|| Jagad Vilakshana Surya Kavacham ||
br̥haspatiruvāca |
indra śr̥ṇu pravakṣyāmi kavacaṁ paramādbhutam |
yaddhr̥tvā munayaḥ pūtā jīvanmuktāśca bhāratē || 1 ||
kavacaṁ bibhratō vyādhirna bhiyā:’:’yāti sannidhim |
yathā dr̥ṣṭvā vainatēyaṁ palāyantē bhujaṅgamāḥ || 2 ||
śuddhāya gurubhaktāya svaśiṣyāya prakāśayēt |
khalāya paraśiṣyāya dattvā mr̥tyumavāpnuyāt || 3 ||
jagadvilakṣaṇasyāsya kavacasya prajāpatiḥ |
r̥ṣiśchandaśca gāyatrī dēvō dinakaraḥ svayam || 4 ||
vyādhipraṇāśē saundaryē viniyōgaḥ prakīrtitaḥ |
sadyō rōgaharaṁ sāraṁ sarvapāpapraṇāśanam || 5 ||
ōṁ klīṁ hrīṁ śrīṁ śrīsūryāya svāhā mē pātu mastakam |
aṣṭādaśākṣarō mantraḥ kapālaṁ mē sadā:’vatu || 6 ||
ōṁ hrīṁ hrīṁ śrīṁ śrīṁ sūryāya svāhā mē pātu nāsikām |
cakṣurmē pātu sūryaśca tārakaṁ ca vikartanaḥ || 7 ||
bhāskarō mē:’dharaṁ pātu dantān dinakaraḥ sadā |
pracaṇḍaḥ pātu gaṇḍaṁ mē mārtāṇḍaḥ karṇamēva ca |
mihiraśca sadā skandhē jaṅghē pūṣā sadā:’vatu || 8 ||
vakṣaḥ pātu raviḥ śaśvannābhiṁ sūryaḥ svayaṁ sadā |
kaṅkālaṁ mē sadā pātu sarvadēvanamaskr̥taḥ || 9 ||
karṇau pātu sadā bradhnaḥ pātu pādau prabhākaraḥ |
vibhākarō mē sarvāṅgaṁ pātu santatamīśvaraḥ || 10 ||
iti tē kathitaṁ vatsa kavacaṁ sumanōharam |
jagadvilakṣaṇaṁ nāma trijagatsu sudurlabham || 11 ||
purā dattaṁ ca manavē pulastyēna tu puṣkarē |
mayā dattaṁ ca tubhyaṁ tadyasmai kasmai na dēhi bhōḥ || 12 ||
vyādhitō mucyasē tvaṁ ca kavacasya prasādataḥ |
bhavānarōgī śrīmāṁśca bhaviṣyati na saṁśayaḥ || 13 ||
lakṣavarṣahaviṣyēṇa yatphalaṁ labhatē naraḥ |
tatphalaṁ labhatē nūnaṁ kavacasyāsya dhāraṇāt || 14 ||
idaṁ kavacamajñātvā yō mūḍhō bhāskaraṁ yajēt |
daśalakṣaprajaptō:’pi mantrasiddhirna jāyatē || 15 ||
iti śrībrahmavaivartē mahāpurāṇē gaṇapatikhaṇḍē ēkōnaviṁśō:’dhyāyē br̥haspati kr̥ta śrī sūrya kavacam |
Found a Mistake or Error? Report it Now
