శ్రీ సరస్వతీ స్తోత్రం PDF తెలుగు

Download PDF of Saraswati Stotram Telugu

రవిరుద్రపితామహవిష్ణునుతం
హరిచందనకుంకుమపంకయుతం
మునివృందగజేంద్రసమానయుతం
తవ నౌమి సరస్వతి పాదయుగం ..

శశిశుద్ధసుధాహిమధామయుతం
శరదంబరబింబసమానకరం .
బహురత్నమనోహరకాంతియుతం
తవ నౌమి సరస్వతి పాదయుగం ..

కనకాబ్జవిభూషితభూతిభవం
భవభావవిభావితభిన్నపదం .
ప్రభుచిత్తసమాహితసాధుపదం
తవ నౌమి సరస్వతి పాదయుగం ..

భవసాగరమజ్జనభీతినుతం
ప్రతిపాదితసంతతికారమిదం .
విమలాదికశుద్ధవిశుద్ధపదం
తవ నౌమి సరస్వతి పాదయుగం ..

మతిహీనజనాశ్రయపారమిదం
సకలాగమభాషితభిన్నపదం .
పరిపూరితవిశ్వమనేకభవం
తవ నౌమి సరస్వతి పాదయుగం ..

పరిపూర్ణమనోరథధామనిధిం
పరమార్థవిచారవివేకవిధిం .
సురయోషితసేవితపాదతలం
తవ నౌమి సరస్వతి పాదయుగం ..

సురమౌలిమణిద్యుతిశుభ్రకరం
విషయాదిమహాభయవర్ణహరం .
నిజకాంతివిలోమితచంద్రశివం
తవ నౌమి సరస్వతి పాదయుగం ..

గుణనైకకులం స్థితిభీతిపదం
గుణగౌరవగర్వితసత్యపదం .
కమలోదరకోమలపాదతలం
తవ నౌమి సరస్వతి పాదయుగం ..

ఇదం స్తవం మహాపుణ్యం బ్రహ్మణా చ ప్రకీర్తితం .
యః పఠేత్ ప్రాతరుత్థాయ తస్య కంఠే సరస్వతీ ..

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
శ్రీ సరస్వతీ స్తోత్రం

Download this PDF