|| শ্রী কৃষ্ণ স্তুতি ||
বংশীবাদনমেব যস্য সুরুচিঙ্গোচারণং তৎপরং
বৃন্দারণ্যবিহারণার্থ গমনং গোবংশ সঙ্ঘাবৃতম্ ।
নানাবৃক্ষ লতাদিগুল্মষু শুভং লীলাবিলাশং কৃতং
তং বন্দে যদুনন্দনং প্রতিদিনং ভক্তান্ সুশান্তিপ্রদম্ ॥
একস্মিন্ সময়ে সুচারূ মুরলীং সংবাদয়ন্তং জনান্
স্বানন্দৈকরসেন পূর্ণজগতিং বংশীরবম্পায়যন্ ।
সুস্বাদুসুধয়া তরঙ্গ সকললোকেষু বিস্তারয়ন্
তং বন্দে যদুনন্দনং প্রতিদিনং স্বানন্দ শান্তি প্রদম্ ॥
বর্হাপীড সুশোভিতঞ্চ শিরসি নৃত্যঙ্করং সুন্দরং
ওঁকারৈকসমানরূপমধুরং বক্ষস্থলেমালিকাম্ ।
রূপং শ্যামধরং হিরণ্যপরিধিং ধত্তেকরেকঙ্কণং
তং বন্দে যদুনন্দনং প্রতিদিনং বিজ্ঞানদঞ্জ্ঞানদম্ ॥
যা বংশী শিবরূপকঞ্চ সুমুখে সংয়োজ্য ফুৎকারয়ন্
ব্রহ্মা যষ্টি স্বরূপকং করতলে শোভাকরং সুন্দরম্ ।
ইন্দ্রোঽপি শুভরূপশৃঙ্গমভবৎ শ্রীকৃষ্ণসেবারতঃ
বেদস্য সুঋচাঽপি ধেনু-অভবন্ দেব্যস্তু গোপীজনাঃ ।
তং বন্দে যদুনন্দনং প্রতিদিনমানন্দদানেরতম্ ॥
কালীয়দমনং সুচারূ গমনং লীলাবিলাসং সদা
নৃত্যন্তমতিসুন্দরং রুচিকরং বর্হাবতংশন্ধরম্ ।
পশ্যন্তংরুচিরং সুহাসমধুরং ভালংঽলকৈর্শোভিতং
তং কৃষ্ণং প্রণমামি নিত্যমনিশং নির্বাণ শান্তিপ্রদম্ ॥
শ্যামং কান্তিয়ুতং সুকোমল তনুং নৃত্যং শিবং সুন্দরং
নানা রত্নধরং সুবক্ষসি সদা কট্যাং শুভাং শৃঙ্খলাম্ ।
পীতং বস্ত্রধরং নিতম্ববিমলে তং শ্যামলং কোমলং
বন্দেঽহং সততং হি নন্দতনয়ং শ্রীবালকৃষ্ণং হরিম্ ॥ ৬॥
রাধা মাধব রাসগোষ্ঠি বিপুলং কৃত্বা চ বৃন্দাবনে
নানা গোপশিমন্তিনী সখিজনাঃ নৃত্যন্তি রাসোৎসুকাঃ ।
নানা ছন্দ রসাঽনুভূতিমধুরং গায়ন্তি স্বানন্দদম্
তং বন্দে যদুনন্দনং প্রতিদিনং ভৃত্যান্ সদাশান্তিদম্ ॥ ৭॥
সমাকর্ষয়ন্তং কৃপাবর্ষয়ন্তং ভবভীতলোকং সুশান্তি প্রদন্তম্ ।
সদানন্দ সিন্ধৌ নিমগ্নং রমন্তং সমাস্বাসয়ন্তং ভবামীতলোকম্ ।
সদাবোধয়ন্তং সুধাদানশীলং নমামি সদা ত্বাং কৃপাসিন্ধুদেবম্ ॥ ৮॥
ইতি শ্রী স্বামী উমেশ্বরানন্দতীর্থবিরচিতং শ্রীকৃষ্ণস্তুতি সম্পূর্ণম্ ।
Read in More Languages:- sanskritश्रीकृष्णस्तुतिर्मङ्गलम्
- sanskritश्रीकृष्णस्तुतिः सङ्कीर्णा
- sanskritश्रीशुकप्रोक्ता श्रीकृष्णस्तुतिः
- sanskritश्रीकृष्णस्तुतिःब्रह्म
- sanskritब्रह्मणा कृता श्रीकृष्णस्तुतिः
- sanskritश्रीकृष्णस्तुतिःदेव
- sanskritकृष्णस्तुतिःजीव
- sanskritश्रीकृष्णस्तुतिःगुह्यक
- sanskritश्रीकृष्णस्तुतिःकुन्ती
- sanskritइन्द्रकृता श्रीकृष्णस्तुतिः
- sanskritदेवकीकृतं श्रीकृष्णस्तोत्रम् कृष्णजन्मस्तुतिः
- assameseশ্ৰী কৃষ্ণ স্তুতি
- gujaratiશ્રી કૃષ્ણ સ્તુતિ
- punjabiਸ਼੍ਰੀ ਕ੍ਰੁਸ਼਼੍ਣ ਸ੍ਤੁਤਿ
- teluguశ్రీ కృష్ణ స్తుతి
Found a Mistake or Error? Report it Now
