ശ്രീ കൃഷ്ണ സ്തുതി

|| ശ്രീ കൃഷ്ണ സ്തുതി ||

വംശീവാദനമേവ യസ്യ സുരുചിംഗോചാരണം തത്പരം
വൃന്ദാരണ്യവിഹാരണാർഥ ഗമനം ഗോവംശ സംഘാവൃതം .
നാനാവൃക്ഷ ലതാദിഗുല്മഷു ശുഭം ലീലാവിലാശം കൃതം
തം വന്ദേ യദുനന്ദനം പ്രതിദിനം ഭക്താൻ സുശാന്തിപ്രദം ..

ഏകസ്മിൻ സമയേ സുചാരൂ മുരലീം സംവാദയന്തം ജനാൻ
സ്വാനന്ദൈകരസേന പൂർണജഗതിം വംശീരവമ്പായയൻ .
സുസ്വാദുസുധയാ തരംഗ സകലലോകേഷു വിസ്താരയൻ
തം വന്ദേ യദുനന്ദനം പ്രതിദിനം സ്വാനന്ദ ശാന്തി പ്രദം ..

വർഹാപീഡ സുശോഭിതഞ്ച ശിരസി നൃത്യങ്കരം സുന്ദരം
ഓങ്കാരൈകസമാനരൂപമധുരം വക്ഷസ്ഥലേമാലികാം .
രൂപം ശ്യാമധരം ഹിരണ്യപരിധിം ധത്തേകരേകങ്കണം
തം വന്ദേ യദുനന്ദനം പ്രതിദിനം വിജ്ഞാനദഞ്ജ്ഞാനദം ..

യാ വംശീ ശിവരൂപകഞ്ച സുമുഖേ സംയോജ്യ ഫുത്കാരയൻ
ബ്രഹ്മാ യഷ്ടി സ്വരൂപകം കരതലേ ശോഭാകരം സുന്ദരം .
ഇന്ദ്രോഽപി ശുഭരൂപശൃംഗമഭവത് ശ്രീകൃഷ്ണസേവാരതഃ
വേദസ്യ സുഋചാഽപി ധേനു-അഭവൻ ദേവ്യസ്തു ഗോപീജനാഃ .
തം വന്ദേ യദുനന്ദനം പ്രതിദിനമാനന്ദദാനേരതം ..

കാലീയദമനം സുചാരൂ ഗമനം ലീലാവിലാസം സദാ
നൃത്യന്തമതിസുന്ദരം രുചികരം വർഹാവതംശന്ധരം .
പശ്യന്തംരുചിരം സുഹാസമധുരം ഭാലംഽലകൈർശോഭിതം
തം കൃഷ്ണം പ്രണമാമി നിത്യമനിശം നിർവാണ ശാന്തിപ്രദം ..

ശ്യാമം കാന്തിയുതം സുകോമല തനും നൃത്യം ശിവം സുന്ദരം
നാനാ രത്നധരം സുവക്ഷസി സദാ കട്യാം ശുഭാം ശൃംഖലാം .
പീതം വസ്ത്രധരം നിതംബവിമലേ തം ശ്യാമലം കോമലം
വന്ദേഽഹം സതതം ഹി നന്ദതനയം ശ്രീവാലകൃഷ്ണം ഹരിം ..

രാധാ മാധവ രാസഗോഷ്ഠി വിപുലം കൃത്വാ ച വൃന്ദാവനേ
നാനാ ഗോപശിമന്തിനീ സഖിജനാഃ നൃത്യന്തി രാസോത്സുകാഃ .
നാനാ ഛന്ദ രസാഽനുഭൂതിമധുരം ഗായന്തി സ്വാനന്ദദം
തം വന്ദേ യദുനന്ദനം പ്രതിദിനം ഭൃത്യാൻ സദാശാന്തിദം ..

സമാകർഷയന്തം കൃപാവർഷയന്തം ഭവഭീതലോകം സുശാന്തി പ്രദന്തം .
സദാനന്ദ സിന്ധൗ നിമഗ്നം രമന്തം സമാസ്വാസയന്തം ഭവാമീതലോകം .
സദാബോധയന്തം സുധാദാനശീലം നമാമി സദാ ത്വാം കൃപാസിന്ധുദേവം ..

ഇതി ശ്രീ സ്വാമീ ഉമേശ്വരാനന്ദതീർഥവിരചിതം ശ്രീകൃഷ്ണസ്തുതി സമ്പൂർണം .

Read in More Languages:

• assameseশ্ৰী কৃষ্ণ স্তুতি
• gujaratiશ્રી કૃષ્ણ સ્તુતિ
• punjabiਸ਼੍ਰੀ ਕ੍ਰੁਸ਼਼੍ਣ ਸ੍ਤੁਤਿ
• bengaliশ্রী কৃষ্ণ স্তুতি
• teluguశ్రీ కృష్ణ స్తుతి
• sanskritश्री कृष्ण स्तुति
• odiaଶ୍ରୀ କୃଷ୍ଣ ସ୍ତୁତି
• tamilஶ்ரீ க்ருʼஷ்ண ஸ்துதி
• kannadaಶ್ರೀ ಕೃಷ್ಣ ಸ್ತುತಿ

Found a Mistake or Error? Report it Now