కృష్ణ చౌరాష్టకం PDF తెలుగు

Download PDF of Krishna Chaurastakam Stotram Telugu

వ్రజే ప్రసిద్ధం నవనీతచౌరం
గోపాంగనానాం చ దుకూలచౌరం .

అనేకజన్మార్జితపాపచౌరం
చౌరాగ్రగణ్యం పురుషం నమామి ..

శ్రీరాధికాయా హృదయస్య చౌరం
నవాంబుదశ్యామలకాంతిచౌరం .

పదాశ్రితానాం చ సమస్తచౌరం
చౌరాగ్రగణ్యం పురుషం నమామి ..

అకించనీకృత్య పదాశ్రితం యః
కరోతి భిక్షుం పథి గేహహీనం .

కేనాప్యహో భీషణచౌర ఈదృగ్-
దృష్టః శ్రుతో వా న జగత్త్రయేఽపి ..

యదీయ నామాపి హరత్యశేషం
గిరిప్రసారాన్ అపి పాపరాశీన్ .

ఆశ్చర్యరూపో నను చౌర ఈదృగ్
దృష్టః శ్రుతో వా న మయా కదాపి ..

ధనం చ మానం చ తథేంద్రియాణి
ప్రాణాంశ్చ హృత్వా మమ సర్వమేవ .

పలాయసే కుత్ర ధృతోఽద్య చౌర
త్వం భక్తిదామ్నాసి మయా నిరుద్ధః ..

ఛినత్సి ఘోరం యమపాశబంధం
భినత్సి భీమం భవపాశబంధం .

ఛినత్సి సర్వస్య సమస్తబంధం
నైవాత్మనో భక్తకృతం తు బంధం ..

మన్మానసే తామసరాశిఘోరే
కారాగృహే దుఃఖమయే నిబద్ధః .

లభస్వ హే చౌర హరే చిరాయ
స్వచౌర్యదోషోచితమేవ దండం ..

కారాగృహే వస సదా హృదయే మదీయే
మద్భక్తిపాశదృఢబంధననిశ్చలః సన్ .

త్వాం కృష్ణ హే ప్రలయకోటిశతాంతరేఽపి
సర్వస్వచౌర హృదయాన్ న హి మోచయామి ..

READ WITHOUT DOWNLOAD
కృష్ణ చౌరాష్టకం

Download this PDF