|| ಭಗವತ್ಪ್ರಾತಸ್ಸ್ಮರಣ ಸ್ತೋತ್ರಮ್ ||
ಪ್ರಾತಸ್ಸ್ಮರಾಮಿ ಫಣಿರಾಜತನೌ ಶಯಾನಂ
ನಾಗಾಮರಾಸುರನರಾದಿಜಗನ್ನಿದಾನಂ |
ವೇದೈಸ್ಸಹಾಗಮಗಣೈರುಪಗೀಯಮಾನಂ
ಕಾಂ ತಾರಕೇತನವತಾಂ ಪರಮಂ ವಿಧಾನಮ್ || ೧ ||
ಪ್ರಾತರ್ಭಜಾಮಿ ಭವಸಾಗರವಾರಿಪಾರಂ
ದೇವರ್ಷಿಸಿದ್ಧನಿವಹೈರ್ವಿಹಿತೋಪಹಾರಂ |
ಸಂದೃಪ್ತದಾನವಕದಂಬಮದಾಪಹಾರಂ
ಸೌಂದರ್ಯರಾಶಿ ಜಲರಾಶಿ ಸುತಾವಿಹಾರಮ್ || ೨ ||
ಪ್ರಾತರ್ನಮಾಮಿ ಶರದಂಬರಕಾಂತಿಕಾಂತಂ
ಪಾದಾರವಿಂದಮಕರಂದಜುಷಾಂ ಭವಾಂತಮ್ |
ನಾನಾವತಾರಹೃತಭೂಮಿಭರಂ ಕೃತಾಂತಂ
ಪಾಥೋಜಕಂಬುರಥಪಾದಕರಂ ಪ್ರಶಾಂತಮ್ || ೩ ||
ಶ್ಲೋಕತ್ರಯಮಿದಂ ಪುಣ್ಯಂ ಬ್ರಹ್ಮಾನಂದೇನ ಕೀರ್ತಿತಂ |
ಯಃ ಪಠೇತ್ಪ್ರಾತರುತ್ಥಾಯ ಸರ್ವಪಾಪೈಃ ಪ್ರಮುಚ್ಯತೇ || ೪ ||
ಇತಿ ಶ್ರೀಮತ್ಪರಮಹಂಸಸ್ವಾಮಿ ಬ್ರಹ್ಮಾನಂದವಿರಚಿತಂ ಶ್ರೀಭಗವತ್ಪ್ರಾತಸ್ಸ್ಮರಣಸ್ತೋತ್ರಮ್ |
Found a Mistake or Error? Report it Now
