|| Aarti ||
Kushmanda Jai Jag Sukhdani ।
Mujh Par Daya Karo Maharani ॥
Piganla Jwalamukhi Nirali ।
Shakambari Maan Bholi Bhali ॥
Lakhon Naam Nirale Tere ।
Bhakt Kai Matwale Tere ॥
Bheema Parvat Par Hai Dera ।
Sweekaro Pranam Ye Mera ॥
Sabaki Sunti Ho Jagdambe ।
Sukh Pahunchati Ho Maan Ambe ॥
Tere Darshan Ka Main Pyasa ।
Poorn Kar Do Meri Aasha ॥
Maan Ke Man Mein Mamta Bhaari ।
Kyon Na Sunegi Araj Hamari ॥
Tere Dar Par Kiya Hai Dera ।
Door Karo Maan Sankat Mera ॥
Mere Kaaraj Poore Kar Do ।
Mere Tum Bhandare Bhar Do ॥
Tera Daas Tujhe Hi Dhyae ।
Bhakt Tere Dar Sheesh Jhukaye ॥
|| Iti Maa Kushmanda Aarti ||
Found a Mistake or Error? Report it Now
