ശ്രീരാമഹൃദയം PDF മലയാളം

Download PDF of Ram Hridayam Malayalam

തതോ രാമഃ സ്വയം പ്രാഹ ഹനുമന്തമുപസ്ഥിതം .
ശൃണു യത്വം പ്രവക്ഷ്യാമി ഹ്യാത്മാനാത്മപരാത്മനാം ..

ആകാശസ്യ യഥാ ഭേദസ്ത്രിവിധോ ദൃശ്യതേ മഹാൻ .
ജലാശയേ മഹാകാശസ്തദവച്ഛിന്ന ഏവ ഹി .
പ്രതിബിംബാഖ്യമപരം ദൃശ്യതേ ത്രിവിധം നഭഃ ..

ബുദ്ധ്യവച്ഛിന്നചൈതന്യമേകം പൂർണമഥാപരം .
ആഭാസസ്ത്വപരം ബിംബഭൂതമേവം ത്രിധാ ചിതിഃ ..

സാഭാസബുദ്ധേഃ കർതൃത്വമവിച്ഛിന്നേഽവികാരിണി .
സാക്ഷിണ്യാരോപ്യതേ ഭ്രാന്ത്യാ ജീവത്വം ച തഥാഽബുധൈഃ ..

ആഭാസസ്തു മൃഷാബുദ്ധിരവിദ്യാകാര്യമുച്യതേ .
അവിച്ഛിന്നം തു തദ്ബ്രഹ്മ വിച്ഛേദസ്തു വികല്പിതഃ ..

അവിച്ഛിന്നസ്യ പൂർണേന ഏകത്വം പ്രതിപദ്യതേ .
തത്ത്വമസ്യാദിവാക്യൈശ്ച സാഭാസസ്യാഹമസ്തഥാ ..

ഐക്യജ്ഞാനം യദോത്പന്നം മഹാവാക്യേന ചാത്മനോഃ .
തദാഽവിദ്യാ സ്വകാര്യൈശ്ച നശ്യത്യേവ ന സംശയഃ ..

ഏതദ്വിജ്ഞായ മദ്ഭക്തോ മദ്ഭാവായോപപദ്യതേ
മദ്ഭക്തിവിമുഖാനാം ഹി ശാസ്ത്രഗർതേഷു മുഹ്യതാം .
ന ജ്ഞാനം ന ച മോക്ഷഃ സ്യാത്തേഷാം ജന്മശതൈരപി ..

ഇദം രഹസ്യം ഹൃദയം മമാത്മനോ
മയൈവ സാക്ഷാത്കഥിതം തവാനഘ .
മദ്ഭക്തിഹീനായ ശഠായ ന ത്വയാ
ദാതവ്യമൈന്ദ്രാദപി രാജ്യതോഽധികം ..

.. ശ്രീമദധ്യാത്മരാമായണേ ബാലകാണ്ഡേ ശ്രീരാമഹൃദയം സമ്പൂർണം ..

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
ശ്രീരാമഹൃദയം

Download this PDF