শ্রী গণপতি অথর্বশীর্ষ স্তোত্রম PDF বাংলা

শ্রী গণপতি অথর্বশীর্ষ স্তোত্রম বাংলা Lyrics

|| শ্রী গণপতি অথর্বশীর্ষ স্তোত্রম ||

ওঁ নমস্তে গণপতয়ে।
ত্বমেব প্রত্যক্ষং তত্বমসি
ত্বমেব কেবলং কর্তাঽসি
ত্বমেব কেবলং ধর্তাঽসি
ত্বমেব কেবলং হর্তাঽসি
ত্বমেব সর্বং খল্বিদং ব্রহ্মাসি
ত্ব সাক্ষাদাত্মাঽসি নিত্যম্ ॥

ঋতং বচ্মি। সত্যং বচ্মি ॥
অব ত্ব মাং। অব বক্তারং।
অব ধাতারং। অবানূচানমব শিষ্যং।
অব পশ্চাতাত। অব পুরস্তাত।
অবোত্তরাত্তাত। অব দক্ষিণাত্তাৎ।
অবচোর্ধ্বাত্তাৎ॥ অবাধরাত্তাৎ॥
সর্বতো মাঁ পাহি-পাহি সমন্তাৎ ॥

ত্বং বাঙ্ময়স্ত্বং চিন্ময়:।
ত্বমানন্দমসয়স্ত্বং ব্রহ্মময়:।
ত্বং সচ্চিদানন্দাদ্বিতীয়োঽষি।
ত্বং প্রত্যক্ষং ব্রহ্মাষি।
ত্বং জ্ঞানময়ো বিজ্ঞানময়োঽষি ॥

সর্বং জগদিদং ত্বত্তো জায়তে।
সর্বং জগদিদং ত্বত্তস্তিষ্ঠতি।
সর্বং জগদিদং ত্বয়ি লয়মেষ্যতি।
সর্বং জগদিদং ত্বয়ি প্রত্যেতি।
ত্বং ভূমিরাপোঽনলোঽনিলো নভ:।
ত্বং চত্বারিকাকূপদানি ॥

ত্বং গুণত্রয়াতীত: ত্বমবস্থাত্রয়াতীত:।
ত্বং দেহত্রয়াতীত:। ত্বং কালত্রয়াতীত:।
ত্বং মূলাধারস্থিতোঽসি নিত্যং।
ত্বং শক্তিত্রয়াত্মক:।
ত্বাং যোগিনো ধ্যায়ন্তি নিত্যং।
ত্বং ব্রহ্মা ত্বং বিষ্ণুস্ত্বং
রূদ্রস্ত্বং ইন্দ্রস্ত্বং অগ্নিস্ত্বং
বায়ুস্ত্বং সূর্যস্ত্বং চন্দ্রমাস্ত্বং
ব্রহ্মভূর্ভুব:স্বরোম্ ॥

গণাদি পূর্বমুচ্চার্য বর্ণাদিং তদনন্তরং।
অনুস্বার: পরতর:। অর্ধেন্দুলসিতং।
তারেণ ঋদ্ধং। এতত্তব মনুস্বরূপং।
গকার: পূর্বরূপং। অকারো মধ্যমরূপং।
অনুস্বারশ্চান্ত্যরূপং। বিন্দুরূত্তররূপং।
নাদ: সন্ধানং। সঁ হিতাসন্ধি:
সৈষা গণেশ বিদ্যা। গণকঋষি:
নিচৃদ্গায়ত্রীচ্ছন্দ:। গণপতির্দেবতা।
ওঁ গং গণপতয়ে নম: ॥

একদন্তায় বিদ্মহে।
বক্রতুণ্ডায় ধীমহি।
তন্নো দন্তী প্রচোদয়াত ॥

একদন্তং চতুর্হস্তং পাশমঙ্কুশধারিণম্।
রদং চ বরদং হস্তৈর্বিভ্রাণং মূষকধ্বজম্।
রক্তং লম্বোদরং শূর্পকর্ণকং রক্তবাসসম্।
রক্তগন্ধাঽনুলিপ্তাঙ্গং রক্তপুষ্পৈ: সুপুজিতম্॥
ভক্তানুকম্পিনং দেবং জগৎকারণমচ্যুতম্।
আবির্ভূতং চ সৃষ্টয়াদৌ প্রকৃতে পুরুষাৎপরম্।
এবং ধ্যায়তি যো নিত্যং স যোগী যোগিনাং বর: ॥

নমো ব্রাতপতয়ে। নমো গণপতয়ে।
নম: প্রমথপতয়ে।
নমস্তেঽস্তু লম্বোদরায়ৈকদন্তায়।
বিঘ্ননাশিনে শিবসুতায়।
শ্রীবরদমূর্তয়ে নমো নম: ॥

এতদথর্বশীর্ষ যোঽধীতে।
স ব্রহ্মভূয়ায় কল্পতে।
স সর্ব বিঘ্নৈর্নবাধ্যতে।
স সর্বত: সুখমেধতে।
স পঞ্চমহাপাপাৎপ্রমুচ্যতে ॥

সায়মধীয়ানো দিবসকৃতং পাপং নাশয়তি।
প্রাতরধীয়ানো রাত্রিকৃতং পাপং নাশয়তি।
সায়ম্প্রাত: প্রয়ুঞ্জানোঽপাপো ভবতি।
সর্বত্রাধীয়ানোঽপবিঘ্নো ভবতি।
ধর্মার্থকামমোক্ষং চ বিন্দতি ॥

ইদমথর্বশীর্ষমশিষ্যায় ন দেয়ম্।
যো যদি মোহাদ্দাস্যতি স পাপীয়ান্ ভবতি।
সহস্রাবর্তনাৎ যং যং কামমধীতে তং তমনেন সাধয়েৎ ।

অনেন গণপতিমভিষিঞ্চতি
স বাগ্মী ভবতি
চতুর্থ্যামনশ্র্নন জপতি
স বিদ্যাবান ভবতি।
ইত্যথর্বণবাক্যং।
ব্রহ্মাদ্যাবরণং বিদ্যাৎ
ন বিভেতি কদাচনেতি ॥

যো দূর্বাঙ্কুরৈংর্যজতি
স বৈশ্রবণোপমো ভবতি।
যো লাজৈর্যজতি স যশোবান ভবতি
স মেধাবান ভবতি।
যো মোদকসহস্রেণ যজতি
স বাঞ্ছিত ফলমবাপ্রোতি।
য: সাজ্যসমিদ্ভির্যজতি
স সর্বং লভতে স সর্বং লভতে ॥

অষ্টৌ ব্রাহ্মণান্ সম্যগ্গ্রাহয়িত্বা
সূর্যবর্চস্বী ভবতি।
সূর্যগ্রহে মহানদ্যাং প্রতিমাসংনিধৌ
বা জপ্ত্বা সিদ্ধমন্ত্রোং ভবতি।
মহাবিঘ্নাৎপ্রমুচ্যতে।
মহাদোষাৎপ্রমুচ্যতে।
মহাপাপাৎ প্রমুচ্যতে।
স সর্ববিদ্ভবতি সে সর্ববিদ্ভবতি।
য এবং বেদ ইত্যুপনিষদ্ ॥