শ্ৰী ৰাম হৃদয়ম্ PDF অসমীয়া

Download PDF of Ram Hridayam Assamese

ততো ৰামঃ স্ৱয়ং প্ৰাহ হনুমন্তমুপস্থিতম্ ।
শৃণু যত্ৱং প্ৰৱক্ষ্যামি হ্যাত্মানাত্মপৰাত্মনাম্ ॥

আকাশস্য যথা ভেদস্ত্ৰিৱিধো দৃশ্যতে মহান্ ।
জলাশয়ে মহাকাশস্তদৱচ্ছিন্ন এৱ হি ।
প্ৰতিবিম্বাখ্যমপৰং দৃশ্যতে ত্ৰিৱিধং নভঃ ॥

বুদ্ধ্যৱচ্ছিন্নচৈতন্যমেকং পূৰ্ণমথাপৰম্ ।
আভাসস্ত্ৱপৰং বিম্বভূতমেৱং ত্ৰিধা চিতিঃ ॥

সাভাসবুদ্ধেঃ কৰ্তৃত্ৱমৱিচ্ছিন্নেঽৱিকাৰিণি ।
সাক্ষিণ্যাৰোপ্যতে ভ্ৰান্ত্যা জীৱত্ৱং চ তথাঽবুধৈঃ ॥

আভাসস্তু মৃষাবুদ্ধিৰৱিদ্যাকাৰ্যমুচ্যতে ।
অৱিচ্ছিন্নং তু তদ্ব্ৰহ্ম ৱিচ্ছেদস্তু ৱিকল্পিতঃ ॥

অৱিচ্ছিন্নস্য পূৰ্ণেন একত্ৱং প্ৰতিপদ্যতে ।
তত্ত্ৱমস্যাদিৱাক্যৈশ্চ সাভাসস্যাহমস্তথা ॥

ঐক্যজ্ঞানং যদোৎপন্নং মহাৱাক্যেন চাত্মনোঃ ।
তদাঽৱিদ্যা স্ৱকাৰ্যৈশ্চ নশ্যত্যেৱ ন সংশয়ঃ ॥

এতদ্ৱিজ্ঞায় মদ্ভক্তো মদ্ভাৱায়োপপদ্যতে
মদ্ভক্তিৱিমুখানাং হি শাস্ত্ৰগৰ্তেষু মুহ্যতাম্ ।
ন জ্ঞানং ন চ মোক্ষঃ স্যাত্তেষাং জন্মশতৈৰপি ॥

ইদং ৰহস্যং হৃদয়ং মমাত্মনো
ময়ৈৱ সাক্ষাৎকথিতং তৱানঘ ।
মদ্ভক্তিহীনায় শঠায় ন ত্ৱয়া
দাতৱ্যমৈন্দ্ৰাদপি ৰাজ্যতোঽধিকম্ ॥

॥ শ্ৰীমদধ্যাত্মৰামায়ণে বালকাণ্ডে শ্ৰীৰামহৃদয়ং সম্পূৰ্ণম্ ॥

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
শ্ৰী ৰাম হৃদয়ম্

Download this PDF