ശ്രീ ശിവരക്ഷാ സ്തോത്രം

|| ശ്രീ ശിവരക്ഷാ സ്തോത്രം ||

ശ്രീസദാശിവപ്രീത്യർഥം ശിവരക്ഷാസ്തോത്രജപേ വിനിയോഗഃ ..

ചരിതം ദേവദേവസ്യ മഹാദേവസ്യ പാവനം .
അപാരം പരമോദാരം ചതുർവർഗസ്യ സാധനം ..

ഗൗരീവിനായകോപേതം പഞ്ചവക്ത്രം ത്രിനേത്രകം .
ശിവം ധ്യാത്വാ ദശഭുജം ശിവരക്ഷാം പഠേന്നരഃ ..

ഗംഗാധരഃ ശിരഃ പാതു ഭാലം അർധേന്ദുശേഖരഃ .
നയനേ മദനധ്വംസീ കർണോ സർപവിഭൂഷണ ..

ഘ്രാണം പാതു പുരാരാതിഃ മുഖം പാതു ജഗത്പതിഃ .
ജിഹ്വാം വാഗീശ്വരഃ പാതു കന്ധരാം ശിതികന്ധരഃ ..

ശ്രീകണ്ഠഃ പാതു മേ കണ്ഠം സ്കന്ധൗ വിശ്വധുരന്ധരഃ .
ഭുജൗ ഭൂഭാരസംഹർതാ കരൗ പാതു പിനാകധൃക് ..

ഹൃദയം ശങ്കരഃ പാതു ജഠരം ഗിരിജാപതിഃ .
നാഭിം മൃത്യുഞ്ജയഃ പാതു കടീ വ്യാഘ്രാജിനാംബരഃ ..

സക്ഥിനീ പാതു ദീനാർതശരണാഗതവത്സലഃ ..
ഉരൂ മഹേശ്വരഃ പാതു ജാനുനീ ജഗദീശ്വരഃ ..

ജംഘേ പാതു ജഗത്കർതാ ഗുൽഫൗ പാതു ഗണാധിപഃ ..
ചരണൗ കരുണാസിന്ധുഃ സർവാംഗാനി സദാശിവഃ ..

ഏതാം ശിവബലോപേതാം രക്ഷാം യഃ സുകൃതീ പഠേത് .
സ ഭുക്ത്വാ സകലാൻകാമാൻ ശിവസായുജ്യമാപ്നുയാത് ..

ഗ്രഹഭൂതപിശാചാദ്യാസ്ത്രൈലോക്യേ വിചരന്തി യേ .
ദൂരാദാശു പലായന്തേ ശിവനാമാഭിരക്ഷണാത് ..

അഭയങ്കരനാമേദം കവചം പാർവതീപതേഃ .
ഭക്ത്യാ ബിഭർതി യഃ കണ്ഠേ തസ്യ വശ്യം ജഗത്ത്രയം ..

ഇമാം നാരായണഃ സ്വപ്നേ ശിവരക്ഷാം യഥാഽഽദിശത് .
പ്രാതരുത്ഥായ യോഗീന്ദ്രോ യാജ്ഞവൽക്യഃ തഥാഽലിഖത് ..

ഇതി ശ്രീയാജ്ഞവൽക്യപ്രോക്തം ശിവരക്ഷാസ്തോത്രം സമ്പൂർണം ..

Read in More Languages:

• sanskritदारिद्र्य दहन शिव स्तोत्रम्
• sanskritश्री त्रिपुरारि स्तोत्रम्
• sanskritअर्ध नारीश्वर स्तोत्रम्
• hindiश्री कालभैरवाष्टक स्तोत्रम् अर्थ सहित
• hindiश्री काशी विश्वनाथ मंगल स्तोत्रम्
• marathiशिवलीलामृत – अकरावा अध्याय 11
• malayalamശിവ രക്ഷാ സ്തോത്രം
• teluguశివ రక్షా స్తోత్రం
• tamilசிவ ரக்ஷா ஸ்தோத்திரம்
• hindiश्री शिव तांडव स्तोत्रम्
• kannadaಶಿವ ರಕ್ಷಾ ಸ್ತೋತ್ರ
• hindiशिव रक्षा स्तोत्र
• malayalamശിവ പഞ്ചാക്ഷര നക്ഷത്രമാലാ സ്തോത്രം
• teluguశివ పంచాక్షర నక్షత్రమాలా స్తోత్రం
• tamilசிவா பஞ்சாக்ஷர நக்ஷத்ராமாலா ஸ்தோத்திரம்

Found a Mistake or Error? Report it Now