శివ రక్షా స్తోత్రం

|| శివ రక్షా స్తోత్రం ||

ఓం అస్య శ్రీశివరక్షాస్తోత్రమంత్రస్య. యాజ్ఞవల్క్య-ఋషిః. శ్రీసదాశివో దేవతా.

అనుష్టుప్ ఛందః. శ్రీసదాశివప్రీత్యర్థే శివరక్షాస్తోత్రజపే వినియోగః.

చరితం దేవదేవస్య మహాదేవస్య పావనం.

అపారం పరమోదారం చతుర్వర్గస్య సాధనం.

గౌరీవినాయకోపేతం పంచవక్త్రం త్రినేత్రకం.

శివం ధ్యాత్వా దశభుజం శివరక్షాం పఠేన్నరః.

గంగాధరః శిరః పాతు భాలమర్ధేందుశేఖరః.

నయనే మదనధ్వంసీ కర్ణౌ సర్పవిభూషణః.

ఘ్రాణం పాతు పురారాతిర్ముఖం పాతు జగత్పతిః.

జిహ్వాం వాగీశ్వరః పాతు కంధరాం శితికంధరః.

శ్రీకంఠః పాతు మే కంఠం స్కంధౌ విశ్వధురంధరః.

భుజౌ భూభారసంహర్తా కరౌ పాతు పినాకధృక్.

హృదయం శంకరః పాతు జఠరం గిరిజాపతిః.

నాభిం మృత్యుంజయః పాతు కటీ వ్యాఘ్రాజినాంబరః.

సక్థినీ పాతు దీనార్త్త- శరణాగతవత్సలః.

ఊరూ మహేశ్వరః పాతు జానునీ జగదీశ్వరః.

జంఘే పాతు జగత్కర్తా గుల్ఫౌ పాతు గణాధిపః.

చరణౌ కరుణాసింధుః సర్వాంగాని సదాశివః.

ఏతాం శివబలోపేతాం రక్షాం యః సుకృతీ పఠేత్.

స భుక్త్వా సకలాన్ కామాన్ శివసాయుజ్యమాప్నుయాత్.

గ్రహభూతపిశాచాద్యాస్త్రైలోక్యే విచరంతి యే.

దూరాదాశు పలాయంతే శివనామాభిరక్షణాత్.

అభయంకరనామేదం కవచం పార్వతీపతేః.

భక్త్యా బిభర్తి యః కంఠే తస్య వశ్యం జగత్త్రయం.

ఇమాం నారాయణః స్వప్నే శివరక్షాం యథాఽఽదిశత్.

ప్రాతరుత్థాయ యోగీంద్రో యాజ్ఞవల్క్యస్తథాఽలిఖత్.

Read in More Languages:

• sanskritदारिद्र्य दहन शिव स्तोत्रम्
• sanskritश्री त्रिपुरारि स्तोत्रम्
• sanskritअर्ध नारीश्वर स्तोत्रम्
• hindiश्री कालभैरवाष्टक स्तोत्रम् अर्थ सहित
• hindiश्री काशी विश्वनाथ मंगल स्तोत्रम्
• marathiशिवलीलामृत – अकरावा अध्याय 11
• malayalamശിവ രക്ഷാ സ്തോത്രം
• tamilசிவ ரக்ஷா ஸ்தோத்திரம்
• hindiश्री शिव तांडव स्तोत्रम्
• kannadaಶಿವ ರಕ್ಷಾ ಸ್ತೋತ್ರ
• hindiशिव रक्षा स्तोत्र
• malayalamശിവ പഞ്ചാക്ഷര നക്ഷത്രമാലാ സ്തോത്രം
• teluguశివ పంచాక్షర నక్షత్రమాలా స్తోత్రం
• tamilசிவா பஞ்சாக்ஷர நக்ஷத்ராமாலா ஸ்தோத்திரம்
• kannadaಶಿವ ಪಂಚಾಕ್ಷರ ನಕ್ಷತ್ರಮಾಲಾ ಸ್ತೋತ್ರ

Found a Mistake or Error? Report it Now