શ્રી ગણેશ પઞ્ચરત્ન સ્તોત્રમ્

|| શ્રી ગણેશ પઞ્ચરત્ન સ્તોત્રમ્ ||

શ્રીગણેશાય નમઃ ..

મુદાકરાત્તમોદકં સદાવિમુક્તિસાધકં
કલાધરાવતંસકં વિલાસિલોકરક્ષકમ્ .
અનાયકૈકનાયકં વિનાશિતેભદૈત્યકં
નતાશુભાશુનાશકં નમામિ તં વિનાયકમ્ ..

નતેતરાતિભીકરં નવોદિતાર્કભાસ્વરં
નમત્સુરારિનિર્જરં નતાધિકાપદુદ્ધરમ્ .
સુરેશ્વરં નિધીશ્વરં ગજેશ્વરં ગણેશ્વરં
મહેશ્વરં તમાશ્રયે પરાત્પરં નિરન્તરમ્ ..

સમસ્તલોકશઙ્કરં નિરસ્તદૈત્યકુઞ્જરં
દરેતરોદરં વરં વરેભવક્ત્રમક્ષરમ્ .
કૃપાકરં ક્ષમાકરં મુદાકરં યશસ્કરં
મનસ્કરં નમસ્કૃતાં નમસ્કરોમિ ભાસ્વરમ્ ..

અકિઞ્ચનાર્તિમાર્જનં ચિરન્તનોક્તિભાજનં
પુરારિપૂર્વનન્દનં સુરારિગર્વચર્વણમ્ .
પ્રપઞ્ચનાશભીષણં ધનઞ્જયાદિભૂષણં
કપોલદાનવારણં ભજે પુરાણવારણમ્ ..

નિતાન્તકાન્તદન્તકાન્તિમન્તકાન્તકાત્મજં
અચિન્ત્યરૂપમન્તહીનમન્તરાયકૃન્તનમ્ .
હૃદન્તરે નિરન્તરં વસન્તમેવ યોગિનાં
તમેકદન્તમેવ તં વિચિન્તયામિ સન્તતમ્ ..

મહાગણેશપઞ્ચરત્નમાદરેણ યોઽન્વહં
પ્રજલ્પતિ પ્રભાતકે હૃદિ સ્મરન્ ગણેશ્વરમ્ .
અરોગતામદોષતાં સુસાહિતીં સુપુત્રતાં
સમાહિતાયુરષ્ટભૂતિમભ્યુપૈતિ સોઽચિરાત્ ..

ઇતિ શ્રીશઙ્કરભગવતઃ કૃતૌ શ્રીગણેશપઞ્ચરત્નસ્તોત્રં સમ્પૂર્ણમ્ ..

Read in More Languages:

• hindiएकदंत गणेश स्तोत्रम्
• hindiश्री गणपति अथर्वशीर्ष स्तोत्रम हिन्दी पाठ अर्थ सहित (विधि – लाभ)
• marathiश्री गणपति अथर्वशीर्ष स्तोत्रम
• malayalamശ്രീ ഗണപതി അഥർവശീർഷ സ്തോത്രമ
• gujaratiશ્રી ગણપતિ અથર્વશીર્ષ સ્તોત્રમ
• tamilஶ்ரீ க³ணபதி அத²ர்வஶீர்ஷ ஸ்தோத்ரம
• odiaଶ୍ରୀ ଗଣପତି ଅଥର୍ୱଶୀର୍ଷ ସ୍ତୋତ୍ରମ
• punjabiਸ਼੍ਰੀ ਗਣਪਤਿ ਅਥਰ੍ਵਸ਼ੀਰ੍ਸ਼਼ ਸ੍ਤੋਤ੍ਰਮ
• assameseশ্ৰী গণপতি অথৰ্ৱশীৰ্ষ স্তোত্ৰম
• bengaliশ্রী গণপতি অথর্বশীর্ষ স্তোত্রম
• teluguశ్రీ గణపతి అథర్వశీర్ష స్తోత్రమ
• kannadaಶ್ರೀ ಗಣಪತಿ ಅಥರ್ವಶೀರ್ಷ ಸ್ತೋತ್ರಮ
• hindiसिद्धि विनायक स्तोत्र
• malayalamഗണപതി അപരാധ ക്ഷമാപണ സ്തോത്രം
• tamilகணபதி அபராத க்‌ஷமாபன ஸ்தோத்திரம்

Found a Mistake or Error? Report it Now