|| শ্রী শিবরক্ষা স্তোত্রম্ ||
শ্রীসদাশিবপ্রীত্যর্থং শিবরক্ষাস্তোত্রজপে বিনিয়োগঃ ॥
চরিতং দেবদেবস্য মহাদেবস্য পাবনম্ ।
অপারং পরমোদারং চতুর্বর্গস্য সাধনম্ ॥
গৌরীবিনায়কোপেতং পঞ্চবক্ত্রং ত্রিনেত্রকম্ ।
শিবং ধ্যাত্বা দশভুজং শিবরক্ষাং পঠেন্নরঃ ॥
গঙ্গাধরঃ শিরঃ পাতু ভালং অর্ধেন্দুশেখরঃ ।
নয়নে মদনধ্বংসী কর্ণো সর্পবিভূষণ ॥
ঘ্রাণং পাতু পুরারাতিঃ মুখং পাতু জগৎপতিঃ ।
জিহ্বাং বাগীশ্বরঃ পাতু কন্ধরাং শিতিকন্ধরঃ ॥
শ্রীকণ্ঠঃ পাতু মে কণ্ঠং স্কন্ধৌ বিশ্বধুরন্ধরঃ ।
ভুজৌ ভূভারসংহর্তা করৌ পাতু পিনাকধৃক্ ॥
হৃদয়ং শঙ্করঃ পাতু জঠরং গিরিজাপতিঃ ।
নাভিং মৃত্যুঞ্জয়ঃ পাতু কটী ব্যাঘ্রাজিনাম্বরঃ ॥
সক্থিনী পাতু দীনার্তশরণাগতবৎসলঃ ॥
উরূ মহেশ্বরঃ পাতু জানুনী জগদীশ্বরঃ ॥
জঙ্ঘে পাতু জগৎকর্তা গুল্ফৌ পাতু গণাধিপঃ ॥
চরণৌ করুণাসিন্ধুঃ সর্বাঙ্গানি সদাশিবঃ ॥
এতাং শিববলোপেতাং রক্ষাং যঃ সুকৃতী পঠেৎ ।
স ভুক্ত্বা সকলান্কামান্ শিবসায়ুজ্যমাপ্নুয়াৎ ॥
গ্রহভূতপিশাচাদ্যাস্ত্রৈলোক্যে বিচরন্তি যে ।
দূরাদাশু পলায়ন্তে শিবনামাভিরক্ষণাৎ ॥
অভয়ঙ্করনামেদং কবচং পার্বতীপতেঃ ।
ভক্ত্যা বিভর্তি যঃ কণ্ঠে তস্য বশ্যং জগত্ত্রয়ম্ ॥
ইমাং নারায়ণঃ স্বপ্নে শিবরক্ষাং যথাঽঽদিশৎ ।
প্রাতরুত্থায় যোগীন্দ্রো যাজ্ঞবল্ক্যঃ তথাঽলিখৎ ॥
ইতি শ্রীয়াজ্ঞবল্ক্যপ্রোক্তং শিবরক্ষাস্তোত্রং সম্পূর্ণম্ ॥
Read in More Languages:- gujaratiશ્રી શિવરક્ષા સ્તોત્રમ્
- punjabiਸ਼੍ਰੀ ਸ਼ਿਵਰਕ੍ਸ਼਼ਾ ਸ੍ਤੋਤ੍ਰਮ੍
- odiaଶ୍ରୀ ଶିବରକ୍ଷା ସ୍ତୋତ୍ରମ୍
- hindiश्री शिवरक्षा स्तोत्रम्
- teluguశ్రీ శివరక్షా స్తోత్రం
- tamilஶ்ரீ ஶிவரக்ஷா ஸ்தோத்ரம்
- kannadaಶ್ರೀ ಶಿವರಕ್ಷಾ ಸ್ತೋತ್ರಂ
- malayalamശ്രീ ശിവരക്ഷാ സ്തോത്രം
- bengaliগিরীশ স্তোত্রম্
- punjabiਗਿਰੀਸ਼ ਸ੍ਤੋਤ੍ਰਮ੍
- odiaଗିରୀଶ ସ୍ତୋତ୍ରମ୍
- sanskritगिरीश स्तोत्रम्
- gujaratiગિરીશ સ્તોત્રમ્
- tamilகி³ரீஶ ஸ்தோத்ரம்
- teluguగిరీశ స్తోత్రం
Found a Mistake or Error? Report it Now
![Download HinduNidhi App](https://hindunidhi.com/download-hindunidhi-app.png)