श्री भुवन सुंदराची आरती​ PDF मराठी

श्री भुवन सुंदराची आरती​ मराठी Lyrics

|| श्री भुवन सुंदराची आरती​ ||

आरती भुवनसुंदराची,इंदिरावरा मुकुंदाची ||धृ||

पद्मसम पाद्यू गमरंगा ओंवाळणी होती भृंगा,नखमणी स्रवताहे गंगा|
जे कां त्रिविधतापभंगा,वर्तुळ गुल्फ भ्राजमाने, किंकिंनीक्कणित नाद घणघाणीत|
वाकीवर झुणित नेपुरें झनन मंदिराची, झनन ध्वनी मंदिराची ||१||

आरती भुवनसुंदराची,इंदिरावरा मुकुंदाची ||धृ||

पितपट हाटकतप्तवर्णी कांती नितंब सुस्थानिं, नाभिची अगाध हो करणी |
विश्व जनकाची जे जननी, त्रिवलीललित उदरशोभा, कंबुगलभाल विलंबित झळाळ |
कौस्तुभ सरळ बाहु श्रीवत्स तरलमणिमरळ कंकणाची प्रीती बहुजडित कंकणाची ||२||

आरती भुवनसुंदराची,इंदिरावरा मुकुंदाची ||धृ||

इंदुसम आस्य कुंदरदना अधरारुणार्क बिंबवदना, पाहतां भ्रांती पडे मदना|
सजलमेघाब्धि दैत्यदमना झळकत मकरकुंडलाभा, कुटील कुंतली मयूरपत्रावली|
वेष्टिले तिलक भालीं, केशरी झळाळीत कृष्ण कस्तुरीची ||३||

आरती भुवनसुंदराची,इंदिरावरा मुकुंदाची ||धृ||

कल्पद्रुमातळीं मूर्ती सौदामिनी कोटी, दीप्ती गोपिगोपावली भवतीं|
त्रिविष्टप पुष्पवृष्टी करिती,मंजुळ मधुर मुरली नाद,चकित गंधर्व चकित अप्सरा|
सुरागीरीवरा, कर्पूरधरा रतिनें प्रेमयुक्त साची, आरती ओवाळीत साची || ४||

आरती भुवनसुंदराची,इंदिरावरा मुकुंदाची ||धृ||

वृंदावनी चियें हरणी, सखे ग कृष्ण माय बहिणीं, श्रमलो भवाब्धिचे फिरनिं|
अतां मज ठाव देई चरणी, अहा हे पुण्याश्लोका, नमितो चरण शरण मी,करुणा येऊ दे विशाळपाणी|
कृष्ण नेणतें बाळ आपुलें राखीं लाज माझी, दयानिधे राखीं लाज माझी ||५ ||

आरती भुवनसुंदराची,इंदिरावरा मुकुंदाची ||धृ||