শ্রী কৃষ্ণ কবচং

|| শ্রী কৃষ্ণ কবচং ||

ত্রৈলোক্য মংগল কবচম্

শ্রী নারদ উবাচ –
ভগবন্সর্বধর্মজ্ঞ কবচং যত্প্রকাশিতম্ ।
ত্রৈলোক্যমংগলং নাম কৃপযা কথয প্রভো ॥ 1 ॥

সনত্কুমার উবাচ –
শৃণু বক্ষ্যামি বিপ্রেংদ্র কবচং পরমাদ্ভুতম্ ।
নারাযণেন কথিতং কৃপযা ব্রহ্মণে পুরা ॥ 2 ॥

ব্রহ্মণা কথিতং মহ্যং পরং স্নেহাদ্বদামি তে ।
অতি গুহ্যতরং তত্ত্বং ব্রহ্মমংত্রৌঘবিগ্রহম্ ॥ 3 ॥

যদ্ধৃত্বা পঠনাদ্ব্রহ্মা সৃষ্টিং বিতনুতে ধ্রুবম্ ।
যদ্ধৃত্বা পঠনাত্পাতি মহালক্ষ্মীর্জগত্ত্রযম্ ॥ 4 ॥

পঠনাদ্ধারণাচ্ছংভুঃ সংহর্তা সর্বমংত্রবিত্ ।
ত্রৈলোক্যজননী দুর্গা মহিষাদিমহাসুরান্ ॥ 5 ॥

বরতৃপ্তান্ জঘানৈব পঠনাদ্ধারণাদ্যতঃ ।
এবমিংদ্রাদযঃ সর্বে সর্বৈশ্বর্যমবাপ্নুযুঃ ॥ 6 ॥

ইদং কবচমত্যংতগুপ্তং কুত্রাপি নো বদেত্ ।
শিষ্যায ভক্তিযুক্তায সাধকায প্রকাশযেত্ ॥ 7 ॥

শঠায পরশিষ্যায দত্বা মৃত্যুমবাপ্নুযাত্ ।
ত্রৈলোক্যমংগলস্যাঽস্য কবচস্য প্রজাপতিঃ ॥ 8 ॥

ঋষিশ্ছংদশ্চ গাযত্রী দেবো নারাযণস্স্বযম্ ।
ধর্মার্থকামমোক্ষেষু বিনিযোগঃ প্রকীর্তিতঃ ॥ 9 ॥

প্রণবো মে শিরঃ পাতু নমো নারাযণায চ ।
ফালং মে নেত্রযুগলমষ্টার্ণো ভুক্তিমুক্তিদঃ ॥ 10 ॥

ক্লীং পাযাচ্ছ্রোত্রযুগ্মং চৈকাক্ষরঃ সর্বমোহনঃ ।
ক্লীং কৃষ্ণায সদা ঘ্রাণং গোবিংদাযেতি জিহ্বিকাম্ ॥ 11 ॥

গোপীজনপদবল্লভায স্বাহাঽননং মম ।
অষ্টাদশাক্ষরো মংত্রঃ কংঠং পাতু দশাক্ষরঃ ॥ 12 ॥

গোপীজনপদবল্লভায স্বাহা ভুজদ্বযম্ ।
ক্লীং গ্লৌং ক্লীং শ্যামলাংগায নমঃ স্কংধৌ রক্ষাক্ষরঃ ॥ 13 ॥

ক্লীং কৃষ্ণঃ ক্লীং করৌ পাযাত্ ক্লীং কৃষ্ণাযাং গতোঽবতু ।
হৃদযং ভুবনেশানঃ ক্লীং কৃষ্ণঃ ক্লীং স্তনৌ মম ॥ 14 ॥

গোপালাযাগ্নিজাযাতং কুক্ষিযুগ্মং সদাঽবতু ।
ক্লীং কৃষ্ণায সদা পাতু পার্শ্বযুগ্মমনুত্তমঃ ॥ 15 ॥

কৃষ্ণ গোবিংদকৌ পাতু স্মরাদ্যৌজেযুতৌ মনুঃ ।
অষ্টাক্ষরঃ পাতু নাভিং কৃষ্ণেতি দ্ব্যক্ষরোঽবতু ॥ 16 ॥

পৃষ্ঠং ক্লীং কৃষ্ণকং গল্ল ক্লীং কৃষ্ণায দ্বিরাংতকঃ ।
সক্থিনী সততং পাতু শ্রীং হ্রীং ক্লীং কৃষ্ণঠদ্বযম্ ॥ 17 ॥

ঊরূ সপ্তাক্ষরং পাযাত্ ত্রযোদশাক্ষরোঽবতু ।
শ্রীং হ্রীং ক্লীং পদতো গোপীজনবল্লভপদং ততঃ ॥ 18 ॥

শ্রিযা স্বাহেতি পাযূ বৈ ক্লীং হ্রীং শ্রীং সদশার্ণকঃ ।
জানুনী চ সদা পাতু ক্লীং হ্রীং শ্রীং চ দশাক্ষরঃ ॥ 19 ॥

ত্রযোদশাক্ষরঃ পাতু জংঘে চক্রাদ্যুদাযুধঃ ।
অষ্টাদশাক্ষরো হ্রীং শ্রীং পূর্বকো বিংশদর্ণকঃ ॥ 20 ॥

সর্বাংগং মে সদা পাতু দ্বারকানাযকো বলী ।
নমো ভগবতে পশ্চাদ্বাসুদেবায তত্পরম্ ॥ 21 ॥

তারাদ্যো দ্বাদশার্ণোঽযং প্রাচ্যাং মাং সর্বদাঽবতু ।
শ্রীং হ্রীং ক্লীং চ দশার্ণস্তু ক্লীং হ্রীং শ্রীং ষোডশার্ণকঃ ॥ 22 ॥

গদাদ্যুদাযুধো বিষ্ণুর্মামগ্নের্দিশি রক্ষতু ।
হ্রীং শ্রীং দশাক্ষরো মংত্রো দক্ষিণে মাং সদাঽবতু ॥ 23 ॥

তারো নমো ভগবতে রুক্মিণীবল্লভায চ ।
স্বাহেতি ষোডশার্ণোঽযং নৈরৃত্যাং দিশি রক্ষতু ॥ 24 ॥

ক্লীং হৃষীকেশ বংশায নমো মাং বারুণোঽবতু ।
অষ্টাদশার্ণঃ কামাংতো বাযব্যে মাং সদাঽবতু ॥ 25 ॥

শ্রীং মাযাকামতৃষ্ণায গোবিংদায দ্বিকো মনুঃ ।
দ্বাদশার্ণাত্মকো বিষ্ণুরুত্তরে মাং সদাঽবতু ॥ 26 ॥

বাগ্ভবং কামকৃষ্ণায হ্রীং গোবিংদায তত্পরম্ ।
শ্রীং গোপীজনবল্লভায স্বাহা হস্তৌ ততঃ পরম্ ॥ 27 ॥

দ্বাবিংশত্যক্ষরো মংত্রো মামৈশান্যে সদাঽবতু ।
কালীযস্য ফণামধ্যে দিব্যং নৃত্যং করোতি তম্ ॥ 28 ॥

নমামি দেবকীপুত্রং নৃত্যরাজানমচ্যুতম্ ।
দ্বাত্রিংশদক্ষরো মংত্রোঽপ্যধো মাং সর্বদাঽবতু ॥ 29 ॥

কামদেবায বিদ্মহে পুষ্পবাণায ধীমহি ।
তন্নোঽনংগঃ প্রচোদযাদেষা মাং পাতুচোর্ধ্বতঃ ॥ 30 ॥

ইতি তে কথিতং বিপ্র ব্রহ্মমংত্রৌঘবিগ্রহম্ ।
ত্রৈলোক্যমংগলং নাম কবচং ব্রহ্মরূপকম্ ॥ 31 ॥

ব্রহ্মণা কথিতং পূর্বং নারাযণমুখাচ্ছ্রুতম্ ।
তব স্নেহান্মযাঽখ্যাতং প্রবক্তব্যং ন কস্যচিত্ ॥ 32 ॥

গুরুং প্রণম্য বিধিবত্কবচং প্রপঠেত্ততঃ ।
সকৃদ্দ্বিস্ত্রির্যথাজ্ঞানং স হি সর্বতপোমযঃ ॥ 33 ॥

মংত্রেষু সকলেষ্বেব দেশিকো নাত্র সংশযঃ ।
শতমষ্টোত্তরং চাস্য পুরশ্চর্যা বিধিস্স্মৃতঃ ॥ 34 ॥

হবনাদীংদশাংশেন কৃত্বা তত্সাধযেদ্ধ্রুবম্ ।
যদি স্যাত্সিদ্ধকবচো বিষ্ণুরেব ভবেত্স্বযম্ ॥ 35 ॥

মংত্রসিদ্ধির্ভবেত্তস্য পুরশ্চর্যা বিধানতঃ ।
স্পর্ধামুদ্ধূয সততং লক্ষ্মীর্বাণী বসেত্ততঃ ॥ 36 ॥

পুষ্পাংজল্যষ্টকং দত্বা মূলেনৈব পঠেত্সকৃত্ ।
দশবর্ষসহস্রাণি পূজাযাঃ ফলমাপ্নুযাত্ ॥ 37 ॥

ভূর্জে বিলিখ্য গুলিকাং স্বর্ণস্থাং ধারযেদ্যদি ।
কংঠে বা দক্ষিণে বাহৌ সোঽপি বিষ্ণুর্ন সংশযঃ ॥ 38 ॥

অশ্বমেধসহস্রাণি বাজপেযশতানি চ ।
মহাদানানি যান্যেব প্রাদক্ষিণ্যং ভুবস্তথা ॥ 39 ॥

কলাং নার্হংতি তান্যেব সকৃদুচ্চারণাত্ততঃ ।
কবচস্য প্রসাদেন জীবন্মুক্তো ভবেন্নরঃ ॥ 40 ॥

ত্রৈলোক্যং ক্ষোভযত্যেব ত্রৈলোক্যবিজযী স হি ।
ইদং কবচমজ্ঞাত্বা যজেদ্যঃ পুরুষোত্তমম্ ।
শতলক্ষপ্রজপ্তোঽপি ন মংত্রস্তস্য সিদ্ধ্যতি ॥ 41 ॥

ইতি শ্রী নারদপাংচরাত্রে জ্ঞানামৃতসারে ত্রৈলোক্যমংগলকবচম্ ।

Read in More Languages:

• teluguశ్రీ కృష్ణ కవచం
• sanskritकृष्ण कवचं
• odiaଶ୍ରୀ କୃଷ୍ଣ କଵଚଂ
• marathiकृष्ण कवचं
• kannadaಶ್ರೀ ಕೃಷ್ಣ ಕವಚಂ
• gujaratiકૃષ્ણ કવચં
• hindiश्री कृष्ण कवचम
• hindiश्री कृष्ण रक्षा कवचम्
• englishShri Krishna Nam Kavacham
• sanskritश्री कृष्ण नाम कवचम्

Found a Mistake or Error? Report it Now