|| കൃഷ്ണ ചൗരാഷ്ടകം ||
വ്രജേ പ്രസിദ്ധം നവനീതചൗരം
ഗോപാംഗനാനാം ച ദുകൂലചൗരം .
അനേകജന്മാർജിതപാപചൗരം
ചൗരാഗ്രഗണ്യം പുരുഷം നമാമി ..
ശ്രീരാധികായാ ഹൃദയസ്യ ചൗരം
നവാംബുദശ്യാമലകാന്തിചൗരം .
പദാശ്രിതാനാം ച സമസ്തചൗരം
ചൗരാഗ്രഗണ്യം പുരുഷം നമാമി ..
അകിഞ്ചനീകൃത്യ പദാശ്രിതം യഃ
കരോതി ഭിക്ഷും പഥി ഗേഹഹീനം .
കേനാപ്യഹോ ഭീഷണചൗര ഈദൃഗ്-
ദൃഷ്ടഃ ശ്രുതോ വാ ന ജഗത്ത്രയേഽപി ..
യദീയ നാമാപി ഹരത്യശേഷം
ഗിരിപ്രസാരാൻ അപി പാപരാശീൻ .
ആശ്ചര്യരൂപോ നനു ചൗര ഈദൃഗ്
ദൃഷ്ടഃ ശ്രുതോ വാ ന മയാ കദാപി ..
ധനം ച മാനം ച തഥേന്ദ്രിയാണി
പ്രാണാംശ്ച ഹൃത്വാ മമ സർവമേവ .
പലായസേ കുത്ര ധൃതോഽദ്യ ചൗര
ത്വം ഭക്തിദാമ്നാസി മയാ നിരുദ്ധഃ ..
ഛിനത്സി ഘോരം യമപാശബന്ധം
ഭിനത്സി ഭീമം ഭവപാശബന്ധം .
ഛിനത്സി സർവസ്യ സമസ്തബന്ധം
നൈവാത്മനോ ഭക്തകൃതം തു ബന്ധം ..
മന്മാനസേ താമസരാശിഘോരേ
കാരാഗൃഹേ ദുഃഖമയേ നിബദ്ധഃ .
ലഭസ്വ ഹേ ചൗര ഹരേ ചിരായ
സ്വചൗര്യദോഷോചിതമേവ ദണ്ഡം ..
കാരാഗൃഹേ വസ സദാ ഹൃദയേ മദീയേ
മദ്ഭക്തിപാശദൃഢബന്ധനനിശ്ചലഃ സൻ .
ത്വാം കൃഷ്ണ ഹേ പ്രലയകോടിശതാന്തരേഽപി
സർവസ്വചൗര ഹൃദയാൻ ന ഹി മോചയാമി ..
- malayalamകൃഷ്ണ ആശ്രയ സ്തോത്രം
- teluguకృష్ణ ఆశ్రయ స్తోత్రం
- kannadaಕೃಷ್ಣ ಆಶ್ರಯ ಸ್ತೋತ್ರ
- hindiकृष्ण आश्रय स्तोत्र
- teluguకృష్ణ చౌరాష్టకం
- tamilகிருஷ்ண செளராஷ்டகம்
- hindiकृष्ण चौराष्टक स्तोत्र
- malayalamകൃഷ്ണ ലഹരീ സ്തോത്രം
- teluguకృష్ణ లహరీ స్తోత్రం
- tamilகிருஷ்ண லஹரி ஸ்தோத்திரம்
- kannadaಕೃಷ್ಣ ಲಹರೀ ಸ್ತೋತ್ರ
- hindiकृष्ण लहरी स्तोत्र
- englishShri Krishna Kritam Durga Stotram
Found a Mistake or Error? Report it Now
