സരസ്വതീ അഷ്ടക സ്തോത്രം

|| സരസ്വതീ അഷ്ടക സ്തോത്രം ||

അമലാ വിശ്വവന്ദ്യാ സാ കമലാകരമാലിനീ.

വിമലാഭ്രനിഭാ വോഽവ്യാത്കമലാ യാ സരസ്വതീ.

വാർണസംസ്ഥാംഗരൂപാ യാ സ്വർണരത്നവിഭൂഷിതാ.

നിർണയാ ഭാരതീ ശ്വേതവർണാ വോഽവ്യാത്സരസ്വതീ.

വരദാഭയരുദ്രാക്ഷ- വരപുസ്തകധാരിണീ.

സരസാ സാ സരോജസ്ഥാ സാരാ വോഽവ്യാത്സരാസ്വതീ.

സുന്ദരീ സുമുഖീ പദ്മമന്ദിരാ മധുരാ ച സാ.

കുന്ദഭാസാ സദാ വോഽവ്യാദ്വന്ദിതാ യാ സരസ്വതീ.

രുദ്രാക്ഷലിപിതാ കുംഭമുദ്രാധൃത- കരാംബുജാ.

ഭദ്രാർഥദായിനീ സാവ്യാദ്ഭദ്രാബ്ജാക്ഷീ സരസ്വതീ.

രക്തകൗശേയരത്നാഢ്യാ വ്യക്തഭാഷണഭൂഷണാ.

ഭക്തഹൃത്പദ്മസംസ്ഥാ സാ ശക്താ വോഽവ്യാത്സരസ്വതീ.

ചതുർമുഖസ്യ ജായാ യാ ചതുർവേദസ്വരൂപിണീ.

ചതുർഭുജാ ച സാ വോഽവ്യാച്ചതുർവർഗാ സരസ്വതീ.

സർവലോകപ്രപൂജ്യാ യാ പർവചന്ദ്രനിഭാനനാ.

സർവജിഹ്വാഗ്രസംസ്ഥാ സാ സദാ വോഽവ്യാത്സരസ്വതീ.

സരസ്വത്യഷ്ടകം നിത്യം സകൃത്പ്രാതർജപേന്നരഃ.

അജ്ഞൈർവിമുച്യതേ സോഽയം പ്രാജ്ഞൈരിഷ്ടശ്ച ലഭ്യതേ.

 

Found a Mistake or Error? Report it Now