శాంతి స్తోత్రం PDF తెలుగు

శాంతి స్తోత్రం తెలుగు Lyrics

|| శాంతి స్తోత్రం (Shanti Stotram Telugu PDF) ||

నశ్యంతు ప్రేతకూష్మాండా
నశ్యంతు దూషకా నరాః .
సాధకానాం శివాః సంతు
స్వామ్నాయపరిపాలనం ..

నందంతు మాతరః సర్వా
జయంతు యోగినీగణాః .
జయంతు సిద్ధా డాకిన్యో
జయంతు గురూశక్తయః ..

నందంతు హ్యణిమాద్యాశ్చ
నందంతు గుహ్యకాదయః .
నందంతు భైరవాః సర్వే
సిద్ధవిద్యాధరాదయః ..

యే చామ్నాయవిశుద్ధాశ్చ
మంత్రిణః శుద్ధబుద్ధయః .
సర్వదా నందయానందం
నందంతు కులపాలకాః ..

ఇంద్రాద్యాస్తర్పితాః సంతు
తృప్యంతు వాస్తుదేవతాః .
చంద్రసూర్యాదయో
దేవాస్తృప్యంతు గురూభక్తితః ..

నక్షత్రాణి గ్రహా యోగాః
కరణాద్యాస్తథాపరే .
తే సర్వే సుఖినో యాంతు
మాసాశ్చ తిథయస్తథా ..

తృప్యంతు పితరః సర్వే
ఋతవో సంవత్సరాదయః .
ఖేచరా భూచరాశ్చైవ
తృప్యంతు మమ భక్తితః ..

అంతరిక్షచరా ఘోరా యే
చాన్యే దేవయోనయః .
సర్వే తు సుఖినో యాంతు
సర్వా నద్యశ్చ పక్షిణః ..

పర్వతాః సుఖినః సంతు
తథా తత్కందరా గుహాః .
ఋషయో బ్రాహ్మణాః సర్వే
శాంతిం కుర్వంతు మే సదా ..

తీర్థాని పశవో గావో
యాశ్చాన్యాః పుణ్యభూమయః .
వృద్ధాః పతివ్రతా నార్యః
శివం కుర్వంతు మే సదా ..

శివం సర్వత్ర మే
చాస్తు పుత్రదారధనాదిషు .
రాజానః సుఖినః సంతు
క్షేమమార్గే తు మే సదా ..

శుభా మే దివసా యాంతు
శివాస్తిష్ఠంతు మే శివాః .
ద్వేష్టారః సాధకానాం చ
సదైవామ్నాయదూషకాః ..

డాకినీనాం ముఖే యాంతు
తృప్తాతృప్తాశ్చ తేషు తాః .
శత్రవో నాశమాయాంతు
మమ నిందాకరాః సదా ..

యే నిందకా తే విపదం ప్రయాంతు
యే సాధకాస్తే ప్రభవంతు సిద్ధాః .
యే సర్వవీరాః కరుణావలోకాత్పునః
పురాత్మన్మమ సన్నిధత్స్వ ..

ఇతి శ్రీరుద్రయామలే శాంతిస్తోత్రం సంపూర్ణం .