जय दीनदयाळा – सत्यनारायणाची आरती PDF मराठी

जय दीनदयाळा – सत्यनारायणाची आरती मराठी Lyrics

जय दीनदयाळा ही भगवान सत्यनारायणाची अत्यंत लोकप्रिय आणि भावपूर्ण आरती आहे. सत्यनारायणाची पूजा संपन्न झाल्यावर ही आरती श्रद्धापूर्वक गायली जाते. यामध्ये प्रभू विष्णूंच्या महिमेचे वर्णन असून, भक्तांच्या संकटांचे निवारण करणारा आणि त्यांना सुख-समृद्धी देणारा हा दिव्य मंत्र मानला जातो. या आरतीच्या शब्दांतून ईश्वराप्रती असलेली भक्ती आणि शरणागती व्यक्त होते, ज्यामुळे मनाला शांती मिळते.

जर तुम्हाला ही आरती शुद्ध स्वरूपात आणि सुवाच्य अक्षरात हवी असेल, तर “Jai Dindayala -Satyanarayanachi Aarti Marathi PDF” आमच्या वेबसाईटवरून डाउनलोड करा. ही पीडीएफ फाईल तुमच्या पूजाविधीसाठी अत्यंत उपयुक्त ठरेल.

|| जय दीनदयाळा – सत्यनारायणाची आरती (Jai Dindayala -Satyanarayanachi Aarti Marathi PDF) ||

जय जय दीनदयाळा सत्यनारायण देवा ॥
पंचारति ओवाळू श्रीपति तुज भक्तिभावा ॥

विधियुक्त पूजुनी करिती पुराण श्रवण ॥
परिमलद्रव्यांसहित पुष्पमाळा अर्पून ॥
घृतयुक्तशर्करामिश्रित गोधूमचूर्ण ॥
प्रसाद भक्षण करितां तूं त्यां प्रसन्न नारायण ॥

जय दीनदयाळा सत्यनारायण देवा…

शतानंदे विप्रं पूर्वी व्रत हें आचरिलें ॥
दरिद्र दवडुनि अंतीं त्यातें मोक्षपदा नेलें ॥
त्यापासुनि हैं व्रत या कलियुगीं सकळां श्रुत झालें ॥
भावार्थे पूजितां सर्वां इच्छित लाधलें ॥

जय दीनदयाळा सत्यनारायण देवा…

साधुवैश्यें संततिसाठीं तुजला प्रार्थियलें ॥
इच्छित पुरतां मदांध होऊनि व्रत न आचरिलें ॥
त्या पापानें संकटिं पडुनी दुःखहि भोगीलें ॥
स्मृति होउनि आचरितां व्रत त्या तुवांचि उ‌द्दिलें ॥

जय दीनदयाळा सत्यनारायण देवा…

प्रसाद विसरुनि पतिभेटीला कलावती गेली ॥
क्षोभ तुझा होतांचि तयाची नौका बुडाली ॥
अंगध्वजरायासी यापरि दुःखस्थिति आली ॥
मृतवार्ता शतपुत्रांची सत्वर कर्णी परिसीली ॥

जय दीनदयाळा सत्यनारायण देवा…

पुनरपि पूजुनि प्रसाद ग्रहण करितां तत्क्षणीं ॥
पतिची नौका तरली देखे कलावती नयनीं ॥
अंगध्वजरायासी पुत्र भेटति येऊनि ॥
ऐसा भक्तां संकटिं पावसी तूं चक्रपाणी ॥

जय दीनदयाळा सत्यनारायण देवा…

अनन्यभावें पूजुनि हैं व्रत जेजन आचरती ॥
इच्छित पुरविसि त्यांतें देउनि संतति संपत्ति ॥
संहरसी भवदुरितें सर्वहि बंधने तुटती ॥
राजा रंका समान मानुनि पावसि श्रीपती ॥

जय दीनदयाळा सत्यनारायण देवा…

ऐसा तव व्रतमहिमा अपार वर्णं मी कैसा ।
भक्तिपुरःसर आचरती त्यां पावसि जगदीशा ।
भक्तांचा कनवाळू कल्पद्रुम तूं सर्वेशा ॥
मोरेश्वरसुत वासुदेव तुज विनवी भवनाशा ॥

जय दीनदयाळा सत्यनारायण देवा…