|| Narayana ashtakshari stuti ||
ōṁ namaḥ praṇavārthārtha sthūlasūkṣma kṣarākṣara
vyaktāvyakta kalātīta ōṅkārāya namō namaḥ || 1 ||
namō dēvādidēvāya dēhasañcārahētavē
daityasaṅghavināśāya nakārāya namō namaḥ || 2 ||
mōhanaṁ viśvarūpaṁ ca śiṣṭācārasupōṣitam
mōhavidhvaṁsakaṁ vandē mōkārāya namō namaḥ || 3 ||
nārāyaṇāya navyāya narasiṁhāya nāminē
nādāya nādinē tubhyaṁ nākārāya namō namaḥ || 4 ||
rāmacandraṁ raghupatiṁ pitrājñāparipālakam
kausalyātanayaṁ vandē rākārāya namō namaḥ || 5 ||
yajñāya yajñagamyāya yajñarakṣākarāya ca
yajñāṅgarūpiṇē tubhyaṁ yakārāya namō namaḥ || 6 ||
ṇākāraṁ lōkavikhyātaṁ nānājanmaphalapradam
nānābhīṣṭapradaṁ vandē ṇākārāya namō namaḥ || 7 ||
yajñakartrē yajñabhartrē yajñarūpāya tē namaḥ
sujñānagōcarāyā:’stu yakārāya namō namaḥ || 8 ||
iti śrī nārāyaṇa aṣṭākṣarī stutiḥ |
Found a Mistake or Error? Report it Now
