|| കൃഷ്ണ ലഹരീ സ്തോത്രം ||
കദാ വൃന്ദാരണ്യേ വിപുലയമുനാതീരപുലിനേ
ചരന്തം ഗോവിന്ദം ഹലധരസുദാമാദിസഹിതം.
അഹോ കൃഷ്ണ സ്വാമിൻ മധുരമുരലീമോഹന വിഭോ
പ്രസീദേതി ക്രോശന്നിമിഷമിവ നേഷ്യാമി ദിവസാൻ.
കദാ കാലിന്ദീയൈർഹരിചരണമുദ്രാങ്കിതതടൈഃ
സ്മരൻഗോപീനാഥം കമലനയനം സസ്മിതമുഖം.
അഹോ പൂർണാനന്ദാംബുജവദന ഭക്തൈകലലന
പ്രസീദേതി ക്രോശന്നിമിഷമിവ നേഷ്യാമി ദിവസാൻ.
കദാചിത്ഖേലന്തം വ്രജപരിസരേ ഗോപതനയൈഃ
കുതശ്ചിത്സമ്പ്രാപ്തം കിമപി ലസിതം ഗോപലലനം.
അയേ രാധേ കിം വാ ഹരസി രസികേ കഞ്ചുകയുഗം
പ്രസീദേതി ക്രോശന്നിമിഷമിവ നേഷ്യാമി ദിവസാൻ.
കദാചിദ്ഗോപീനാം ഹസിതചകിതസ്നിഗ്ധനയനം
സ്ഥിതം ഗോപീവൃന്ദേ നടമിവ നടന്തം സുലലിതം.
സുരാധീശൈഃ സർവൈഃ സ്തുതപദമിദം ശ്രീഹരിമിതി
പ്രസീദേതി ക്രോശന്നിമിഷമിവ നേഷ്യാമി ദിവസാൻ.
കദാചിത്സച്ഛായാശ്രിതമഭിമഹാന്തം യദുപതിം
സമാധിസ്വച്ഛായാഞ്ചല ഇവ വിലോലൈകമകരം.
അയേ ഭക്തോദാരാംബുജവദന നന്ദസ്യ തനയ
പ്രസീദേതി ക്രോശന്നിമിഷമിവ നേഷ്യാമി ദിവസാൻ.
കദാചിത്കാലിന്ദ്യാസ്തടതരുകദംബേ സ്ഥിതമമും
സ്മയന്തം സാകൂതം ഹൃതവസനഗോപീസുതപദം.
അഹോ ശക്രാനന്ദാംബുജവദന ഗോവർധനധര
പ്രസീദേതി ക്രോശന്നിമിഷമിവ നേഷ്യാമി ദിവസാൻ.
കദാചിത്കാന്താരേ വിജയസഖമിഷ്ടം നൃപസുതം
വദന്തം പാർഥേതി നൃപസുത സഖേ ബന്ധുരിതി ച.
ഭ്രമന്തം വിശ്രാന്തം ശ്രിതമുരലിമാസ്യം ഹരിമമീ
പ്രസീദേതി ക്രോശന്നിമിഷമിവ നേഷ്യാമി ദിവസാൻ.
കദാ ദ്രക്ഷ്യേ പൂർണം പുരുഷമമലം പങ്കജദൃശം
അഹോ വിഷ്ണോ യോഗിൻ രസികമുരലീമോഹന വിഭോ.
ദയാം കർതും ദീനേ പരമകരുണാബ്ധേ സമുചിതം
പ്രസീദേതി ക്രോശന്നിമിഷമിവ നേഷ്യാമി ദിവസാൻ.
- malayalamകൃഷ്ണ ആശ്രയ സ്തോത്രം
- teluguకృష్ణ ఆశ్రయ స్తోత్రం
- kannadaಕೃಷ್ಣ ಆಶ್ರಯ ಸ್ತೋತ್ರ
- hindiकृष्ण आश्रय स्तोत्र
- malayalamകൃഷ്ണ ചൗരാഷ്ടകം
- teluguకృష్ణ చౌరాష్టకం
- tamilகிருஷ்ண செளராஷ்டகம்
- hindiकृष्ण चौराष्टक स्तोत्र
- teluguకృష్ణ లహరీ స్తోత్రం
- tamilகிருஷ்ண லஹரி ஸ்தோத்திரம்
- kannadaಕೃಷ್ಣ ಲಹರೀ ಸ್ತೋತ್ರ
- hindiकृष्ण लहरी स्तोत्र
- englishShri Krishna Kritam Durga Stotram
Found a Mistake or Error? Report it Now
