|| ଶ୍ରୀ ଶିବରକ୍ଷା ସ୍ତୋତ୍ରମ୍ ||
ଶ୍ରୀସଦାଶିବପ୍ରୀତ୍ୟର୍ଥଂ ଶିବରକ୍ଷାସ୍ତୋତ୍ରଜପେ ବିନିୟୋଗଃ ॥
ଚରିତଂ ଦେବଦେବସ୍ୟ ମହାଦେବସ୍ୟ ପାବନମ୍ ।
ଅପାରଂ ପରମୋଦାରଂ ଚତୁର୍ୱର୍ଗସ୍ୟ ସାଧନମ୍ ॥
ଗୌରୀବିନାୟକୋପେତଂ ପଞ୍ଚବକ୍ତ୍ରଂ ତ୍ରିନେତ୍ରକମ୍ ।
ଶିବଂ ଧ୍ୟାତ୍ୱା ଦଶଭୁଜଂ ଶିବରକ୍ଷାଂ ପଠେନ୍ନରଃ ॥
ଗଙ୍ଗାଧରଃ ଶିରଃ ପାତୁ ଭାଲଂ ଅର୍ଧେନ୍ଦୁଶେଖରଃ ।
ନୟନେ ମଦନଧ୍ୱଂସୀ କର୍ଣୋ ସର୍ପବିଭୂଷଣ ॥
ଘ୍ରାଣଂ ପାତୁ ପୁରାରାତିଃ ମୁଖଂ ପାତୁ ଜଗତ୍ପତିଃ ।
ଜିହ୍ୱାଂ ବାଗୀଶ୍ୱରଃ ପାତୁ କନ୍ଧରାଂ ଶିତିକନ୍ଧରଃ ॥
ଶ୍ରୀକଣ୍ଠଃ ପାତୁ ମେ କଣ୍ଠଂ ସ୍କନ୍ଧୌ ବିଶ୍ୱଧୁରନ୍ଧରଃ ।
ଭୁଜୌ ଭୂଭାରସଂହର୍ତା କରୌ ପାତୁ ପିନାକଧୃକ୍ ॥
ହୃଦୟଂ ଶଙ୍କରଃ ପାତୁ ଜଠରଂ ଗିରିଜାପତିଃ ।
ନାଭିଂ ମୃତ୍ୟୁଞ୍ଜୟଃ ପାତୁ କଟୀ ବ୍ୟାଘ୍ରାଜିନାମ୍ବରଃ ॥
ସକ୍ଥିନୀ ପାତୁ ଦୀନାର୍ତଶରଣାଗତବତ୍ସଲଃ ॥
ଉରୂ ମହେଶ୍ୱରଃ ପାତୁ ଜାନୁନୀ ଜଗଦୀଶ୍ୱରଃ ॥
ଜଙ୍ଘେ ପାତୁ ଜଗତ୍କର୍ତା ଗୁଲ୍ଫୌ ପାତୁ ଗଣାଧିପଃ ॥
ଚରଣୌ କରୁଣାସିନ୍ଧୁଃ ସର୍ୱାଙ୍ଗାନି ସଦାଶିବଃ ॥
ଏତାଂ ଶିବବଲୋପେତାଂ ରକ୍ଷାଂ ଯଃ ସୁକୃତୀ ପଠେତ୍ ।
ସ ଭୁକ୍ତ୍ୱା ସକଲାନ୍କାମାନ୍ ଶିବସାୟୁଜ୍ୟମାପ୍ନୁୟାତ୍ ॥
ଗ୍ରହଭୂତପିଶାଚାଦ୍ୟାସ୍ତ୍ରୈଲୋକ୍ୟେ ବିଚରନ୍ତି ଯେ ।
ଦୂରାଦାଶୁ ପଲାୟନ୍ତେ ଶିବନାମାଭିରକ୍ଷଣାତ୍ ॥
ଅଭୟଙ୍କରନାମେଦଂ କବଚଂ ପାର୍ୱତୀପତେଃ ।
ଭକ୍ତ୍ୟା ବିଭର୍ତି ଯଃ କଣ୍ଠେ ତସ୍ୟ ବଶ୍ୟଂ ଜଗତ୍ତ୍ରୟମ୍ ॥
ଇମାଂ ନାରାୟଣଃ ସ୍ୱପ୍ନେ ଶିବରକ୍ଷାଂ ଯଥାଽଽଦିଶତ୍ ।
ପ୍ରାତରୁତ୍ଥାୟ ଯୋଗୀନ୍ଦ୍ରୋ ଯାଜ୍ଞବଲ୍କ୍ୟଃ ତଥାଽଲିଖତ୍ ॥
ଇତି ଶ୍ରୀୟାଜ୍ଞବଲ୍କ୍ୟପ୍ରୋକ୍ତଂ ଶିବରକ୍ଷାସ୍ତୋତ୍ରଂ ସମ୍ପୂର୍ଣମ୍ ॥
Read in More Languages:- sanskritश्री त्रिपुरारि स्तोत्रम्
- sanskritअर्ध नारीश्वर स्तोत्रम्
- hindiश्री कालभैरवाष्टक स्तोत्रम् अर्थ सहित
- hindiश्री काशी विश्वनाथ मंगल स्तोत्रम्
- marathiशिवलीलामृत – अकरावा अध्याय 11
- malayalamശിവ രക്ഷാ സ്തോത്രം
- teluguశివ రక్షా స్తోత్రం
- tamilசிவ ரக்ஷா ஸ்தோத்திரம்
- hindiश्री शिव तांडव स्तोत्रम्
- kannadaಶಿವ ರಕ್ಷಾ ಸ್ತೋತ್ರ
- hindiशिव रक्षा स्तोत्र
- malayalamശിവ പഞ്ചാക്ഷര നക്ഷത്രമാലാ സ്തോത്രം
- teluguశివ పంచాక్షర నక్షత్రమాలా స్తోత్రం
- tamilசிவா பஞ்சாக்ஷர நக்ஷத்ராமாலா ஸ்தோத்திரம்
- kannadaಶಿವ ಪಂಚಾಕ್ಷರ ನಕ್ಷತ್ರಮಾಲಾ ಸ್ತೋತ್ರ
Found a Mistake or Error? Report it Now
