|| ಕೃಷ್ಣ ಲಹರೀ ಸ್ತೋತ್ರ ||
ಕದಾ ವೃಂದಾರಣ್ಯೇ ವಿಪುಲಯಮುನಾತೀರಪುಲಿನೇ
ಚರಂತಂ ಗೋವಿಂದಂ ಹಲಧರಸುದಾಮಾದಿಸಹಿತಂ.
ಅಹೋ ಕೃಷ್ಣ ಸ್ವಾಮಿನ್ ಮಧುರಮುರಲೀಮೋಹನ ವಿಭೋ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್.
ಕದಾ ಕಾಲಿಂದೀಯೈರ್ಹರಿಚರಣಮುದ್ರಾಂಕಿತತಟೈಃ
ಸ್ಮರನ್ಗೋಪೀನಾಥಂ ಕಮಲನಯನಂ ಸಸ್ಮಿತಮುಖಂ.
ಅಹೋ ಪೂರ್ಣಾನಂದಾಂಬುಜವದನ ಭಕ್ತೈಕಲಲನ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್.
ಕದಾಚಿತ್ಖೇಲಂತಂ ವ್ರಜಪರಿಸರೇ ಗೋಪತನಯೈಃ
ಕುತಶ್ಚಿತ್ಸಂಪ್ರಾಪ್ತಂ ಕಿಮಪಿ ಲಸಿತಂ ಗೋಪಲಲನಂ.
ಅಯೇ ರಾಧೇ ಕಿಂ ವಾ ಹರಸಿ ರಸಿಕೇ ಕಂಚುಕಯುಗಂ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್.
ಕದಾಚಿದ್ಗೋಪೀನಾಂ ಹಸಿತಚಕಿತಸ್ನಿಗ್ಧನಯನಂ
ಸ್ಥಿತಂ ಗೋಪೀವೃಂದೇ ನಟಮಿವ ನಟಂತಂ ಸುಲಲಿತಂ.
ಸುರಾಧೀಶೈಃ ಸರ್ವೈಃ ಸ್ತುತಪದಮಿದಂ ಶ್ರೀಹರಿಮಿತಿ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್.
ಕದಾಚಿತ್ಸಚ್ಛಾಯಾಶ್ರಿತಮಭಿಮಹಾಂತಂ ಯದುಪತಿಂ
ಸಮಾಧಿಸ್ವಚ್ಛಾಯಾಂಚಲ ಇವ ವಿಲೋಲೈಕಮಕರಂ.
ಅಯೇ ಭಕ್ತೋದಾರಾಂಬುಜವದನ ನಂದಸ್ಯ ತನಯ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್.
ಕದಾಚಿತ್ಕಾಲಿಂದ್ಯಾಸ್ತಟತರುಕದಂಬೇ ಸ್ಥಿತಮಮುಂ
ಸ್ಮಯಂತಂ ಸಾಕೂತಂ ಹೃತವಸನಗೋಪೀಸುತಪದಂ.
ಅಹೋ ಶಕ್ರಾನಂದಾಂಬುಜವದನ ಗೋವರ್ಧನಧರ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್.
ಕದಾಚಿತ್ಕಾಂತಾರೇ ವಿಜಯಸಖಮಿಷ್ಟಂ ನೃಪಸುತಂ
ವದಂತಂ ಪಾರ್ಥೇತಿ ನೃಪಸುತ ಸಖೇ ಬಂಧುರಿತಿ ಚ.
ಭ್ರಮಂತಂ ವಿಶ್ರಾಂತಂ ಶ್ರಿತಮುರಲಿಮಾಸ್ಯಂ ಹರಿಮಮೀ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್.
ಕದಾ ದ್ರಕ್ಷ್ಯೇ ಪೂರ್ಣಂ ಪುರುಷಮಮಲಂ ಪಂಕಜದೃಶಂ
ಅಹೋ ವಿಷ್ಣೋ ಯೋಗಿನ್ ರಸಿಕಮುರಲೀಮೋಹನ ವಿಭೋ.
ದಯಾಂ ಕರ್ತುಂ ದೀನೇ ಪರಮಕರುಣಾಬ್ಧೇ ಸಮುಚಿತಂ
ಪ್ರಸೀದೇತಿ ಕ್ರೋಶನ್ನಿಮಿಷಮಿವ ನೇಷ್ಯಾಮಿ ದಿವಸಾನ್.
- malayalamകൃഷ്ണ ആശ്രയ സ്തോത്രം
- teluguకృష్ణ ఆశ్రయ స్తోత్రం
- kannadaಕೃಷ್ಣ ಆಶ್ರಯ ಸ್ತೋತ್ರ
- hindiकृष्ण आश्रय स्तोत्र
- malayalamകൃഷ്ണ ചൗരാഷ്ടകം
- teluguకృష్ణ చౌరాష్టకం
- tamilகிருஷ்ண செளராஷ்டகம்
- hindiकृष्ण चौराष्टक स्तोत्र
- malayalamകൃഷ്ണ ലഹരീ സ്തോത്രം
- teluguకృష్ణ లహరీ స్తోత్రం
- tamilகிருஷ்ண லஹரி ஸ்தோத்திரம்
- hindiकृष्ण लहरी स्तोत्र
- englishShri Krishna Kritam Durga Stotram
Found a Mistake or Error? Report it Now
