्यरवप्रिय नृत्तगीतरसज्ञ…

|| जयस्तुतिः अथवा शिवचामरस्तोत्रम् || जय सर्वजनाधीश जय गौरीपते शिव । जय देव महादेव जयगङ्गाधरेश्वर ॥ १॥ जय दग्धपुराध्यक्ष जय कालान्तकारक । जय कामविरामेश जय भक्तानुकम्पक ॥ २॥ जय त्रैलोक्यसंरक्षिन् जय निर्गुण सद्गुण । जयानन्तगुणारम्भ जय घोर महेश्वर ॥ ३॥ जय चन्द्रकलाक्रान्त जय नागेन्द्रभूषण । जय पुङ्गवसत्केतो जय त्र्यक्ष महेश्वर ॥ ४॥ जयान्तकरिपो शम्भो जय…

|| श्रीचिदम्बरेशस्तुतिः || कल्याणमूर्तिं कनकाद्रिचापं कान्तासमाक्रान्तनिजार्धदेहम् । कालान्तकं कामरिपुं पुरारिं चिदम्बरेशं हृदि भावयामि ॥ १॥ विश्वाधिकं विष्णुमुखैरुपास्यं त्रिलोचनं चन्द्रकलावतंसम् । उमापतिं पापहरं प्रशान्तं चिदम्बरेशं हृदि भावयामि ॥ २॥ विश्वेश्वरं नित्यमनन्तरूपं बालेन्दुचूडं सुरवन्द्यपादम् । पतिं पशूनां हृदि सन्निविष्टं चिदम्बरेशं हृदि भावयामि ॥ ३॥ विशालनेत्रं परिपूर्णगात्रं गौरीकलत्रं सुरवैरिशत्रुम् । कुबेरमित्रं जगदेकपात्रं चिदम्बरेशं हृदि भावयामि ॥ ४॥ कैलासवासं…

|| श्रीनीलकण्ठदीक्षितप्रणीता चतुःषष्टिलीलास्तुतिः || शिवलिलार्णवतः क्व ते दया वाङ्मनसातिभूमिः क्व दुर्लभो वा त्वदवाप्त्युपायः । अहो जितं सुन्दरनाथ! मर्त्त्यैरहो जितं तत्र च दीनदीनैः ॥ १॥ गुप्तं वृथा कोटिभिरागमानां गुप्तं वृथाहो गुरुभिः पुराणैः । कोणे यदत्र त्वमिहानुकम्पाकोशालयद्वारमपावृणोषि ॥ २॥ अस्माभिरज्ञानपि तारयद्भिः कियान् प्रकर्षो विबुधेषु कार्यः । इति त्वया चिन्तयता किमीश! प्रतारिता स्मस्त्रिदिवार्पणेन ॥ ३॥ पाण्ड्यप्रियं त्वां विदती…

|| उद्दालककृता घुसृणेश्वरशिवस्तुतिः || पार्वती कुत्र क्षेत्रमिदं शम्भो त्रिनेत्रप्रियकारकम् । तत्क्षेत्रमहिमापारकथाश्रवणलालसम् ॥ ३५॥ मम चित्तमभूद्देव दयया तद्वदस्व माम् । शिवो गौरीवचः श्रुत्वा तत्क्षेत्रं प्राह शङ्करः ॥ ३६॥ ईश्वरः भीमरथ्या उदग्भागे त्रिंशत्क्रोशोपरि स्थितम् । शूलपातं स्थितं तीर्थं तत्रास्त्येव शिवालयः ॥ ३७॥ शूलपातसरस्तीरे तताप परमं तपः । उद्दालको मुनिर्नाम्ना ज्ञानार्थं शङ्करस्तदा ॥ ३८॥ समभ्यर्च्य महादेवं बिल्वपत्रैर्महेश्वरम् ।…

|| गौरीश्वरस्तुतिः || श्रीगणेशाय नमः ॥ दिव्यं वारि कथं यतः सुरधुनी मौलौ कथं पावको दिव्यं तद्धि विलोचनं कथमहिर्दिव्यं स चाङ्गे तव । तस्माद्द्यूतविधौ त्वयाद्य मुषितो हारः परित्यज्यता- मित्थं शैलभुवा विहस्य लपितः शम्भुः शिवायास्तु वः ॥ १॥ श्रीकण्ठस्य सकृत्तिकाऽऽर्तभरणी मूर्तिः सदा रोहिणी ज्येष्ठा भाद्रपदा पुनर्वसुयुता चित्रा विशाखान्विता । दिश्यादक्षतहस्तमूलघटिताषाढा मघालङ्कृता श्रेयो वैश्रवणान्विता भगवतो नक्षत्रपालीव वः ॥…

|| श्रीगौरीशस्तुतिः || (शिष्याशीर्वचनात्मकस्तवाः) बालं चाममहीमहेन्द्रसुकृतक्षीराब्धिमध्योद्भवं सोमं सोमशिशूत्तमाङ्ग सततं मौलौ निधायादरात् । श्रीमत्कृष्णमहीपसंज्ञमनिशं सिंहासनाध्यासिनं विद्याऽऽयुर्धननीतिभिः प्रतिपदं गौरीश संवर्धय ॥ १॥ जित्वा मृत्युमथापमृत्युमखिलान् रोगांश्च हृत्वानिशं प्राणम्राखिललोकरक्षणविधावाबद्धदीक्ष प्रभो । श्रीमत्कृष्णमहीपतिं ससहजं सिंहासनाध्यासिनं मार्कण्डेयमिवादरेण सततं गौरीश संवर्धय ॥ २॥ शौर्यौदार्यमुखान्गुणाननितरप्राप्यान्ददत्सर्वदा प्रालेयाचलसेतुमध्यविलसद्भूपालवर्येड्यताम् । दीर्घायुष्यमरोगतामपि ददच्छ्रीकृष्णभूपोत्तमं मात्राद्यैः सततं कृपाजलनिधे गौरीश संवर्धय ॥ ३॥ सेनाधीशसुमन्त्रिभृत्यसहितं नव्योपमन्युं प्रभो कृत्वा दीनजनावनैकनिपुणं कारुण्यवारान्निधे ।…

|| श्रीगिरिपल्लवनाथेश्वरस्तुतिः || (श्रीदेवदानक्षेत्रे) पल्लवसदृक्षतावकपदविन्यासाज्जगाम पल्लवताम् । यद्गिरिरसौ ततस्त्वं गिरिपल्लवनाथशब्दवाच्योऽभूः ॥ १॥ वृक्षलतानां पल्लवमिह सिद्धं नैव भूमिधर्तुर्हि । शक्तिस्तवाद्भुतातो गिरिपल्लवमत्र दृष्टमतिचित्रम् ॥ २॥ गङ्गाधर करुणाकर बिम्बाधर बालकुमुदबन्धुधर । गरलाम्बरविनिवारण पादसरोजे नमस्ये ते ॥ ३॥ इति श‍ृङ्गेरि श्रीजगद्गुरु श्रीसच्चिदानन्दशिवाभिनवनृसिंह- भारतीस्वामिभिः विरचिता श्रीगिरिपल्लवनाथेश्वरस्तुतिः सम्पूर्णा ।

|| नागैः कृता केदारेशमहेश्वरस्तुतिः || (शिवरहस्यान्तर्गते भीमाख्ये) नागा ऊचुः । पाह्यब्जमित्रनयनामलभूतिगात्र रुद्र त्रिणेत्र गिरिराजसुताकलत्र । पात्रं विचित्रतरमेतदहो पवित्र- सत्रातिरात्रमखतर्पित लोकयाशु ॥ ४॥ श्रीव्योमकेश सकलेश महेश शम्भो कोशावकाश शशिशेखर शङ्करेश । देवेश खण्डपरशो पशुपाशनाश पाहीश मामकधिया तव पादभक्तान् ॥ ५॥ तं भर्गसर्गकरणाव्यय दीनवर्गं सन्तारयार्गलपदान्परिमोचयाशु । दूर्वादलार्चितपद त्रिदशारिगर्व- निर्वापणार्णववसाम्बुजनेत्रपूज्य ॥ ६॥ श्रीमन्मेरुशरासन त्रिभुवनाध्यक्षाध्वराध्यक्ष नो वीक्षस्वाद्य दयाकटाक्षलहरीसंहारितापादिकान् ।…

|| कालाग्निरुद्रकृता काशीक्षेत्रस्तुतिः || वाराणसि त्वयि सदैव सरोगभूमावारोग्यभूमिरित काममलीकवादः । सन्तम्थुषां भवति यत्र वपुः सशूलं जन्मान्तरेऽपि जलभारवदुत्तमाङ्गम् ॥ ४१॥ वाराणसीं प्राप्य बुधाः पितृभ्यो जलाञ्जलिं सादरमर्पयन्ति । पाणनि सर्वाणि ततः पितॄणां भवन्त्यहो दत्तजलाञ्जलीनि ॥ ४२॥ ये मृष्टान्नभुजो गजोत्तमहयारोहाः स्वगेहान्तरे मत्ताभिर्महिलाभिरत्न विहरन्त्यामुक्तमुक्तास्रजः । ते घोरास्थिधरा विराजदनडुद्वाहाः विषाहारिणो नर्तिष्यन्त्यवशाच्श्मशाननिलये नीचैः पिशाचैः सह ॥ ४३॥ दत्तं शाम्भवपुङ्गवे किमपि तत्क्षेत्रप्रभावाद्भवेत्…

|| श्रीकाशीविश्वनाथस्तुतिः || दुर्गाधीशो द्रुतिज्ञो द्रुतिनुतिविषयो दूरदृष्टिर्दुरीशो दिव्यादिव्यैकराध्यो द्रुतिचरविषयो दूरवीक्षो दरिद्रः । देवैः सङ्कीर्तनीयो दलितदलदयादानदीक्षैकनिष्ठो दानी दीनार्तिहारी भवदवदहनो दीयतां दृष्टिवृष्टिः ॥ १॥ क्षेत्रज्ञः क्षेत्रनिष्ठः क्षयकलितकलः क्षात्रवर्गैकसेव्यः क्षेत्राधीशोऽक्षरात्मा क्षितिप्रथिकरणः क्षालितः क्षेत्रदृश्यः । क्षोण्या क्षीणोऽक्षरज्ञो क्षरपृथुकलितः क्षीणवीणैकगेयः क्षौरः क्षोणीध्रवर्ण्यः क्षयतु मम बलक्षीणतां सक्षणं सः ॥ २॥ क्रूरः क्रूरैककर्मा कलितकलकलैः कीर्तनीयः कृतिज्ञः कालः कालैककालो विकलितकर्णः कारणाक्रान्तकीर्तिः । कोपः…

|| कालहस्तीश्वरस्तुतिः || ॐ श्रीमहागणपतये नमः । गण्डूषस्य समं न्यधायि भवता मन्दाकिनी मस्तके क्रत्र्यस्य प्रतिपादनेऽस्य सदृशो हस्ते मृगः स्थापितः । नेत्रस्यापि सदृक्षमक्षिदशकं प्रादायि पञ्चोत्तरं किं वर्ण्येत कृतज्ञता तव विभो श्रीकालहस्तीश्वर ॥ १॥ विन्यस्ते शबरेण मूर्ध्नि चरणे देहः कृतोऽप्यष्टवा गण्डूषैरभिषेचने विरचिते वक्त्रं कृतं पञ्चधा । उच्छिष्टे विनिवेदिते पुनरसौ रूक्षं विषं भोजितः शिक्षामस्य करोषि कर्मसदृशं श्रीकालहस्तीश्वर ॥…

|| श्रीमदृश्यश‍ृङ्गेश्वरस्तुतिः || कष्टारिवर्गदलनं शिष्टालिसमर्चिताङ्घ्रिपाथोजम् । नष्टाविद्यैर्गम्यं पुष्टात्माराधकालिमाकलये ॥ १॥ प्राणायामैर्ध्यानैनष्टं चित्तं विधाय मुनिवर्याः । यत्पश्यन्ति हृदब्जे शान्ताभाग्यं नमामि तत्किञ्चित् ॥ २॥ वेदोत्तमाङ्गगेयं नादोपास्त्यादिसाधनात्माख्यम् । खेदोन्मूलनदक्षं भेदोपाध्यादिवर्जितं नौमि ॥ ३॥ शान्तामानसहंसं कान्तारासक्तमुनिवरैः सेव्यम् । शान्ताहङ्कृतिवेद्यं कान्तार्धं नौमि श‍ृङ्गशिवम् ॥ ४॥ इति श‍ृङ्गेरि श्रीजगद्गुरु श्रीसच्चिदानन्दशिवाभिनवनृसिंह- भारतीस्वामिभिः विरचिता श्रीमदृश्यश‍ृङ्गेश्वरस्तुतिः सम्पूर्णा ।

|| आत्मार्पणस्तुतिः || श्रीमदप्पय्य दीक्षित विरचिता कस्ते बोद्धुं प्रभवति परं देवदेव प्रभावं यस्मादित्थं विविधरचना सृष्टिरेषा बभूव । भक्तिग्राह्यस्त्वमिह तदपि त्वामहं भक्तिमात्रात् स्तोतुं वाञ्छाम्यतिमहदिदं साहसं मे सहस्व ॥ १॥ क्षित्यादिनामवयववतां निश्चितं जन्म तावत् तन्नास्त्येव क्वचन कलितं कर्त्रधिष्ठानहीनम् । नाधिष्ठातुं प्रभवति जडो नाप्यनीशश्च भावः तस्मादाद्यस्त्वमसि जगतां नाथ जाने विधाता ॥ २॥ इन्द्रं मित्रं वरुणमनिलं पुनरजं विष्णुमीशं var…

|| श्री गौरी सप्तश्लोकी स्तुतिः || करोपान्ते कान्ते वितरणरवन्ते विदधतीं नवां वीणां शोणामभिरुचिभरेणाङ्कवदनां । सदा वन्दे मन्देतरमतिरहं देशिकवशा- त्कृपालम्बामम्बां कुसुमितकदम्बाङ्कणगृहाम् ॥ १ ॥ शशिप्रख्यं मुख्यं कृतकमलसख्यं तव मुखं सुधावासं हासं स्मितरुचिभिरासन्न कुमुदं । कृपापात्रे नेत्रे दुरितकरितोत्रेच नमतां सदा लोके लोकेश्वरि विगतशोकेन मनसा ॥ २ ॥ अपि व्याधा वाधावपि सति समाधाय हृदि ता मनौपम्यां रम्यां मुनिभिरवगम्यां…

|| नारायणस्तुतिः || शान्ताकारं भुजगशयनं पद्मनाभं सुरेशं विश्वाधारं गगनसदृशं मेघवर्णं शुभाङ्गम् । लक्ष्मीकान्तं कमलनयनं योगिभिर्ध्यानगम्यं वन्दे विष्णुं भवभयहरं सर्वलोकैकनाथम् ॥ १॥ यं ब्रह्मा वरुणेन्द्ररुद्रमरुतः स्तुन्वन्ति दिव्यैस्स्तवैः वेदैः साङ्गपदक्रमोपनिषदैर्गायन्ति यं सामगाः । ध्यानावस्थिततद्गतेन मनसा पश्यन्ति यं योगिनो यस्यान्तं न विदुः सुरासुरगणा देवाय तस्मै नमः ॥ २॥ हे राम पुरुषोत्तम नरहरे नारायण केशव गोविन्द गरुडध्वज गुणनिधे दामोदर…