श्री सरस्वती स्तोत्रम्
|| श्री सरस्वती स्तोत्रम् || रविरुद्रपितामहविष्णुनुतं हरिचन्दनकुङ्कुमपङ्कयुतम् मुनिवृन्दगजेन्द्रसमानयुतं तव नौमि सरस्वति पादयुगम् ॥ शशिशुद्धसुधाहिमधामयुतं शरदम्बरबिम्बसमानकरम् । बहुरत्नमनोहरकान्तियुतं तव नौमि सरस्वति पादयुगम् ॥ कनकाब्जविभूषितभूतिभवं भवभावविभावितभिन्नपदम् । प्रभुचित्तसमाहितसाधुपदं तव नौमि सरस्वति पादयुगम् ॥ भवसागरमज्जनभीतिनुतं प्रतिपादितसन्ततिकारमिदम् । विमलादिकशुद्धविशुद्धपदं तव नौमि सरस्वति पादयुगम् ॥ मतिहीनजनाश्रयपारमिदं सकलागमभाषितभिन्नपदम् । परिपूरितविश्वमनेकभवं तव नौमि सरस्वति पादयुगम् ॥ परिपूर्णमनोरथधामनिधिं परमार्थविचारविवेकविधिम् । सुरयोषितसेवितपादतलं तव नौमि…
