|| ശ്രീ സരസ്വതീ സ്തോത്രം ||
രവിരുദ്രപിതാമഹവിഷ്ണുനുതം
ഹരിചന്ദനകുങ്കുമപങ്കയുതം
മുനിവൃന്ദഗജേന്ദ്രസമാനയുതം
തവ നൗമി സരസ്വതി പാദയുഗം ..
ശശിശുദ്ധസുധാഹിമധാമയുതം
ശരദംബരബിംബസമാനകരം .
ബഹുരത്നമനോഹരകാന്തിയുതം
തവ നൗമി സരസ്വതി പാദയുഗം ..
കനകാബ്ജവിഭൂഷിതഭൂതിഭവം
ഭവഭാവവിഭാവിതഭിന്നപദം .
പ്രഭുചിത്തസമാഹിതസാധുപദം
തവ നൗമി സരസ്വതി പാദയുഗം ..
ഭവസാഗരമജ്ജനഭീതിനുതം
പ്രതിപാദിതസന്തതികാരമിദം .
വിമലാദികശുദ്ധവിശുദ്ധപദം
തവ നൗമി സരസ്വതി പാദയുഗം ..
മതിഹീനജനാശ്രയപാരമിദം
സകലാഗമഭാഷിതഭിന്നപദം .
പരിപൂരിതവിശ്വമനേകഭവം
തവ നൗമി സരസ്വതി പാദയുഗം ..
പരിപൂർണമനോരഥധാമനിധിം
പരമാർഥവിചാരവിവേകവിധിം .
സുരയോഷിതസേവിതപാദതലം
തവ നൗമി സരസ്വതി പാദയുഗം ..
സുരമൗലിമണിദ്യുതിശുഭ്രകരം
വിഷയാദിമഹാഭയവർണഹരം .
നിജകാന്തിവിലോമിതചന്ദ്രശിവം
തവ നൗമി സരസ്വതി പാദയുഗം ..
ഗുണനൈകകുലം സ്ഥിതിഭീതിപദം
ഗുണഗൗരവഗർവിതസത്യപദം .
കമലോദരകോമലപാദതലം
തവ നൗമി സരസ്വതി പാദയുഗം ..
ഇദം സ്തവം മഹാപുണ്യം ബ്രഹ്മണാ ച പ്രകീർതിതം .
യഃ പഠേത് പ്രാതരുത്ഥായ തസ്യ കണ്ഠേ സരസ്വതീ ..
- sanskritश्री सरस्वती स्तोत्रम्
- gujaratiશ્રી સરસ્વતી સ્તોત્રમ્
- odiaଶ୍ରୀ ସରସ୍ୱତୀ ସ୍ତୋତ୍ରମ୍
- punjabiਸ਼੍ਰੀ ਸਰਸ੍ਵਤੀ ਸ੍ਤੋਤ੍ਰਮ੍
- tamilஶ்ரீ ஸரஸ்வதீ ஸ்தோத்ரம்
- bengaliশ্রী সরস্বতী স্তোত্রম্
- teluguశ్రీ సరస్వతీ స్తోత్రం
- assameseশ্ৰী সৰস্ৱতী স্তোত্ৰম্
- kannadaಶ್ರೀ ಸರಸ್ವತೀ ಸ್ತೋತ್ರಂ
- sanskritसरस्वत्यष्टोत्तरशत नामस्तोत्रम्
Found a Mistake or Error? Report it Now
