|| बोडणाची आरती PDF ||
उग्र तूझे रूप तेज हे किती ।
शशी-सुधासम असे तव कांती ॥
अष्टभुजा अष्ट आयुधे हाती ।
करिसी रिपुसंहार भक्त वंदीति ॥ १ ॥
जय देवी जय देवी जय कुलस्वामिनी ।
आम्ही बहु अपराधी आलो तव चरणी ॥
पंचामृती तुज घालुनी स्नान ।
सर्व अलंकार सर्व भूषण ॥
नीलवर्ण वस्त्र करिसी परिधान ।
अंबे व्याघ्र तुजला आवडे वाहन ॥
जय देवी जय देवी जय…
नाकी तुझ्या नथ पायी पैंजण ।
जननी शक्ती आदिमाया तू पूर्ण ॥
धूप दीप कर्पूर करू आरतीला ।
पंचपक्वान्नांचा नैवेद्य तुला ॥
जय देवी जय देवी जय…
संसारतापाचे भय आम्हा भारी ।
कृपा करूनिया सर्व निवारी ॥
आमुचे मनोरथ पूर्ण तू करी ।
उमा तुझे दृढ चरण धरी ॥
जय देवी जय देवी जय…
Found a Mistake or Error? Report it Now
