|| শ্ৰী সৰস্ৱতী স্তোত্ৰম্ ||
ৰৱিৰুদ্ৰপিতামহৱিষ্ণুনুতং
হৰিচন্দনকুঙ্কুমপঙ্কয়ুতম্
মুনিৱৃন্দগজেন্দ্ৰসমানয়ুতং
তৱ নৌমি সৰস্ৱতি পাদয়ুগম্ ॥
শশিশুদ্ধসুধাহিমধাময়ুতং
শৰদম্বৰবিম্বসমানকৰম্ ।
বহুৰত্নমনোহৰকান্তিয়ুতং
তৱ নৌমি সৰস্ৱতি পাদয়ুগম্ ॥
কনকাব্জৱিভূষিতভূতিভৱং
ভৱভাৱৱিভাৱিতভিন্নপদম্ ।
প্ৰভুচিত্তসমাহিতসাধুপদং
তৱ নৌমি সৰস্ৱতি পাদয়ুগম্ ॥
ভৱসাগৰমজ্জনভীতিনুতং
প্ৰতিপাদিতসন্ততিকাৰমিদম্ ।
ৱিমলাদিকশুদ্ধৱিশুদ্ধপদং
তৱ নৌমি সৰস্ৱতি পাদয়ুগম্ ॥
মতিহীনজনাশ্ৰয়পাৰমিদং
সকলাগমভাষিতভিন্নপদম্ ।
পৰিপূৰিতৱিশ্ৱমনেকভৱং
তৱ নৌমি সৰস্ৱতি পাদয়ুগম্ ॥
পৰিপূৰ্ণমনোৰথধামনিধিং
পৰমাৰ্থৱিচাৰৱিৱেকৱিধিম্ ।
সুৰয়োষিতসেৱিতপাদতলং
তৱ নৌমি সৰস্ৱতি পাদয়ুগম্ ॥
সুৰমৌলিমণিদ্যুতিশুভ্ৰকৰং
ৱিষয়াদিমহাভয়ৱৰ্ণহৰম্ ।
নিজকান্তিৱিলোমিতচন্দ্ৰশিৱং
তৱ নৌমি সৰস্ৱতি পাদয়ুগম্ ॥
গুণনৈককুলং স্থিতিভীতিপদং
গুণগৌৰৱগৰ্ৱিতসত্যপদম্ ।
কমলোদৰকোমলপাদতলং
তৱ নৌমি সৰস্ৱতি পাদয়ুগম্ ॥
ইদং স্তৱং মহাপুণ্যং ব্ৰহ্মণা চ প্ৰকীৰ্তিতম্ ।
যঃ পঠেৎ প্ৰাতৰুত্থায় তস্য কণ্ঠে সৰস্ৱতী ॥
- hindiनील सरस्वती स्तोत्रम् अर्थ सहित
- bengaliশ্রী সরস্বতী স্তোত্রম্
- sanskritश्री सरस्वती स्तोत्रम्
- gujaratiશ્રી સરસ્વતી સ્તોત્રમ્
- odiaଶ୍ରୀ ସରସ୍ୱତୀ ସ୍ତୋତ୍ରମ୍
- punjabiਸ਼੍ਰੀ ਸਰਸ੍ਵਤੀ ਸ੍ਤੋਤ੍ਰਮ੍
- tamilஶ்ரீ ஸரஸ்வதீ ஸ்தோத்ரம்
- teluguశ్రీ సరస్వతీ స్తోత్రం
- kannadaಶ್ರೀ ಸರಸ್ವತೀ ಸ್ತೋತ್ರಂ
- malayalamശ്രീ സരസ്വതീ സ്തോത്രം
- sanskritसरस्वत्यष्टोत्तरशत नामस्तोत्रम्
Found a Mistake or Error? Report it Now
