ശ്രീ കൃഷ്ണ കവചം

|| ശ്രീ കൃഷ്ണ കവചം ||

പ്രണമ്യ ദേവം വിപ്രേശം പ്രണമ്യ ച സരസ്വതീം |
പ്രണമ്യ ച മുനീൻ സർവാൻ സർവശാസ്ത്രവിശാരദാൻ || 1||

ശ്രീകൃഷ്ണകവചം വക്ഷ്യേ ശ്രീകീർതിവിജയപ്രദം |
കാന്താരേ പഥി ദുർഗേ ച സദാ രക്ഷാകരം നൃണാം || 2||

സ്മൃത്വാ നീലാംബുദശ്യാമം നീലകുഞ്ചിതകുന്തലം |
ബർഹിപിഞ്ഛലസന്മൗലിം ശരച്ചന്ദ്രനിഭാനനം || 3||

രാജീവലോചനം രാജദ്വേണുനാ ഭൂഷിതാധരം |
ദീർഘപീനമഹാബാഹും ശ്രീവത്സാങ്കിതവക്ഷസം || 4||

ഭൂഭാരഹരണോദ്യുക്തം കൃഷ്ണം ഗീർവാണവന്ദിതം |
നിഷ്കലം ദേവദേവേശം നാരദാദിഭിരർചിതം || 5||

നാരായണം ജഗന്നാഥം മന്ദസ്മിതവിരാജിതം |
ജപേദേവമിമം ഭക്ത്യാ മന്ത്രം സർവാർഥസിദ്ധയേ || 6||

സരർവദോഷഹരം പുണ്യം സകലവ്യാധിനാശനം |
വസുദേവസുതഃ പാതു മൂർധാനം മമ സരർവദാ || 7||

ലലാടം ദേവകീസൂനുഃ ഭ്രൂയുഗ്മം നന്ദനന്ദനഃ |
നയനൗ പൂതനാഹന്താ നാസാം ശകടമർദ്ദനഃ || 8||

യമലാർജുനഹൃത്കർണൗകി കപോലൗ നഗമർദ്ദനഃ |
ദന്താൻ ഗോപാലകഃ പോതു ജിഹ്വാം ഹയ്യംഗവീനഭുക് || 9||

ഓഷ്ഠം ധേനുകജിത്പായാദധരം കേശിനാശനഃ |
ചിബുകം പാതു ഗോവിന്ദോ ബലദേവാനുജോ മുഖം || 10||

അക്രൂരസഹിതഃ കണ്ഠം കക്ഷൗ ദന്തിവരാന്തകഃ |
ഭുജൗ ചാണൂരഹാരിർമേ കരൗ കംസനിഷൂദനഃ || 11||

വക്ഷോ ലക്ഷ്മീപതിഃ പാതു ഹൃദയം ജഗദീശ്വരഃ |
ഉദരം മധുരാനാഥോ നാഭിം ദ്വാരവതീപതിഃ || 12||

രുഗ്മിണീവല്ലഭഃ പൃഷ്ഠം ജഘനം ശിശുപാലഹാ |
ഊരൂ പാണ്ഡവദൂതോ മേ ജാനുനീ പാർഥസാരഥിഃ || 13||

വിശ്വരൂപധരോ ജംഘേ പ്രപദേ ഭൂമിഭാരഹൃത് |
ചരണൗ യാദവഃ പാതു പാതു വിഘ്നോഽഖിലം വപുഃ || 14||

ദിവാ പായാജ്ജഗന്നാഥോ രാത്രൗ നാരായണഃ സ്വയം |
സരർവകാലമുപാസീരിസ്സർവകാമാർഥസിദ്ധയേ || 15||

ഇദം കൃഷ്ണബലോപേതം യഃ പഠേത് കവചം നരഃ |
സർവദാഽഽർതിഭയാന്മുക്തഃ കൃഷ്ണഭക്തിം സമാപ്നുയാത് || 16||

ഇതി ശ്രീകൃഷ്ണകവചം സമ്പൂർണം |

Found a Mistake or Error? Report it Now