|| దుర్గా నమస్కార స్తోత్రం ||
నమస్తే హే స్వస్తిప్రదవరదహస్తే సుహసితే
మహాసింహాసీనే దరదురితసంహారణరతే .
సుమార్గే మాం దుర్గే జనని తవ భర్గాన్వితకృపా
దహంతీ దుశ్చింతాం దిశతు విలసంతీ ప్రతిదిశం ..
అనన్యా గౌరీ త్వం హిమగిరి-సుకన్యా సుమహితా
పరాంబా హేరంబాకలితముఖబింబా మధుమతీ .
స్వభావైర్భవ్యా త్వం మునిమనుజసేవ్యా జనహితా
మమాంతఃసంతాపం హృదయగతపాపం హర శివే ..
అపర్ణా త్వం స్వర్ణాధికమధురవర్ణా సునయనా
సుహాస్యా సల్లాస్యా భువనసముపాస్యా సులపనా .
జగద్ధాత్రీ పాత్రీ ప్రగతిశుభదాత్రీ భగవతీ
ప్రదేహి త్వం హార్దం పరమసముదారం ప్రియకరం ..
ధరా దుష్టైర్భ్రష్టైః పరధనసుపుష్టైః కవలితా
దురాచారద్వారా ఖిలఖలబలోద్వేగదలితా .
మహాకాలీ త్వం వై కలుషకషణానాం ప్రశమనీ
మహేశానీ హంత్రీ మహిషదనుజానాం విజయినీ ..
ఇదానీం మేదిన్యా హృదయమతిదీనం ప్రతిదినం
విపద్గ్రస్తం త్రస్తం నిగదతి సమస్తం జనపదం .
మహాశంకాతంకైర్వ్యథితపృథివీయం ప్రమథితా
నరాణామార్త్తిం తే హరతు రణమూర్త్తిః శరణదా ..
సమగ్రే సంసారే ప్రసరతు తవోగ్రం గురుతరం
స్వరూపం సంహర్త్తుం దనుజకులజాతం కలిమలం .
పునః సౌమ్యా రమ్యా నిహితమమతాస్నేహసుతను-
ర్మనోవ్యోమ్ని వ్యాప్తా జనయతు జనానాం హృది ముదం ..
అనింద్యా త్వం వంద్యా జగదురసి వృందారకగణైః
ప్రశాంతే మే స్వాంతే వికశతు నితాంతం తవ కథా .
దయాదృష్టిర్దేయా సకలమనసాం శోకహరణీ
సదుక్త్యా మే భక్త్యా తవ చరణపద్మే ప్రణతయః ..
భవేద్ గుర్వీ చార్వీ చిరదివసముర్వీ గతభయా
సదన్నా సంపన్నా సరససరణీ తే కరుణయా .
సముత్సాహం హాసం ప్రియదశహరాపర్వసహితం
సపర్యా తే పర్యావరణకృతకార్యా వితనుతాం ..
- sanskritश्री कालिका अर्गल स्तोत्रम्
- sanskritश्री कालिका कीलक स्तोत्रम्
- sanskritश्री जगद्धात्री स्तोत्रम्
- malayalamആപദുന്മൂലന ദുർഗാ സ്തോത്രം
- teluguఆపదున్మూలన దుర్గా స్తోత్రం
- tamilஆபதுன்மூலன துர்கா ஸ்தோத்திரம்
- kannadaಆಪದುನ್ಮೂಲನ ದುರ್ಗಾ ಸ್ತೋತ್ರ
- hindiआपदुन्मूलन दुर्गा स्तोत्र
- malayalamദുർഗാ ശരണാഗതി സ്തോത്രം
- teluguదుర్గా శరణాగతి స్తోత్రం
- tamilதுர்கா சரணாகதி ஸ்தோத்திரம்
- hindiदुर्गा शरणागति स्तोत्र
- malayalamദുർഗാ പഞ്ചരത്ന സ്തോത്രം
- teluguదుర్గా పంచరత్న స్తోత్రం
- tamilதுர்கா பஞ்சரத்ன ஸ்தோத்திரம்
Found a Mistake or Error? Report it Now
