|| అగ్ని సూక్తం ||
అ॒గ్నిమీ॑ళే పు॒రోహి॑తం య॒జ్ఞస్య॑ దే॒వమృ॒త్విజ॑మ్ |
హోతా॑రం రత్న॒ధాత॑మమ్ || ౧
అ॒గ్నిః పూర్వే॑భి॒రృషి॑భి॒రీడ్యో॒ నూత॑నైరు॒త |
స దే॒వా|ణ్ ఏహ వ॑క్షతి || ౨
అ॒గ్నినా॑ ర॒యిమ॑శ్నవ॒త్పోష॑మే॒వ ది॒వేది॑వే |
య॒శస॑o వీ॒రవ॑త్తమమ్ || ౩
అగ్నే॒ యం య॒జ్ఞమ॑ధ్వ॒రం వి॒శ్వత॑: పరి॒భూరసి॑ |
స ఇద్దే॒వేషు॑ గచ్ఛతి || ౪
అ॒గ్నిర్హోతా॑ క॒విక్ర॑తుః స॒త్యశ్చి॒త్రశ్ర॑వస్తమః |
దే॒వో దే॒వేభి॒రా గ॑మత్ || ౫
యద॒ఙ్గ దా॒శుషే॒ త్వమగ్నే॑ భ॒ద్రం క॑రి॒ష్యసి॑ |
తవేత్తత్స॒త్యమ॑ఙ్గిరః || ౬
ఉప॑ త్వాగ్నే ది॒వేది॑వే॒ దోషా॑వస్తర్ధి॒యా వ॒యమ్ |
నమో॒ భర॑న్త॒ ఏమ॑సి || ౭
రాజ॑న్తమధ్వ॒రాణా॑o గో॒పామృ॒తస్య॒ దీది॑విమ్ |
వర్ధ॑మాన॒o స్వే దమే॑ || ౮
స న॑: పి॒తేవ॑ సూ॒నవేఽగ్నే॑ సూపాయ॒నో భ॑వ |
సచ॑స్వా నః స్వ॒స్తయే॑ || ౯
Found a Mistake or Error? Report it Now